Este ciclo de actuacións de bandas de música populares constitúe un agradecemento aos numerosos peregrinos que veñen a Santiago de Compostela como etapa final do Camiño. Deste modo, despois da misa do peregrino, os camiñantes poderán deleitarse durante unha hora con estes concertos sen ter que realizar ningunha reserva previa e sen ningún tipo de custe.
Este ciclo de actuacións de bandas de música populares constitúe un agradecemento aos numerosos peregrinos que veñen a Santiago de Compostela como etapa final do Camiño. Deste modo, despois da misa do peregrino, os camiñantes poderán deleitarse durante unha hora con estes concertos sen ter que realizar ningunha reserva previa e sen ningún tipo de custe.
Música e arte: correspondencias sonoras súmase á celebración do Día Internacional dos Museos cunha conmemoración particular: a do seu quinto aniversario, convertido o ciclo nun referente da creación musical internacional coa participación de compositores de numerosos países de Europa, América ou Oriente Próximo e Asia. Nestes encontros entre música e arte teñen cabida todas as expresións creativas actuais co obxectivo de dar a coñecer as estéticas máis avanzadas, os compositores máis relevantes e as perspectivas de desenvolvemento máis interesantes da nova música.
Dulce Pontes presenta en galicia o seu novo traballo, Portos de Abrigo, unha achega persoal e contemporánea á música portuguesa.
Dulce Pontes, Voz
Daniel Casares, guitarra
Juan Carlos Cambas, piano
Paulo Lima da Silva, percusión
Fernando Silva, guitarra portuguesa
Amadeu Magalhaes, gaita, frauta e viola
Unha cita de gran formato que congrega no Coliseum os concertos de Placebo, El Columpio Asesino, Triángulo de Amor Bizarro e Belako.
Cuarteto Caramuxo é o único cuarteto do mundo con seis compoñentes. Catro intérpretes de clarinete, unha percusionista tradicional e un acordeonista, todos cunha variada formación académica que vai desde a música antiga ata a contemporánea ou a tradicional pasando pola pedagoxía.
Caxade, pola súa parte, presenta o seu novo proxecto persoal: indie-folk cun arrecendo a música minimalista e a sons bucólico-pastorís da vella Europa. Música elegante, modesta e sinxela, surrealismo post-modernista e discurso reivindicativo, metafórico e irónico
Najla Shami, cantora e compositora filla da mestizaxe palestina, galega e arxentina, que se inicia na música tradicional e avanza cara ao jazz, o funk e a world music. Conxuga á perfección a multiculturalidade e o amor pola nosa terra, como se reflicte no seu último traballo, o libro-disco Na lingua que eu falo, unha fermosa homenaxe a Rosalía de Castro.
Luar na Lubre, unha das bandas máis internacionais de Galicia, conta xa cun longo percorrido que a levou a actuar en numerosos países, espallando a cultura e a música galegas.
Concerto de tres bandas de moi diferentes estilos musicais: Radio Cos, pandeireteiros que fan evolucionar a música galega de raíz de forma natural, A Banda Crebinsky, orquestra popular xurdida dun universo imaxinario, fuxida do film Crebinsky, e Som do Galpom, grupo de música de rap orgánico que mestura o hip hop, o funk e o folk.
Entrada libre previa recollida de invitación
Como consecuencia da súa constante ansia por renovarse e a experiencia a través de tantas xiras por Europa e América do Sur e do Norte, a Orquestra Os Modernos ofrece un repertorio renovado de bailes como manda a última moda: foxtrot, baião, chotis, habaneira ou tango americana, corrido, rumba, mazurca e mesmo un avant-garde twist, sen esquecer o folclore como a muiñeira ou a xota.
Esta programación pode sufrir modificacións. Confirmar datas e horas nas propias salas dos concertos: Salason
O concerto forma parte do XXV Festival Internacional de Música de Pulso e Púa, que cada ano organiza a Agrupación MusicalAlbéniz. Nel participan recoñecidos músicos internacionais por diferentes concellos da nosa xeografía. Neste caso no Museo do Mar de Galicia contarase coa presenza desta formación de Venezuela, no que se unen catro, baixo, percusión e mandolina para crear melodías que engaiolan o ouvido de quen as escoita.
