A interacción co público, as espectaculares voces en directo, unha gran posta en escena e atractivas coreografías; ademais dunha presentación moi divertida cos nosos mestres de cerimonia, aseguran unha experiencia inesquecible. Poderán escoitar todos dos temas do Rey León 1, 2 e 3, algúns xamais cantados en España

De Simba a Kiara representa un produto familiar de referencia; e o mellor tributo do Rey León en España percorreu nos seus tres primeiros anos en xira máis de 300 cidades, superando os 600.000 espectadores e o recoñecemento de público e crítica.

Volta a ilusión é un espectáculo, que precisamos máis que nunca, para recuperar esa ilusión que en moitos casos a pandemia nos arranxou. Un show de gran formato cunha proposta de son, iluminación e efectos especiais do máis alto nivel.

Ao longo de 90 minutos, o ilusionista Dani Polo presenta unha serie dos seus mellores números de maxia, grandes efectos e ilusións, onde persoas aparecen, desaparecen, levitan ou mesmo se teletransportan.

Unha proposta única para deixarse levar polo mundo da ilusión e da maxia máis espectacular.

Quen non se preguntou algunha vez se existe o máis aló?

Vigor Mortis fálanos desoutro lado, asombrosa intemperie do descoñecido. Vigor Mortis é un relato de pesadelos e fantasías, un tragicómico viaxe do ceo ao insondable da alma humana. Unha expulsión da morada como metáfora de desterro da propia vida.

Algunha vez quixeches descubrir o que escribe a túa irmá maior no seu libro secreto? Anita conségueo e nel descobre que escribe e debuxa historias sobre a súa personaxe preferida

Poderás adiviñar cal é? Ambas as dúas darán vida a mil e unha aventuras a través de xogos e disfraces para demostrar que o mellor é ser «Valente e Rebelde».

Elenco: Paula Regueiro e Lucía Golán.

Paul é fillo único e o rei da súa casa. O nacemento da súa irmá Irati provocará que un medo íntimo a deixar de ser querido apodérase del ameazando a estabilidade familiar.

ÚniKo é un espectáculo para todos os públicos a partir de 6 anos que pretende ser un reflexo do que os celos polo nacemento dun irmán poden provocar nun neno e na súa contorna. Mesturando as técnicas do monicreque e do teatro máis realista expomos o inquietante tema dos celos, mirándoos de fronte en toda a súa crueza, aínda que sen perder nunca o sentido do humor.

Tres individuos, nunha situación extrema como é a cegueira, búscanse co tacto, atópanse, recoñécense, transfórmanse nun espazo espido, onde a danza xorde instantaneamente como resultado do encontro cun mesmo, o accidente e o xogo como perfecta xustificación para habitar situacións e roles con límites difusos, pero liberadores.

A obra é unha reflexión sobre a soidade, o encontro, a pertenza, o absurdo, a beleza, o grotesco, o misterio do descoñecido e a poesía. Recordos que se abriron camiño nun acordo silencioso, sen texto.

Cada mañá, Tic Tac, un antigo reloxo espertador, dá corda á súa entrañable colección de reloxos en cuxo interior se atesouran e resgardan momentos felices.

Repentinamente, verase ameazado ao recibir un tentador obsequio do ambicioso Wifi, un modernísimo teléfono, que detrás da súa inocente aparencia, oculta intereses perigosos que complicarán a súa existencia.

Os tres porquiños é un espectáculo teatral para os máis pequenos con monicreques, teatro, xogos tradicionais e música en directo. Unha proposta coidada e visual a partir dun dos contos tradicionais máis coñecidos da literatura infantil. Sons, texturas e cores captan a atención das nenas e nenos nunha proposta sinxela e divertida para gozar en familia.

Contadora: Bea Campos

Músico e contador: Manuel Pombal

O Péndulo é unha obra de teatro-documento que nos amosa como se desenvolveu a sublevación militar de 1936 e o inicio daGuerra Civil en Galicia. Este achegamento á nosa historia colectiva faise desde o persoal. Marta Pérez, co-dramaturga e actriz, trasládanos a experiencia do seu bisavó,Tirso Gómez Freijido, natural de Ribadavia e residente na Cañiza. Membro do Partido Socialista Galego, republicano e Presidenteda Casa do Pobo da vila. Tirso foi apresado e fusilado no ano 1936 no Castro de Vigo, xunto cos seus camaradas Justo Moure, Jesús Pérez e Antonio Mojón.

O Porco, o animal totémico dos cocidos e dos entroidos, toma os teatros para demostrar a sua superioridade sobre os seres humanos. O que presenta Excéntricas é un teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serrín, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.