A proposta que fai Oh Trío co seu segundo álbum, é unha homenaxe a Cancionero Gallego de Torner e Bal y Gay. O proxecto reinterpreta nove temas escolleitos desta obra con instrumentos como a guitarra acústica, a zanfona, a caixa de ritmos ou a batería. Influencias do jazz e atmósferas envolventes transforman os sons tradicionais neste proxecto formado por Germán Díaz, Antonio Bravo e Diego Martín.
Desde 2004 esta artista recupera repertorios clásicos do pop e do rock como Sting, Van Morrison, Depeche Mode, David Bowie...
'Outra volta de roda' supón un punto de inflexión da andaina de A Roda polos eidos da música popular galega, ao tempo que lles rende homenaxe a todos os músicos que pasaron pola formación e a lembranza do seu Fito.
NAJLA SHAMI é artista invitada neste concerto.
Brais Morán busca reflectir a forza e o rock como produto das vivencias destes últimos anos experimentados no panorama da escena galega.
Coñecido como o cantante e guitarrista da banda galega de funk Loretta Martin, Brais constrúe agora outro universo paralelo cunhas letras máis persoais e cunha forma máis individualista e directa de transmitir, onde decide coller a guitarra e poñerlle unha voz máis desgarrada a unhas cancións que intentan abrir outro camiño máis definido e máis potente na música actual.
Gallaecia Big Band presenta un espectáculo único. A Big Band acompañará o trío vocal feminino Las Brownies, nun espectáculo no que se rememorará o swing dos anos 30 e 40, deixando latente o espírito e a elegancia daquela grande época.
Dúas trompetas e tres trombóns de Fórmula Brass fan que todos os participantes se mergullen nunha viaxe musical que promete ser moi especial. Esta actuación forma parte dos concertos didácticos Música Animada, que vai desde música infantil, clásica, pasando polo jazz, o swing, as bandas sonoras de películas ou a música de culturas non occidentais.
Entrada libre ata completar aforo
Roi Casal ofrece un concerto con toda a súa banda na que interpreta temas do seu último traballo discográfico Donos do noso destino nun concerto familiar e para todos os públicos.
Estes concertos inclúen outros de carácter didácticos nos centros escolares da zona xunto coa cantante Silvia Ferre, neles fan un percorrido musicado pola historia dos instrumentos como a arpa, o bouzuki e a zanfona. Estas actuacións son de balde.
Tango Maestro é un percorrido pola obra dos grandes mestres do tango, con especial protagonismo á obra do gran Astor Piazzolla
A música de Piazzolla é unha das maiores expresións artísticas que Arxentina deu ao mundo. Incorporando ao tango un pouco de jazz, Piazzolla alcanzou un resultado formidable e á vez innovador, sofisticando ese rítmo porteño e revolucinando os seus conceptos.
Quinteto Nuestro Tiempo acércanos á obra dos grandes mestres da música rioplatense: Anibal Troilo, Horacio Salgán, Agustín Bardi, Astor Piazzolla.
TIC TAC é o exitoso libro-disco creado por Pablo Díaz, do que se levan vendidas máis de 5000 copias desde que saiu en decembro de 2009.
Nos seus concertos, Pablo fai un percorrido por distintos ritmos cos que, desde a perspectiva do folk, abarca a universalidade da música.
Nos seus espectáculos vai acompañado por grandes músicos que participan en grandes proxectos: Diego Barral (guitarras), Álex Fente (acordeón), Antón Díaz (baixo e contrabaixo), Carlos Freire (batería), Olga Kirk (coros) e Pablo Díaz (voz e clarinete)
Oscar Ibáñez presenta o seu primeiro traballo discográfico en solitario baixo o título “Alén do mar” (VIR, 2012). Neste disco o gaiteiro e frautista pontevedrés convídanos a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.
