Rede galega de teatros e auditorios

Tres médicos con talento de clown viaxan á cerna das descubertas dun antigo e ilustre colega: Castelao. O rianxeiro conseguira unha fórmula maxistral que unía o humor, o compromiso social e a melancolía. Castelao crea dúas figuras, Pedriño e Rañolas, que se necesitan mutuamente para existir. Un só pensa coa barriga, o outro só se alimenta da esperanza e a carraxe. Parece que o doutor se quere rir destas dúas criaturas, até que descobre que son a súa propia radiografía.

Sun Zi di, “a arte da guerra fúndase no engano”. É esta cita do Mestre Sun que anima esta versión teatral do seu mítico tratado militar, comandada por Mofa e Befa. Unha saborosa sátira da nosa época, acuciada polo rexurdir do belicismo en todo o planeta.

Dúas titiriteiras abren unha caixa de bonecas que en realidade é un baúl dos recordos. Arranca o conto. España, mil novecentos trinta e tantos. Ameniza o espectáculo a Banda de Música do Pobo (de calquera pobo). Entre o posto de churros e a caseta de anís comparece a procesión, o desfile, a comparsa. Pero trátase dun desfile dantesco de bonecas rapadas. A obra, sen dúbida parece un esperpento. Pero de Valle-Inclán non é.

Na facenda de verán de Esteban e Raimunda, celébrase a pedida de voda, de Acacia con Faustino. Ao quedar Raimunda viúva contraeu matrimonio con Esteban, odiado pola súa fillastra.
A traxedia cérnese cando matan o noivo a noite da pedida. Os fillos do tío Eusebio, pai do asasinado, acusan o sobriño de Raimunda, quen foi o primeiro pretendente de Acacia, pero outros no pobo saben que é inocente.
Comeza a escoitarse unha copla polas rúas: “O que queira á do Soto… ten pena da vida. Por querela quen a quere dinlle… a Malquerida”

As mulleres á beira do río, de xeonllos, fregando a roupa, tecen unha estampa que se repetiu ao longo da nosa historia.
Ao seu redor, as lendas e os contos sucédense por toda a nosa xeografía, tanto física como identitaria.
Recollemos parte dese patrimonio oral, dende as lavandeiras nocturnas enchoupadas en sangue até o traballo colectivo das lavandeiras de Redondela, na Illa de San Simón cando a guerra.

Tamén contamos de Manuela Lores, e cantamos as fontes e os ríos. Poñemos os pés a remollo cada día...

Son Josito Porto e quero avisar que o que eu fago son LARETADAS. Laretar é esbardallar, falar por falar, falar sen moito sentidiño, falar sen ter moita idea do que se está a falar pero coma se un fose experto e coñecedor de todo o que se está a dicir. Isto é o que básicamente fan os nosos políticos, falar coma se soubesen pero sen ter nin puta idea.

Ata que punto desfrutamos do tempo de lecer? Vivimos como desexamos? Pasamos once meses ao ano ansiando as vacacións? Viaxamos por pracer ou postureo? Cal e ou prezo dá turistificación? JASTAC JAPI JOLIDAIS (JJJ) non responde seriamente a ningunha destas preguntas, pero vas escachar de risa acompañando a Leti dá Taberna nunha exótica viaxe chea de aventuras. 

ICTUS (ANATOMÍA DE 'A DERRADEIRA LEICIÓN' DE CASTELAO) é o novo proxecto de Chévere en coprodución co Centro Dramático Nacional.

Unha inventora rosmona e unha rapaza chea de vida coñécense grazas a unha máquina moi especial chamada Fiadora de soños, pois fabrica cintas para soñar bonito. Xuntas forxan unha curiosa e bonita relación de amizade… pero cando a rapaza descobre que a cinta funciona tamén cando está esperta... todo cambia! Unha historia divertida e emotiva sobre a amizade, a imaxinación e o perigo de perderse nos soños se esquecemos vivir. Unha metáfora sobre o uso (e abuso) das pantallas, contada con humor, poesía e moita artesanía escénica. 

Píscore mergúllase no universo da carreira espacial pasada, presente e futura, as novas tecnoloxías, a Intelixencia Artificial e todas as incógnitas que aínda nos agocha o espazo exterior. Chegaremos a habitar Marte? Hai vida noutros planetas? Como será a música alén da Vía Láctea? Unha nova dose de humor e música, con gags trepidantes, referencias cinematrográficas, unha visión divertida da actualidade e novos instrumentos, como o theremin ou o otamatone. E todo isto con astronautas, extraterrestres, naves espaciais e o Universo de fondo.