Castelao é unha figura capital da historia das artes en Galicia e non contaba ata agora cunha proposta escénica para a infancia. A obra, dirixida por Fina Calleja, presenta un Castelao de 8 anos na súa vila natal, divertido, ledo e aventureiro, que busca interactuar coa audiencia en todo momento.
Poucas persoas saben que a obra de enxeñería hidráulica máis importante do século XIX en España foi escavada por mulleres. Entre 1874 e 1879, foi executada a construción do Dique da Campá de Ferrol. Alí, un total de 200 mulleres retiraron 245.000 metros cúbicos de terra e pedras que transportaron en 58.000 cestos cada unha sobre as súas cabezas. Eran ''as estibadoras''. E, polo mesmo traballo, cobraban menos que os homes.
Axúdame a sentir dicíame Obdulia con frecuencia, a miña avoa materna. Foi unha de tantas catedráticas sen título nesa célebre universidade da vida. Nada hai máis necesario que sentir e tampouco hai momento máis acaído para perseguir ese verbo que os tempos nos que vivimos: as humanidades esvaécense ao tempo que medra o binomio virtual-máquina. As artes, en xeral, atenderon historicamente a nosa necesidade de sentir. Ese lugar sen algoritmos é unha casa que debemos visitar tantas veces como nos sexa posible.
Esas cousas marabillosas comeza cando o público vai entrando na sala e é recibido polo actor. Dálles a benvida, axúdaos a se acomodar, e dálles un papeliño que vai xogar no espectáculo. Cando empeza o espectáculo, o público xa leva un cacho dentro del sen sabelo e algúns cunha "cousa marabillosa" na man.
É unha peza participativa, tenra, emocionante e divertida. É unha comedia que fala sobre a saúde mental, a depresión e o suicidio. É unha obra que pode cambiarche a vida…e para ben.
En noites de lúa nova a cidade vólvese escura…, orcos, trolls e animalias… seres saídos da máis profunda escuridade dos tempos, envolvéndonos no seu delirio e facéndonos partícipes da súa loucura, lévannos a unha peregrinación eterna transportando no seu carro a maior das súas demencias: O ORLOC.
En Los yugoslavos todo empeza cando un camareiro pide axuda a un cliente a quen viu levantar, con palabras, o ánimo doutro. O que o camareiro roga a ese descoñecido é que fale coa súa esposa, a cal parece estar a se afundir na tristeza e o silencio. O camareiro espera que o cliente descubra as palabras salvadoras que el non é capaz de atopar para a súa muller.
Nunha residencia da Terceira Idade traen de volta a Berenguela, unha anciá que aproveita para fuxir en canto pode. Quere volver á súa casa na aldea, onde sempre viviu, onde é feliz. Berenguela protesta, rosma, funga, ata que a súa amiga Aurora consegue acougala. Aurora é outra anciá prisioneira, unha anciá que non lembra ben quen é, así que pode ser o que ela queira. Na mesma residencia está Tomás, que pasa o día mirando pola xanela, cismando nas súas cousas, triste e gris.
Unha moza chea de maxia, uns nenos cheos de ilusión, luares de soños, mil e unha historias que contar…
Así é como un día nace Ó Titiribaile. Era o verán de 2008 cando arrincaba este conto, un conto polo momento sen final.
Erica González Miguel, con moitas ganas por meterse de cheo no mundo do teatro, a fantasía e os contos decide montar esta compañía. Nese momento pon a toda a súa familia a axudala. Así é como ao pouco empeza a crearse esta empresa e é entón cando Erica dáse conta que os soños, poden facerse realidade.
Deixar é un espectáculo de N 1 Teatro Circo Danza.
Go Home é a nova comedia negra de Tito Asorey protagonizada por David Amor e Josito Porto, escrita por José Prieto, en asociación con grandes nomes da nosa escena como José Faro, Laura Iturralde, Patricia Ferreira ou Xavier Porto. Trátase dunha peza comprometida coa realidade, que conta a historia de David, un fanático das viaxes que xa experimentou todas as andanzas que as axencias de turismo lle podían ofrecer. Todas, menos unha. Así empeza, para o noso protagonista, un mundo novo de emocións.
