Un novo grupo musical galego xorde en 2012 coa boa música como principal obxectivo. Rock, pop, música latina, baladas, música de baile, música a capella, unha infinidade de estilos con personalidade propia, nunha montaxe espectacular de iluminación e son.
O blues tamén pode ter nome español. Gatos Bizcos é un claro expoñente diso, e tras o irresistible éxito do seu primeiro álbum "I can’t believe my eyes", o grupo acaba de publicar "Eurovegas", o seu segundo traballo máis maduro e con cancións máis redondas. Gústalles o blues, o swing, o Rhythm & Blues e o soul dos 60, pero tamén hai chiscadelas a moitos outros estilos.
Aos seus catro compoñentes, Quique Gómez, Miguel Benito, Pablo Sanpa e Héctor Vermello, o que máis lles atrae é verse cara a cara co público.
Conxugando a tradición de Lisboa e do Fado con abordaxes menos convencionais como o jazz, Gil do Carmo crea un sentido estético singular e persoal. Resultante de anos de maduración, o novo disco "A Uma Voz" traduce a espontaneidade e a autenticidade do registro acústico da guitarra portuguesa, do acordeón e da voz, nunha sonoridade única.
Baixo Cé orquestra pantasma agóchase o vigués César Freiria, músico autodicacta e apaixoado dos instrumentos musicais.
Comezou a súa andaina musical aos oito anos dentro da música tradicional e desde aquela non deixou de navegar polos variados estilos da musica popular, chegando a formar parte de grupos tan dispares entre si como A Roda ou banda de punk Oxtiax ke te Pariu.
Os integrantes do proxecto liderado por Emir Kusturica destacan de si mesmos que non seguen relixión, negocio nin dogmas e que son unha formación nómada. Esa liberdade creativa levounos a percorrer medio mundo co seu espectáculo único e rítmico, que sitúa na vangarda as súas raíces musicais balcánicas e que coloca a calidade por enriba do afán comercial.
O Consello da Cultura Galega organiza este concerto da Real Filharmonía de Galicia, a soprano Carmen Durán e o barítono Gabriel Alonso Díaz, baixo a dirección de Maximino Zumalave, interpretarán obras de Joly Braga Santos, Xosé Castro “Chané”, Antonio Iglesias Vilarelle e Xavier de Paz, partituras compostas sobre textos de Rosalía de Castro, Manuel Curros Enríquez e Xosé Filgueira Valverde.
O ciclo Enocións by Ribeiro: o Camiño das emocións bota a andar cunha parella de excepción: a música de Guadi Galego e as fotografías de Xurxo Lobato.
Interpreta como ningunha la canción melódica. A súa portentosa voz madura, a sensibilidade coa que transforma os boleros de outrora en éxitos e o seu inconfundible estilo fan que sexa unha das cantantes máis recoñecidas do noso país.
En 2015 Tamara celebrará os seus 15 anos de carreira musical cunha Xira Inédita.
Na súa traxectoria artística destaca a súa versatilidade, participando coma actor, músico, director, cantante ou bailarín en diversos proxectos vinculados á música, o teatro, o teatro infantil e a danza. No 2014, presenta o seu terceiro disco: Estamos no Verán!; neste caso trátase dunha novela-disco infantil, editado pola editorial Galaxia que ten como autora da novela a Charo Pita. En 2016 presenta un EP, Ecuacións, un traballo totalmente distinto e gravado cun sistema analóxico.
Tim Holehouse pasou os últimos 8 anos na estrada para amosar a súa visión musical por todo o mundo, viaxando e tocando por puro amor á música. Imaxe arquetípica do bluesman, desterrado da sociedade e acechado por demonios persoais, presenta a súa versión mutante do Delta Blues cos seus característicos bottleneck, slide e énfases rítmicos. Un resumo total dos músicos de blues dos anos 20 e 30 actualizado aos nosos días.
