Artes plásticas

Venres 20

12:30h: Inauguración oficial.

15:30h: Comezo do encontro: presentación entre os ilustradores e definición do proxecto.

17h a 21:00h: Creación libre.

Sábado 21

10:00h a 14:00: Proceso de produción das serigrafías.

16:00 h: Recepción alumnado Escolas de Artes A. Failde de Ourense e Pablo Picasso da Coruña e do Marter do Grao de Belas Artes de Pontevedra.

16:00h: Charlas de Fran bueno e Laura Cortés.

17:30h: Explicación de Fátima Bravo e Eduardo Porto.

A artista compostelá Mareiras presenta en Vigo 'As nosas letras de Muller a Muller', o seu primeiro libro, no marco da Feira do Libro que se celebra na cidade do sur de Galicia do 27 de xuño ao 6 de xullo. Faino cunha exposición que se poderá visitar no espazo común da feira —situada na rúa do Príncipe— durante o tempo que dura o evento.

A idea do caos e da aleatoriedade son os dous eixos que articulan a exposición 'In Non Meaningful Way', do escultor grego Thomas Apostolou.

A mostra profunda na nova obra de Apostolou, realizada desde o seu traslado á comunidade, a través dunha serie de esculturas con texturas que viran sobre a idea do sen sentido e o que visualmente parece unha inxenuidade. A experiencia do público é clave, en liña coa visión do artista do seu traballo como un sistema de aprendizaxe. 

A exposición 'In Non Meaningful Way', do escultor grego Thomas Apostolou ábrese o venres 24 de maio (18.00h) coa 15 edición do 'Café Con'.

A cafetería Detrás do Marco acolle unha mostra de pintura de Chema Montenegro. A obra exposta divídese en dúas partes. Por unha banda, conta cunha exploración do mundo aéreo e espiritual. Por outro, aborda unha natureza que berra cando lle causan mal e que conecta co onírico.  

Nova revisión da Colección de Arte Afundación, na que se ofrece unha ollada poliédrica sobre a súa diversidade, cun percorrido que analiza as numerosas lecturas que permite unha colección desta pluralidade. A entidade busca escoitar os latexos que a manteñen máis viva ca nunca da man dalgunhas das súas obras máis destacadas e sorprendentes.

A mostra expón a confluencia entre música e pintura, con 50 pezas excepcionais das coleccións de arte ABANCA e Afundación. Un percorrido polas obras de Wassily Kandinsky, Pablo Picasso, Castelao, José Manuel Broto, Rafael Úbeda, Urbano Lugrís, Luís Seoane, Menchu Lamas, Luís Caruncho ou Xaime Quessada, entre outros artistas nacionais e internacionais. 

Os escaparates das tendas do Ensanche santiagués son durante o Nadal un espazo para a arte. Santiago Centro organiza por segundo ano Pasearte, unha iniciativa que os converte nunha mostra artística. Na mostra colaboran as tendas e tamén varias galerías de arte da cidade. Poden verse obras de Alejandra Atarés,  Pierre Louis Geldenhuys ou David Planas, entre outros.

Paredes que cobren paredes e torres que marcan camiños, as entradas e as saídas. Así explican desde a Galería Vilaseco, Manos de barro, a exposición que recolle obras da artista Gloria García Lorca. 

Gloria García Lorca naceu en Nova York, onde a súa familia se exiliou tras a Guerra Civil, en 1945. Estudou arte e literatura no Sarah Lawrence College. Durante a súa traxectoria expuxo no  Museo de Bellas Artes de Málaga, nas galerías Vandrés, Juana Mordó, Juana de Aizpuru ou Travesía Cuatro e en mostras como Arco, Art Chicago y ArtBasel.

Exposición de fotografía, pintura e serigrafías inspiradas no patrimonio industrial da ría de Vigo.

Con pintura e serigrafía de David Amoedo e fotografías de Zacarias Abad, Montse Piñeiro, Jose Chas e Aaron Díaz Pujales.