TRISCUS BELISCUS é un espectáculo e obradoiro de narración oral e música para familias con crianzas de 1 a 3 anos, da man da narradora e educadora Vero Rilo (Daboapipa, Apatacón, Pallasos en Rebeldía...) e a educadora e música Sonsoles Penadique (Oradaladou, Azul de Bueu, Café Dorothé...)
Queremos xogar, contar, cantar e bailar con Xan, con Pedro, co can, co gato e co rato ata caer de cu... polo buraco!
Basilio Martí, compositor, pianista e produtor presenta o seu último traballo xunto aos irmáns Santana. Jazz, electrónica e música clásica entrelázanse neste concerto para render homenaxe á película de FiedrichMurnau, Nosferatu (1922), icona da corrente cinematográfica do expresionismo alemán.
Acompañado por Javier Santana ao contrabaixo e Jorge Santana á batería, os tres recrean nesta suite contemporánea música clásica, jazz, funk, psicodelia… nun formato para trio con piano e sintetizadores, música inspirada nunha obra de arte do expresionismo.
A min gústame gardar palabras, palabras de amor ou de risa, palabras de cor ou palabras para comer na mesa , palabras de medo ou de sorpresa …., gardo todas as palabras para usalas cando as preciso. Vós tamén gardades palabras?
“Palabras”, é un espectáculo musical e teatral para os máis pequenos/as da casa onde as palabras e as brincadeiras están presentes para levarnos á tradición oral galega.
Duración: 45 min, Idades recomendadas: de 1 a 8 anos.
Unha noite, nun edificio de varios pisos, nalgún lugar de Europa:un mozo chinés sofre unha forte dor de moas na cociña do restaurante de comida rápida Tailandés - Chinés - Vietnamita,O Dragón de ouro. Non ten permiso de residencia e tampouco atopa a súa irmá desaparecida.
No balcón, sobre o Dragón de Ouro,un ancián quere retroceder no tempo mentres a súa neta, grávida, está diante das ruínas da súa relación porque o seu mozo non quere fillos.
Nicolás reúne a súa familia para despedirse do espazo que lles viu crecer, a casa da infancia, un vello ultramarinos bar que rexentaban os seus pais e no que agora vive Nicolás con María, a súa parella. Unha expropiación por causa dunha autoestrada que pasará por ese lugar é o motivo desta xuntanza. Olivia e Rubén acoden despois de moitos anos sen contacto familiar.
Distintos monólogos de artistas galegos coñecidos por todos e todas.
No exterior dunha sinistra casa, catro personaxes miran por unha fenda. É unha visión terrible, pavorosa. Intúense seres saídos dos peores pesadelos agochados entre as sombras. O nervio e o terror apodéranse do ambiente, as palabras atropélanse nas bocas. Será certo que aquel lugar está habitado por un monstro? Si, iso parece. Pero como é? Atréveste a vir con nós e mirar á terrible criatura á cara?
Como quen se deixa roubar o seu tesouro máis prezado, a actitude das galegas e dos galegos respecto á súa lingua non "resistiría" nengunha análise. E será que o galego é a lingua máis difícil do mundo? E será de deberemos constituír unha oficina de palabras perdidas? Palabras perdidas, roubadas... Fronte ao "es que no me sale", "es que no se me da" "MADE IN GALIZA" é un convite á República Indenpendente da túa língua. Non imos perdela nin en soños porque co galego imos "ao fin do mundo" e quen o proba o sabe!
Vicente Navarro é un músico e actor madrileño de raíces manchegas cuxa música se move entre o folclore español e latinoamericano, e a música urbana e electrónica. En 2019 publica o seu primeiro álbum ‘Casi tierra’ que obtivo unha gran repercusión con temas como 'En el río', 'Esternón' o 'Un llanto ".O seu directo foi seleccionado como espectáculo recomendado por Redescena.
Catro persoas de idades, xéneros, crenzas e realidades socioeconómicas moi diferentes, coinciden sempre no mesmo karaoke. Madrugada tras madrugada, as cancións e o alcohol mestúranse cos medos e cos problemas que os levan a refuxiarse neste lugar, onde constrúen os seus propios paraísos artificiais.
