Artes plásticas

A exposición Símbolos xacobeos e imaxes de Santiago. Impresos do barroco compostelán recolle unha selección de gravados composteláns dos séculos. XVII e XVIII, abertos por afamados gravadores locais e foráneos, utilizados polas tipografías composteláns, co denominador común de que apareza os símbolos xacobeos ou a imaxe de Santiago, para atender unha tripla demanda: Universidade (follas de grado), Cabido (compostelas e diferentes documentos relacionados co culto xacobeo), e estampas de finalidade relixiosa destinas a devoción popular.

Con motivo do 120 aniversario do nacemento do pintor Manuel Torres, o alumnado da Escola de Educación Infantil “O Grupo” (3, 4 e 5 anos) de Marín tamén quixeron renderlle homenaxe dende o seu particular punto de vista, representando -con diversas técnicas- algunhas das obras máis coñecidas do artista.

Volve o debuxo á cidade, cun conxunto de actividades organizadas polo Concello de Santiago e Compostela Ilustrada nas que se mesturan ilustración e feminismo, gracias a unhas convidadas de primeiro nivel que reflexionarán sobre “A conciencia do debuxo”.

Rosa Elvira Caamaño Fernández (Bueu, 1954) proponnos unha viaxe polo Camiño de Santiago para que nos fixemos en detalles da monumental escultura románica. Ofrécenos unha escolma dalgunhas das pezas máis características de varios edificios da ruta do Apóstolo. A artista pasa polo seu prisma as diferentes lecturas históricas, teolóxicas e místicas destes elementos para favorecer así que o visitante vexa a influencia que tiveron nos movementos artísticos mais innovadores do século XX.

O venres 22 de xaneiro ás 18 horas preséntase a exposición, o cómic e o espectáculo de teatro con marionetas e música: Don Gaiferos polos camiños cara a Compostela, da Compañía Compostelá Os Monicreques de Kukas, dentro do programa o teu Xacobeo da Xunta de Galicia.

Don Gaiferos de Monmarltan é o protagonista do romance popularizado por  Faustino Santalices, que narra a viaxe deste peregrino francés ata a súa morte aos pes do Apóstolo Santiago.

No marco do Encontro Internacional de Cadernos de Viaxe Compostela Ilustrada, cada ano se deseña un proxecto con ilustradoras co obxectivo de poñer en valor o papel da muller no mundo da arte. Nesta cuarta edición, a artista seleccionada foi a asturiana Catalina Rodríguez, coa finalidade de levar a cabo un ambicioso proxecto que a levaría a percorrer e debuxar o Kumano Kodo e o Camiño de Inverno.

O Museo das Peregrinacións e de Santiago promove con esta exposición a revalorización do patrimonio cultural galego, especialmente o relacionado coa meta da peregrinación xacobea, un programa expositivo con máis de dez anos de vida.

Viae Ad Limina Sancti Iacobi é a colección máis querida do artista Chencho Pardo Valdés, quen gardou con esmero os debuxos relativos a Galicia e pasaron a formar parte da súa colección privada. Esta exposición non só sorprende pola calidade artística dos debuxos e a súa minuciosidade, a caligrafía que os acompaña ten o estilo propio do autor. Redactadas e escritas por el mesmo con pluma seguindo un estilo histórico, confírenlle un aire melancólico ao percorrido por estas vilas e cidades representadas na sala expositiva do Museo das Peregrinacións e de Santiago.

Arrinca o noso Campamento de verán virtual para todas as idades, unha divertida proposta para gozar das vacacións estivais dun modo distinto, cómodo e práctico desde casa. Lembrade, reciclar é moi importante, o mundo da arte tamén achega o seu granito de area, tod@s sumamos para coidar o noso planeta. Ao choio?

O 13 de xullo de 2016 inaugurábase no Museo dás peregrinacións e de Santiago, a exposición A contemplación do invisible. Iconas rusas. Colección Santos ? Illueca.