Festicultores Troupe no 2015 cumpren 10 anos de Festicultura.
Para celebralo teñen preparado un novo espectáculo sorprendente, alegre, e moi participativo onde a interacción co público será a nota predominante.
Humor e coreografias mistúranse nun novo repertorio musical onde a fusión de melodías balcánicas e circenses con ska, rumba e electrónica farán que o público disfrute plenamente da Festicultura.
Depois de moitos anos de bagaxe quixemos voltar á fonte limpa, revisamos o pasado para escribir o futuro, dende unha nova óptica, este disco é produto das nosas inquedanzas, de novas experiencias, da madurez. Cada un de nós é parte do carro e fai que sone de novo o eixo, seguido dun miudiño son de inveteradas borracheiras, o betoque que suxeita a lamia, que suxeita a roda, que suxeita o carro...
A Balbina canta e conta historias. Historias que son nosas e comúns nas 4 provincias de Galicia. Dende o inicio mantén unha proposta clara: música e letras orixináis 100% en lingua galega. Creación que mestura ritmos festeiros e unha retranca propia do país. Historias que nacen no rural, de personaxes extraordinariamente cotiáns. Historias que merecen ser contadas e musicalizadas. Dende os nosos inicios mantemos unha proposta que mistura ritmo e melodía ca musicalidade da lingua galega. A traxectoria da banda reflicte unha visión de Galicia en feminino.
Guezos presenta unha colección totalmente nova de cancións, producto dun longo traballo de estudio e preproducción de cada tema.
Novas cancións para un directo máis que consolidado durante 15 anos de traxectoria, con 5 discos de estudio, 2 recompilatorios, programas de tv, radio...
Neste 2016, Guezos presenta o EP "Un longo Camiño" con 4 cancións gravadas en Xilgaro Estudio.
Fiel á súa cita anual co festival e como froito do encontro orquestral para novos intérpretes que o Consorcio para Promoción de Música da Coruña organiza nestas datas, o Festival de Músicas Contemplativas conta nesta ocasión coa participación da Orquestra Nova da Sinfónica de Galicia, un conxunto que é a viva imaxe do futuro da música clásica en Galicia.
A nouba constitúe o corazón da tradición musical da cidade magrebí de Alxer e a expresión máis clásica da música arabo-andalusí. Poucos intérpretes do repertorio andalusí puxeron tanta paixón no exercicio da súa arte como Beihdja Rahal, a primeira muller que gravou os doce modos da música clásica araboandalusí, ata daquela couto vedado dos homes. L' Express cita entre as "100 personalidades que fan mover Alxeria" a Beihdja Rahal, unha sensible artista firmemente comprometida coa educación e a conservación e transmisión da tradición musical arabo-andalusí.
O tenor José Manuel Montero e o arpista Juan Ramón Hernández presentan un programa concibido para trasladar ao espectador unha impresión do que puido ser o mundo poético-musical na vida de santa Teresa de Jesús… Recitados e cantados, co acompañamento de arpas históricas (unha delas copia dunha existente no abulense Convento da Encarnación), poderemos apreciar a linguaxe directa e sinxela dos poemas e romances de santa Teresa… As músicas son de autores coñecidos da época (Alonso Mudarra, Antonio de Cabezón ou Diego Fernández de Huete) e tons empregados na liturxia e en cerimonias civís e rel
Residente en España hai xa dúas décadas, Gani Mirzo é recoñecido polo seu labor de investigación musical na fusión de xéneros e tradicións como a música curda, a música xenericamente oriental, o flamenco e o jazz. Acompañado pola cantante alxeriana Neila Bembey e o guitarrista español Juan José Barreda, Gani Mirzo fálanos coa súa música do sufrimento e a dor causada pola guerra e o exilio...
Precoz intérprete cunha exitosa e frutífera carreira (actuacións en máis de cincuenta países, máis de sesenta discos e nominación aos premios Grammy incluída) de máis de tres décadas consagrados á música do seu país e ao seu instrumento, a frauta de bambú... Shashank Subramanyam achéganos unha tradición musical de 4.000 anos de antigüidade que esencialmente nos transmite paz e devoción...
A forte influencia da negatividade das noticias que nos chegan dun país maltratado por máis de trinta anos de guerras non nos permite facer unha idea da brillantez da riqueza cultural de Afganistán. Comprometidos coa recuperación, preservación e difusión do infinito patrimonio cultural afgán, Zooreh Jooya e o Ensemble Afghan descóbrennos coas súas Cancións de Afganistán unha tradición musical que se encontra entre as máis refinadas de Asia.
