tÁ é unha obra de danza-teatro onde o realismo máxico cobra vida nun bosque no cal se naturaliza o irreal ou estraño como algo común. Os seus dous personaxes; peculiares, divertidos e sensibles desenvolverán unha relación de amizade baseada no crecemento emocional a través do xogo. Ao final do espectáculo convidarase as nenas e aos nenos para penetrarse no bosque dunha forma moi especial… Bailando.
RIAZOR OSTIA é un poema escénico sobre o odio, a intolerancia e a resistencia. Cincuenta anos despois do asasinato de Pier Paolo Pasolini, a súa voz e o seu corpo seguen a interpelarnos, amosándonos feridas aínda abertas. Da súa man, a peza afonda no auxe do fascismo, da violencia e da memoria, atravesadas polas loitas e tensións que xorden arredor de temáticas sociais como a visibilidade LGTBIQ+, a xustiza, a educación, a relixión ou a política.
Gaia, unha nena moi inqueda, comparte con nós o xogo máis xogado da súa aldea mentras nos explica a tolemia que asolou o pequeno pobo a primeira vez que chegaron novos veciños.
Unha divertida comedia musical onde cantarás, bailarás e rirás a esgalla coa tía Maruxa e a súa gracia natural e con Don Rosmón .. eh.. digo... Don Ramón e … a súa arte de rosmar.
Ficha artística
Autoría, dirección e adaptación: Ártika Cía
Escenografía: Marcos Alonso, Sr. Saguillo, Genu Casal
Deseño son: Jonathan Caramés e Anxo Fernández
Dúas neuronas organizan unha Xunta Extraordinaria Neuronal para analizar o estado da materia gris galaica e estimular novas conexións galaico-simpáticas.
Cada punto da orde do día levará as neuronas asistentes a percorrer lugares comúns do consciente colectivo, no que a versión galega sempre é moito mellor.
Porque ser galego é un estado mental.
Neste novo espectáculo, Lucía Veiga e Marita Martínez exploran as realidades do galego valéndose do humor e de técnicas de improvisación.
OS FABULOSOS CLEANERS é un espectáculo de pompas de xabón para todos os públicos. Unha extraordinaria experiencia visual para participar toda a familia.
O creador alacantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia entre outros) dirixe a parte técnica deste sorprendente espectáculo de Malasombra.
Sinopse:
OH, MAMMI BLUE! comeza coas primeiras horas dun parto, as últimas dun embarazo e a sensación de que algo vai saír mal.
A través dunha serie de incidentes e erros cos que a protagonista se compromete ata o final, asistiremos a un desenlace inesperado que cambiará a súa vida e a dos que a rodean, para sempre.
A través dunha posta en escena innovadora e visualmente impactante, a peza achéganos un testemuño único e luminoso sobre a perda, o trauma, o amor e a supervivencia.
O carteiro de Ximaraos é unha peza teatral de pequeño formato para a infancia, profundamente conmovedora, baseada na obra de Carlos Labraña gañadora en 2024 do Premio Manuel María de Literatura Dramática Infantil convocado pola Axencia Galega das Industrias Culturais da Xunta de Galicia
Noa é unha nena duns oito anos que vive coa súa nai nunha casa apartada, sen irmás ou amigues con quen xogar. No seu arcón garda os xoguetes que xa non a entreteñen. Todo parece vello, inservible e apagado no seu mundo solitario.
Un día, sen decatarse, activa unha sorte de encantamento e entra no mundo máxico que habita no arcón. Alí atopará seres diferentes que a farán descubrir mundos descoñecidos e fascinantes. Pero non todo é diversión dentro do arcón, tamén hai perigos agochados que Noa terá que sortear, coa axuda das súas novas compañeiras.
SÉS, unha das voces máis singulares e recoñecibles da música galega contemporánea, publica o seu novo traballo discográfico, o libro disco Nadando na incerteza. Con máis dunha década de carreira marcada pola independencia creativa e a fidelidade absoluta á canción, a artista coruñesa reafírmase cun proxecto no que volve asumir todas as facetas: compón, produce, grava e supervisa cada detalle do proceso.
Nova versión teatral sobre o libro de Xosé Neira Vilas no X aniversario do seu pasamento. Dirección e dramaturxia a cargo de Cándido Pazó.
