Tim Holehouse pasou os últimos 8 anos na estrada para amosar a súa visión musical por todo o mundo, viaxando e tocando por puro amor á música. Imaxe arquetípica do bluesman, desterrado da sociedade e acechado por demonios persoais, presenta a súa versión mutante do Delta Blues cos seus característicos bottleneck, slide e énfases rítmicos. Un resumo total dos músicos de blues dos anos 20 e 30 actualizado aos nosos días.
Blues do País é un grupo formado por Bieitta James e Pepe King que interpreta música blues.
A súa reinterpretación de clásicos como Sitting on the dock of the bay (Sentadiña no pantalán), I just want to make love to you (Mirarche o cu), Killing me softly (Mátasme amodo) ou Mercedes Benz (Chimpín) non deixa a ninguén indiferente. Eles amosan que é posible facer blues no idioma do país. Extraer o soul dos cultivos de millo, como se fixo en tempos pasados nos campos de algodón no outro lado do charco.
Grupo de música que fusiona Soul, música brasileira, española e con pinceladas de ritmo balcánico.
En The Neighbour atopanse os altibaixos do día a día: o amor, o desamor, o sarcasmo, a alegría... en definitiva, ese pequeno formigueo que todo o mundo leva dentro e que fará vibrar con cada compás, con cada canción.
Da man de Sólo Voces poesía e música mestúranse ao redor da figura de Manuel María neste concerto cargado de lirismo. Un concerto no que o eco do poeta viaxa dende a Terra Chá nas composicións de Eliseo García-Bouso, quen recrea musicalmente as paisaxes que o poeta tanto amou.
Lucecús publicado pola Editorial Galaxia, contou coa colaboración de dúas personalidades da música galega como son Sés e Lydia Botana, seguindo a liña de colaboracións que iniciaron no seu primeiro traballo, "Cancións para Antía", co título "Fol do vento", no que colaborou o coro de voces brancas da Orquestra Sinfónica de Galicia.
O espectáculo en directo é unha auténtica festa para nenas e nenos que o pasan en grande, incluso os maiores, o que é unha alegría para o grupo, que sempre trata de levar un ambiente positivo e divertido alá onde van.
The Phantom Dragsters presentan o seu disco de debut editado por h-records, un artefacto sonoro que oscila estre o surf clásico e trepidantes descargas de reverb no que eles denominan killer instro-surf.
Compartirán escenario con eles:
A finais de 2010 nacía a Asociación Cultural de Amigos do Órgano “Un rato no tubo”, formada por un grupo de alumnos, persoas interesadas neste instrumento e a súa música, e a profesora de órgano no Conservatorio Profesional de Música de Ourense, Marisol Mendive.
O concerto correrá por conta de Marisol Mendive Zabaldica que tocará o órgano Walcker da igrexa de Santa Eufemia e Rubén Freire Bermúdez que a acompañará á trompeta.
Groovy Killers é un cuarteto que se forma en 2014 con integrantes de formacións de acid jazz como Cinnamon Gum ou Donatore dei Groove. A súa música baséase nun son vintage con influencias funk e marcado pola inconfundible cor do órgano hammond.
Como consecuencia da súa constante ansia por se renovar e a experiencia a través de tantas xiras por Europa e América do Sur e do Norte, a Orquestra "Os Modernos" ofrécelles un repertorio renovado de bailes como manda a última moda: foxtrot, baião, chotis, habanera ou tango americano, corrido, rumba, mazurca e incluso un avant-garde twist, sen esquecer tampouco eses ritmos máis arcaicos e propios do noso folclore como a muiñeira ou a xota.
Xoán Curiel e a banda Son+d2 presentan o seu novo traballo. Un espectáculo moi completo con danza, música en directo e elementos de teatro.
Trátase dun disco-libro editado pola editorial Galaxia que narra as aventuras duns rapaces que na época estival atopan unha creativa maneira de pasar o tempo formando un grupo musical.
