A Sala de Exposicións de Verín acolle Obra gráfica orixinal, unha mostra linografías e xilografías composta por obras pertencentes ás series Entroido galego e Bestiario románico. As obras están inspiradas nas figuras tradicionais do Entroido no territorio e nas ornamentacións pétreas das igrexas e capelas da comarca.
Da man de La Fiambrera Art Gallery, o debuxante e deseñador gráfico galego Roberto Argüelles presenta a súa mostra Trash no marco do Outono Códax Festival.
Territorios de intimidade. Artistas galegas baixo o franquismo 1940-1975 é o nome da nova exposición do Auditorio de Galicia, inaugurada o mércores 24 de outubro. Comisariada por Rosario Sarmiento, amosa máis de 70 obras entre pintura, debuxo e escultura ademais de documentación que as contextualiza.
Obras de 13 artistas galegas, algunhas delas inéditas, procedentes de fondos privados, e que poderán ser vistas polo público por vez primeira.
Pantoque. m. Mar. Parte exterior do casco do barco que, xunto á quilla, forma o fondo.
A idea primixenia de Pantoque é a realización dun proxecto artístico de investigación baseado na confluencia de dous modos de narración creativa que parten dunha mesma realidade compartida: explorar coa linguaxe plástica e visual sobre o tanxible, o espazo arquitectónico e o proceso de traballo dun estaleiro. A través da observación da actividade diaria e a relación do home co feito construído e o mar, ambas as dúas linguaxes interrelaciónanse na busca dun lugar común.
En perigo de extinción, a coherencia xoga un papel esencial na traxectoria profesional de Santiago Montes. A congruencia é hoxe unha espantada rara avis sobrevoando a nosa hedonista e infeliz sociedade.
David Fidalgo Omil, gañador do primeiro certame Plastika17, presenta Artista de la pista. Nesta mostra, reflexiona sobra a visión que fóra do ámbito cultural se ten do artista. Fidalgo Omil xoga co concepto de meme e emprega a ironía e o humor.
A Galería de la Asociación de Empresarios de Polígono del Tambre acolle unha mostra da obra do artista Perrisco, na que se aprecian referencias aos movementos vangardistas e recursos próximos ao surrealismo. A súa linguaxe pictórica bota man das formas contundentes e crea imaxes nas que as contradicións son unha parte moi importante.
Without recolle obras de Julião Sarmento. O título da mostra fai referencia á polaridade que domina toda a obra de Sarmento, no que o título non di unha verdade exacta nin absoluta nin tampouco informa de todo o que se ve.
A súa exposición no CGAC é unha visión panorámica que recolle traballos arredor do sentir que se cruza transversalmente por toda a súa traxectoria, o cinematográfico.
Comisariada por Santiago Olmo e David Barro
Comisariada por Nuria Enguita, Bleda y Rosa. Xeografía do tempo reúne vinte e cinco anos do traballo fotográfico de María Bleda (Castellón, 1969) e José María Rosa (Albacete, 1970). A mostra articúlase arredor da serie Campos de batalla, un proxecto iniciado en 1994 e finalizado recentemente mostrado ao público ao completo por primeira vez.
Bleda y Rosa, que recibiron en 2008 o Premio Nacional de Fotografía outorgado polo Ministerio de Cultura de España, son unha das referencias máis destacadas da fotografía española contemporánea.
Na exposición Retratos dun escultor e outras esculturas de viaxe, Jorge Varela presenta varios traballos realizados durante as súas viaxes. A última dá título á exposición, é unha serie de fotografías realizadas en segredo pola súa filla, no MoMa de Nova York.
