O Val das Mouras é una formación celta-folk que basea a súa proposta musical na obra poética de Rosalía de Castro, concretamente no libro Follas Novas. A banda, que comparte nome cun lendario bosque galego, convídavos a empezar unha viaxe atrás no tempo cara a un lugar moi lonxe, a través de profundas melodías e harmonizando os versos que retrataron á muller galega e ao emigrante, ao mariñeiro e ao aldeán.
Partindo de composicións propias e versions de música de jazz, son cubano, rock... o concerto vai pasando por sons que veñen do Atlántico, terra dos dous músicos (Barbate e Vigo). Música que vén das raíces populares das cancións que bañan este océano, desde Sudáfrica ao Reino Unido, desde Canadá ata Arxentina.
Concerto instrumental a dúas guitarras, guitarra española (Nono García) e guitarra eléctrica (Pablo Novoa), presentando o seu proxecto Radio Pesquera.
Concerto de presentación do seu traballo Sons de Nós, unha homenaxe á revista Nós e ás Irmandades da Fala.
Pescaitos Flamenco Quartet está formado por catro novos artistas que se xuntaron para propoñer unha fusión musical innovadora tendo como base o flamenco. A sonoridade exquisita deste cuarteto defínese a traves dos universos musicais aos cales pertencen os seus integrantes, Pere Martínez un cantaor flamenco, Melodie Gimard unha pianista clásica, Alejandro Tamayo un contrabaixista de jazz e Xoán Sánchez un percusionista de música moderna que unen as súas ideas musicais para crear un estilo aflamencado propio, fresco e elegante.
BUDIÑO fórmase na escola de gaitas Semente Nova de Moaña e na Universidade Popular de Vigo. Máis tarde descubre o Laboratorio de Creatividade Musical de Jazz en Vigo ó mesmo tempo que a súa paixón pola composición. Despois de traballar no eido da música tradicional galega durante anos, explora outras canles artísticas tocando a cotío con xente do jazz, do clásico, do pop ou do flamenco e compartindo cartel e esceario con músicos coma Van Morrison, Jerry González, Jorge Pardo, Capercaillie ou A Orquesta Sinfónica de Lorient.
O cuarteto formado polo compositor Alberto Vilas actúa coa voz da cubana (pianista e cantante) que se estableceu no noso país logo de chegar nun grupo de música tradicional cubana e que se graduou en piano no Conservatorio de Vigo.
O cuarteto son Rosolino Marinello (saxo), Juansy Santomé (contrabaixo), Javier Barral (batería), Alberto Vilas (piano e compositor)
Os organizadores da iniciativa explican que o obxectivo deste 1º Ciclo de Músicas de Sofá é achegar a música a todos os públicos dun xeito natural e distendido. Seguindo esta filosofía, os escenarios dos concertos serán tres sofás colocados en diferentes puntos da vila, en plena rúa, imitando o salón da casa: alfombra, mesas, lámpadas... Os concertos consistirán en catro ou cinco horas de música ininterrumpida, é dicir, a xente poderá sentar cós músicos, preguntarlles o que lles apeteza, incluso ofrecerse a tocar algún tema con eles ou tomarse algo no salón.
RumboTumba, é o proxecto de música instrumental do arxentino Facundo Salgado, quen, co seu Live Looping Set, fusiona ritmos orixinarios de distintas partes de América do Sur, principalmente música andina, con beats que coquetean tanto coa cumbia e os sons da selva como con ritmos netamente urbanos, como o Hip Hop ou a Electrónica. Instrumentos autóctonos e dixitais son executados, gravados e mesturados en tempo real, creando unha atmosfera de moito voo e movemento que convida ao baile, onde tradición e modernidade se complementan.
COSMOSOUL nace da unión de 5 elementos de diferentes culturas para facer música orixinal explorando o Soul e a música negra desde o ambiente cosmopolita de Madrid. Aínda que residen en España a formación mestura á perfección tres continentes e cinco países distintos. Este crisol representa a alma do grupo.
The Lákazans é unha banda que formalmente comeza polo 2011 con concertos semanais no bar Miudo, lugar onde se forman como banda.
O seu repertorio está formado por versións de clásicos do blues, soul, country, rock&roll,... ao que aos poucos fóronse incorporando temas propios que se moven tamén nese abanico de estilos.
A banda está formada por:
Trilli: Batería e percusión
Benja: Guitarra, slide guitar e mandolina
Almudena:Voz
Sabela: Voz
Figui: Harmónica
Fran Velo: Baixo
Likal: Batería
