Concerto

Na historia da música sobran referencias ao aspecto non humano, referencias ao diabólico do son dun instrumento… o violín. Esta visión do instrumento ben pode ter que ver con dous aspectos inexplicables pola súa contradición: a súa enigmática forma, que practicamente non mudou nada dende a súa orixe hai case medio milenio, e a súa infinita capacidade de adaptarse a cada estilo de música de calquera época…

John Cage escribía: “estou máis confundido que nunca sobre as posibilidades case ilimitadas do violín”.

Rhythm & Blues, dosis de garaxe, e un gran sex-appeal fan que as súas cancións sexan como potentes golpes de calor, convertendo os seus espectáculos nunha quente e furibunda pista de baile. Liderados pola enerxía e a feiticeira voz da sedutora e carismática riot-girl Ciara Thompson, os Buttshakers están creando o seu propio camiño a base dun cálido, e cru rhythm and blues, con esencia do mellor da música soul que tanto aman.

Ben Poole, a nova revelación do bluesrock británico, sorprendeu a propios e estraños na súa última xira por España ofrecendo espectáculos de máis de 2 horas onde a súa guitarra e voz falaron por si soas. Agora regresa para presentar o seu incrible novo traballo en directo "Live At The Royal Albert Hall". Ben está influenciado polo blues pero á súa vez infundiu ao seu estilo un contundente enfoque do rock. Nos últimos anos está a falarse del como un dos maiores talentos da guitarra en Europa.

Le Bestiaire de Apollinaire-Poulenc-Dufy é unha obra creada a partir do ciclo de cancións do mesmo nome que Francis Poulenc compuxo en 1919.

Dúas estreas absolutas de José Río-Pareja e Juan Cruz-Guevara forman o eixe central do programa do conxunto estremeño Sonido Extremo centrado na creación española dos últimos anos. Neste percorrido escoitaremos ademais Dérive I, unha das últimas composicións do período máis produtivo do nonaxenario director e compositor francés Pierre Boulez.

O compositor vigués Eduardo Soutullo, un clásico da música contemporánea española como Luis de Pablo e unha das últimas obras do madrileño Jesús Rueda completan un ilustrativo programa.

Luis de Pablo (1930)

Coa súa actitude de (re)descubrimento e (re) interpretación o novo dúo galego-portugués KONTAKTEduo reúne tres perspectivas distintas de son, gramática musical, xesto e intención: o virtuosismo técnico do neozelandés John Psathas en Happy Tachyons, a obsesiva escrita do Tombeau do francés Philippe Hurel e o xogo de ataque/resonancia das Quatre Pièces Fébriles do grego Georges Aperghis.

Pneuma XI, do norteamericano Daniel Steffey, abre o concerto nunha tentativa de desafiar as fronteiras da interpretación/composición, instrumentista/músico, músico/home…

“É a especificidade do corpo do instrumento o que me interesa, o instrumento como unha vía de saí- da cara á que dirixirse para realizar unha lectura do mundo a través do son.

As Xornadas de Música Contemporánea de Santiago queren sumarse á celebración do 50º aniversario de Manuel Rodeiro e Jesús González nunha homenaxe a dous dos compositores máis representativos da música galega actual. Máis que o arbitrio dunha data, a Rodeiro e González úneos unha traxectoria común, á vez independente, e comprometida, tanto coa propia creación como coa difusión da música contemporánea en Galicia.

A cuarta edición das ‘Xornadas de Música Contemporánea’ comezan no Gaiás con este concerto homenaxe ao compositor galego Rogelio Groba.

Baixo o título ‘Rogelio Groba #85. Visións sonoras dunha vida’, este primeiro concerto do ciclo está dedicado a unha vida dedicada á composición: Rogelio Groba, quen atesoura 700 títulos que abranguen a práctica totalidade de xéneros musicais e unha rica variedade estética.

A cantante Uxía grava en directo na Casa Museo de Manuel María un CD homenaxe no día do seu aniversario. 

Un fermoso e máxico agasallo para Manuel María no día do seu nacemento: Uxía, coa colaboración especial de Xabier Díaz, a cantaren os poemas do Manuel na palleira grande da casa en que naceu, aquel seu espazo de xogos infantís, de aprendizaxes, de descubertas...

Xa se  pode reservar a entrada: contacto@casamuseomanuelmaria.gal e tfno. 698 177 621

Entrada de balde ata completar a capacidade.