As mellores versións de todos os tempos chegan ao Gaiás da man do grupo coruñés The Versionettes. De Tom Petty ata Coldplay pasando polos Stones, Bowie, ACDC, Dylan, U2, Radiohead, The Killers, Pink Floyd ou Queen. O mellor da historia do pop e rock internacional pero cun toque moi persoal.
+ info: https://www.cidadedacultura.org/gl/evento/atardecer-no-gaias-2014
Unha persoa soa no centro do "circo romano" instrumentos e cacharros, tocando, cantando, gravando e mesturando todo en riguroso directo.
Este concerto pode sufrir modificacións. Confirmar data e horario no local onde se celebra: Sala Zona Cero, Pub D'Antón Rock Café e Sala El Contrabajo
Sen deixar de ser fieis ao seu delirante e incendiario discurso e ao seu enérxico e divertido directo, este novo traballo inclúe 10 potentes cortes que, lonxe de abandonar a esencia punk, achéganse en frescura e indecencia tanto á suciedade do garaxe como á calidez do pop, facendo que este disco sexa unha das promesas para o ano 2011
Aló Django é un proxecto galego que busca a inspiración no jazz e na música dos xitanos manouche centroeuropeos: o chamado gypsy swing, un estilo, lírico, alegre e acústico cuxo máximo representante é o mítico guitarrista Django Reinhardt.
Ademais Aló Django é un show divertido máis alá do estritamente musical, coa a interactuación cómica co público, enfiando así música con xéneros escénicos de entretemento como o cabaré ou o music-hall, deonde veñen parte do seus integrantes.
A psicodelia e a enerxía da banda compostelana Dirty Socks deixarase notar na praza central do Gaiás coa presentación dos temas do que será o seu primeiro disco: Abandoned Warehouse. Con dous EP's ás súas costas e máis de 500.000 visitas en myspace, estes novisimos músicos atópanse entre as mellores promesas do país e deste Atardecer no Gaiás 2014.
A Magnifique Bande dos Homes sen Medo basea o seu repertorio no bo gusto musical á hora de escoller e arranxar as versións, acompanadas de temas de propia factura. Desta forma viaxamos a través do tempo entre Duke Ellington e Frank Zappa facendo paradas nós Skatalites, en Charlie Mingus...
A sua formación:
Alvaro Trillo: Percusión
Miguel Paz: Percusión
Oscar "Bochu" Barcala: Tuba
Abel Leonardo: Guitarra
Alex Salgueiro: Organo
Manuel Espiño: Trombon
Martiño D. Mato: Saxo Tenor
Manuel Paino: Trompeta
Baixo Cé orquestra pantasma agóchase o vigués César Freiria, músico autodicacta e apaixoado dos instrumentos musicais. Apoiándose na recuperación da figura do home orquestra, Cé orquestra pantasma convértese na fórmula perfecta para escapar do mundo por uns intres, deixándose levar, entregándose por completo á festa, porque iso é o que son os seus espectáculos: unha gran festa chea de forza, ritmo e fantasía na que o público deixa de ser espectador para convertérense en protagonista.
Con letras festivas e coreografías que acompañan os temas, Mamá Cabra promete un concerto ao grande para que os máis pequenos.
Este concerto forma parte da programación do ciclo Cultura no Camiño, coordinado por Turismo de Galicia e pola Consellería de Cultura, Educación e Ordenación Universitaria, como parte da conmemoración do oitavo centenario da peregrinación xacobea de san Francisco de Asís.
O programa, que leva por título un verso de Petrarca ao que lle puxera música Guillaume Dufay, O Vergine Bella, vira arredor do universo do feminino e das diversas representacións da figura feminina que se plasman a través do sentimento relixioso medieval. As obras interpretadas no programa abordan a figura da Virxe María, como nai de Deus, fonte de inspiración e figura central do pensamento do me-dievo, así como a nova orientación que adopta a devoción mariana, a partir do segundo milenio, que adquire un ton cabaleiresco, por influencia do amor cortés.
Marta Quintana e Cuchús Pimentel presentan en concerto o traballo discográfico Lus, que inclúe 11 temas do poeta galego Xosé María Díaz Castro, da súa obra Nimbos. Esta iniciativa constitúe una oportunidade para achegarse á obra do poeta mediante a interpretación musical das obras compostas por Marta Quintana e arranxadas por Cuchús Pimentel.
