IRIBARNE é un tipo nado na mesmísima vila de Rouco Varela (si: o cardeal) durante a Monarquía de Alfonso XIII (o primeiro promotor do cine porno en España?, si-si: ese). Emigrado a Cuba con tan só un aniño -coincidindo coa inauguración da ditadura de Primo de Rivera- tras facer as Américas durante un par de anos o noso protagonista volve triunfante para ser o fillo do alcalde (e o da francesa!).
ICTUS (ANATOMÍA DE 'A DERRADEIRA LEICIÓN' DE CASTELAO) é o novo proxecto de Chévere en coprodución co Centro Dramático Nacional.
HEXAGONUM é un espectáculo escénico de rúa de gran formato creado e dirixido por Troula Animación que mestura o emprego da tecnoloxía, música e vídeo en directo, animación e danza. De caráter itinerante, HEXAGONUM recolle o universo simbólico e imaxinario do mundo das abellas para concienciar ao público a través das artes de rúa sobre a problemática causada pola posible desaparición destes animais que implicaría a destrución do noso planeta tal e como o coñecemos. É por tanto, un espectáculo que pon o foco na falta de conciencia ecolóxica que vivimos hoxe en día.
A guerra é a expresión máis cruel do fracaso total, por iso nunca é unha solución, senón o máis grande dos erros.
Nun edificio teatral totalmente destruído por un bombardeo nunha guerra desatada no mesmo corazón de Europa, comezan a aparecer os personaxes do Teatro Universal que nel foran representados ao longo do tempo e encarnados en dous actores e catro actrices. As innumerables referencias ás guerras no teatro europeo, desde Shakespeare até Lorca enchen a escena de evocadoras secuencias de caos e destrución.
Ficha artística
Hai lugares onde o tempo parece deterse e o aire respira misterios. Nun laboratorio bañado por unha luz suave e susurros líquidos, un científico entrañable convídanos a descubrir os segredos dun mundo invisible, onde a auga xoga a ser forma e o xabón, cor.
Gustavo Durán é unha das figuras máis enigmáticas do século pasado. Nado en Barcelona en 1906, formouse como pianista, compositor e pioneiro da etnomusicoloxía, moveuse nos círculos de Lorca, Rosita García Ascot, Salvador Dalí, Luis Buñuel, Concha Méndez ou Sofía Novoa. Durante a Guerra Civil, serviu como comandante no Exército Republicano antes de que o exilio o obrigase a abandonar España en 1939 —sen chegar a regresar nunca.
Pepe e Lucas, os irmáns galegos que conquistaron TikTok co seu humor e creatividade, dan o salto aos teatros. Con máis de 1,8 millóns de seguidores, o seu contido reflicte un estilo fresco e próximo, inspirado na súa infancia nunha aldea galega. Agora, buscan trasladar o seu éxito dixital ao escenario, levando a súa comedia a un novo nivel cun show en vivo que promete risas e complicidade co público.
Ficha artística
Autor: Ernesto Is
Dirección: César No
Escenografía: José Faro
Deseño iluminación: José Faro
DE ALGO HAI QUE MORRER! é un repaso pola morte nun país como o noso, no que esta está sempre tan presente.
Está sobre valorada a vida? que pasaría se fosemos inmortais? Cando morremos? como morremos? Por que sempre morremos "de repente"?
Un novo proxecto de música rock en galego que busca familiarizar á rapazada cos valores cooperativos e o deporte. A través de divertidas cancións a Banda dos Insectos fala de compañeirismo, respecto, igualdade e solidariedade. Un concerto cheo de ritmo e diversión para toda a familia!
Batería e voz: Adrián Salgado
Baixo e coros: Eduardo Cadenas
Guitarra e coros: Juan Pérez
Animador: Manuel Fernández
XISCO SINFÓNICO é o novo proxecto do cantante de música tradicional Xisco Feijóo: unha creación contemporánea de raíz, na que a súa voz e a linguaxe da tradición dialogan cunha orquestra sinfónica. O repertorio inclúe música inédita composta especificamente para o proxecto e incorpora tamén temas do seu disco Peixe, adaptados a esta nova arquitectura sonora.
