Rede galega de teatros e auditorios

A peza sitúanos ante unha familia acomodada que atravesa unha época de crise provocada por distintos conflitos: a permanente tensión entre o pai e a nai coa súa filla adolescente; os problemas da filla cunha asistenta do fogar procedente de Marrocos (que acaba converténdose na vítima dos conflitos familiares); os problemas co presidente da comunidade de veciños a raíz da talla dunha acacia de Constantinopla no patio comunitario… Pero, sobre todo, a diferenza de visións e ideas da parella protagonista (el centrado no ecoloxismo e ela obsesionada pola retransmisión continua da barbarie desata

Con Únicos, DÁ.TE Danza presenta unha creación de danza contemporánea dirixida á infancia (3 a 6 anos) e público familiar que explora como se constrúe a identidade desde os primeiros anos de vida. A peza aborda o proceso de recoñecerse, desequilibrarse, transformarse e atopar o propio centro, entendendo a infancia como un territorio fértil onde o eu aínda se está configurando.

Transparentar é un espectáculo de danza-teatro da compañía Enésima que reflexiona sobre a xeración de cristal: é realmente fráxil ou transparente?

Uxía celebra catro décadas de carreira cun espectáculo único e intimista, Será por Flores, onde revisita os piares do seu percorrido musical e continúa explorando novas formas con liberdade creativa. Unha viaxe ás súas raíces galegas, as composicións propias e ás músicas que a inspiraron. A súa diversidade reflicte os innumerables camiños que percorreu, sempre en constante evolución e transformación.

Retranca…e maxia é un espectáculo onde a sorpresa se lapela continuamente coa gargallada e viceversa, ata o final do show. Cada momento está coidadosamente deseñado para manter o espectador ao bordo do seu asento, sen dar un respiro á emoción e a diversión.

Nun futuro hipotético, os continentes volven estar unidos. Pero todo é moi distinto; non hai árbores, nin libros, nin música... Nese mundo atópanse tres personaxes. Son camiñantes que veñen de distintas procedencias e comparten descanso nun mesmo lugar. Alí atoparán un libro e recordarán a melodía das árbores; un murmurio que fala de paz, de tolerancia, da marabilla que é a vida e sabernos todas e todos parte da mesma terra. Dende ese intre, argallarán un plan para que os continentes non volvan separase.

Outras Bolboretas. Contos pola igualdade e contra as violencias machistas é un espectáculo que mestura monólogo, narración oral, humor e poesía.
Na voz de Sole Felloza, as historias de nenas e mulleres que se atreven a voar convértense en contos de liberdade: princesas que se coroan soas, mantas voadoras, leóns non tan feroces e recordos gardados nun baúl. Bolboretas fala da forza de quen soña, da memoria das mulleres e dun mundo posible, sen violencia e con igualdade.

Como facer un trámite administrativo pode ser unha traxedia... e convertilo en comedia! Durante unha viaxe que prometía ser moi tranquila de Santiago a Baños de Molgas, a Pepo Suevos cruzóuselle o destino... e ía vestido de verde!!! A xornada sería para esquecela, se non fose porque supuxo un cambio na vida do pobre Pepo, que aquel día foi o peor inimigo da Garda Civil e das normas de tráfico, pero hoxe pode contalo sen botarse a chorar. Iso xa o fará o público... pero da risa.

O MONSTRO DE CORES espertou algo confundido: todas as súas emocións mesturáronse e agora non sabe que lle pasa. Para poñer orde neste caos, contará coa axuda da súa amiga, unha nena chea de curiosidade e ganas de axudar. Monstro e nena vivirán unha divertida e emocionante aventura onde aprenderán a recoñecer, nomear e expresar sentimentos como a alegría, a tristeza, o medo, a rabia e a calma. 

No seu espectáculo, David Perdomo, fai sátira da sociedade apoiándose en personaxes arquetípicos cargados de franqueza e, sobre todo, espontaneidade. Pode que nalgún momento nos leve a perder o fío, pero sempre para chegar a unha conclusión diferente á que estamos afeitos, sacaranos da nosa zona de confort sen decatarnos.