As actividades ao redor do xacemento de arte rupestre da área arqueolóxica de Tourón contan cunha banda sonora, a que lle pon o grupo Leilía. A formación naceu en 1989 da man de seis mulleres co propósito de recuperar do esquecemento a música de tradición oral de Galicia.
A Biblioteca Histórica Marqués de Valdecilla, da Universidade Complutense de Madrid, acolle nos seus andeis unha pequena xoia do patrimonio musical galego e ibérico. Trátase dun manuscrito de 1594 dedicado ao cardeal arcebispo de Sevilla, Rodrigo de Castro, que contén unha misa e un motete a seis voces e, agochado no debuxo na portada, un canon tamén a seis voces.
Francesco da Firenze, máis coñecido como Francesco Landini, é un dos compositores italianos de maior sona do chamado trecento. Cego desde neno, Landini aprendeu a tocar diversos instrumentos, era cantor, escribía poesía e compoñía música. Tamén se ten noticia de que era un experto construtor de instrumentos musicais e de que tiña amplos coñecementos de filosofía e astronomía; unha especie de antecesor, en suma, do humanismo renacentista en pleno século XIV.
Percorrido temático polas nanas marabillosas escritas en diferentes idiomas e compostas por famosos músicos clásicos como Falla, Strauss, Schumann, Montsalvatge, Brahms, Wagner, Britten, Lorca ou Dvorak. A soprano e o pianista vigueses voltan a xuntarse para este proxecto.
Programa:
Chega do interior, dun océano interno. Dun mar quente e profundo que, aínda que ten morada certa, non aparece nos mapas. Trae con ela as cumbias que non son cumbias. Esperta os bailes que aínda están por inventar.
Camiña polas rúas que pisamos hai tempo e polas que hoxe está prohibido pasear. Traslada dun lado a outro a surfistas sen táboa, unha manda de eguas e cabalos sen dono e un grupo de pallasos que tratan, co riso e sen bromas, asuntos moi serios.
A Magnifique Bande dos Homes sen Medo basea o seu repertorio no bo gusto musical á hora de escoller e arranxar as versións, acompañadas de temas de propia factura. Desta forma ofertan unha viaxe a través do tempo entre Duke Ellington e Frank Zappa facendo paradas nos Skatalites, en Charlie Mingus,...
A súa formación:
Alvaro Trillo: Percusión
Miguel Paz: Percusión
Oscar "Bochu" Barcala: Tuba
Abel Leonardo: Guitarra
Álex Salgueiro: Órgano
Manuel Espiño: Trombón
Martiño D. Mato: Saxo Tenor
Manuel Paino: Trompeta
Nelson Quinteiro presenta o disco "Orquesta Gharbo!" cunha nova formación en SEXTETO na que ademais de Álex Lorenzo (guitarra, pedais, coros) e Ólivier Cano (traveseira, saxo), o músico cangués farase acompañar do Trío Caspervek formado por Brais González Pérez (Piano) Eduards Vecbaštiks (Violín) Blas Castañer Ibáñez (Percusión).
O resultado desta xuntanza, é un son envolvente e delicado que empaca os temas de Nelson Quinteiro dun xeito novo e moi interesante.
O trío nace no 2007 entre Vigo e Baiona.
O seu repertorio repasa os grandes éxitos da época dourada do bolero, pasando por habaneras, rancheiras, valses peruanos, etc. ofrecendo versións con corda e voz.
O trío está formado por: Pablo Alonso (Primeira voz); Esteban Alonso (Segunda voz e Guitarra); Miguel A. Cedeira (Terceira voz, Guitarra e Bandurria).
O primeiro Festival de Música de Sabarís, nace coa vocación de difundir a música clásica, o jazz, música popular, entre outras, nunha das localidades do Val Miñor, a parroquia de Sabarís, en Baiona. O principal obxectivo deste evento é ofrecer ao público unha interesante oferta musical cun enfoque ameno e pedagóxico, e por outra banda darlle a oportunidade aos novos valores da música, para que poidan iniciar a súa traxectoria artística como intérpretes.
O Programa do Festival é o seguinte:
É un grupo galego nado no ano 2001 en Torroso. Cunha formación composta por ventos e percusión, The Turre´s Band propón un innovador repertorio musical cheo de ritmos, como ska, swing, blues, música balkánica e música galega.
