Rede galega de teatros e auditorios

ReVolta e unha revisión a historia da humanidade dende un punto de vista feminino en clave de comedia.

Elenco artístico:

Arantxa Treus

Rocío Romero

Álex Gayoso (Gayo)

Deixando atrás os perigos do seu pobo natal a familia Cotton diríxese á cidade en busca de novas vidas e oportunidades. Entre os tellados e as luces da cidade, entre as teas, os fíos e as máquinas das fábricas, a nai e as súas dúas fillas vivirán novas aventuras e  perigos descoñecidos. Pero esta vez non están soas e lanzaranse con forza ao desexo de ser felices.

Uxía lambona e a Banda Molona é unha banda musical infantil  que nace no ano 2014 e está formada por  Pali ao baixo, Ñoc á batería, Diego á gaita e frauta, Serghaño á guitarra, Roscón ao acordeón e Uxía cantando e animando! .

Ten o  obxectivo de facer cantar e bailar “coma toliñ@s” a todos os nenos e nenas, achegándolles a música tradicional galega dun xeito  atractivo para eles, cambiando estilos musicáis, letras…, e temas propios sempre en galego.

Poida que cometese un crime terrible. Pero a cuestión agora non é a súa culpabilidade, senón o seu estado mental. Non basta con declarala culpable. Ademais, debe quedar claro que é unha enferma, una demente. Ninguén durmirá tranquilo mentres pensemos que pode existir alguén así. De xeito que ela permanece encerrada para ser avaliada. Trátase dun centro moderno onde a profesionalidade é incuestionable. E o autor do seu diagnóstico é un psicólogo intelixente que non está disposto a deixarse levar. Pero ela é demasiado complexa e fascinante como para etiquetala.

Neste espectáculo o público asistirá a unha boda! Esta cerimonia busca ser un momento de humor e de reflexión. De reflexión dos roles de xénero, das novas tradicións: o puro para os homes e o lanzamento olímpico de ramo para as mulleres; se o amor é un acto de rebeldía. Neste espectáculo, coma en calquera boda, hai equilibrios con tarta, malabares, clown… Agardamos por vós para a nosa celebración!

A protagonista desta historia nace un 8 de Marzo de 1975. Considerando este feito a súa nai un claro sinal dunha misión, decide chamala Esperanza...“Esperanza Marzal”.

GO HOME conta a historia de David, un fanático do turismo que xa fixo todo tipo de aventuras que as axencias de turismo lle podían ofrecer. Todas menos unha: unha viaxe sorpresa, a cegas, na que non sabe o que lle vai acontecer. A peripecia levaráo a pasar a noite no Cebreiro, comezando unha aventura na que David gozará de emocións intensas, tales como a dúbida, o medo e a sorpresa.

Todo comeza ao descubrir os textos e o activismo político dunha muller chamada Helen Keller, nacida en Tuscumbia (Alabama), que se converte nunha celebridade mundial ao ser a primeira persoa xordocega en obter un título universitario en 1904 en Harvard. A súa vida foi fixada na memoria colectiva como un exemplo de superación e a maioría dos seus escritos acabaron rescatados como simples aforismos motivacionais.

Gran espectáculo de maxia infantil-familar cos mellores magos e magas de España.

O Mago Paco reune os mellores magos infantís de España para facer un dos mellores espectáculos de maxia adicado o público infantil-familiar que poidas chegar a ver.

Un gran evento máxico que encherá a vila de ilusión, risas, abraios e moita moitas sorpresas. 

Sumérxete no mundo da fantasia e deixa ceive a túa imaxinación. Volve a converterte nun neno ou nena e verás que todo é posible da man destes artistas do ilusionismo.

Non verás nada igual!!!

"Gracias por venir" é unha comedia que rende homenaxe á mellor cómica do século XX, nosa querida Lina Morgan.
Na axencia artística O Barco, dirixida por nosa Vedette Marian, que traerá da súa man a sensualidade, a picardía e un espléndido vestiario de plumas e abelorios. Ramy, a protagonista, faranos un despregamento de toda a súa faceta humorística nunha comedia de enredo onde verá perigar a súa relación de toda a vida.