Elenco artístico: Félix Rodríguez, Pepe Varela, Diego Rosal e Pablo Cabanelas
Píscore son catro prestixiosos músicos fronte a un grande conflito: 16 baquetas e unha soa marimba. Catro músicos dispostos a facela soar do xeito máis orixinal e abraiante. Organizarse xa non vai ser tan doado.
Un cinematógrafo é un aparato que permite proxectar imaxes creando unha sensación de movemento, e un mago é unha persoa que ten a capacidade de conseguir cousas extraordinarias cos seus poderes sobrenaturais. O cinematomago é esa personaxe que converte esas imaxes en movemento en maxia.
Nesta tarde de teatro, que tal un paseíño en barco? E unha historia de piratas?
Esta historia é a do capitán Barracuda e os seus piratas, de illas remotas, de tesouros que son libros e de libros que son un tesouro. Viaxaremos polo Caribe, atravesaremos tormentas, enfrontarémonos a truáns, bailaremos en festas e durmiremos baixo as estrelas.
Premio Barriga Verde de Textos de Teatro de Monicreques 2014.
Había unha vez un pequeno lobo que vivía no Prado Azul e precisaba falar coa Lúa. Era moi importante o que lle tiña que dicir, mais como a lúa estaba moi lonxe non o escoitaba, así que o lobo tiña que ouvear. Cos seus berros non deixaba durmir a ninguén: nin a Nina a tartaruga, nin a Duarte o elefante, nin a Miñao o gato malvado. No seu intento de falar coa lúa coñece a Mariano, un rato falador e divertido que lle axudará, ou quizais non. No Prado Azul esta noite ninguén pode durmir!
2016 foi un ano moi especial para Yllana. Cumpriron 25 anos! E celebrárono como mellor saben facelo, cun novo espectáculo: Yllana 25, que foi estreado no MIM de Sueca e no FIOT de Carballo.
Un desternillante repaso sobre o escenario dos mellores momentos da traxectoria da mellor compañía de humor dos últimos; cunha selección dos mellores 25 sketches dos seus espectáculos.
Un esmendrellante show que fará realidade o desexo dos fans de Yllana de gozar nun mesmo espectáculo dos gags que máis lles gustaron.
Let’s rock! Let’s Yllana!
Manar: Sabela Hermida
Laúd: Hames Bitar
Percusión: Luís Taberna
Voces en off: Ana Abarquero, Manuela Varela e Lino Braxe
Manar, é un nome árabe de muller que, dende o poderío da súa sonoridade, invítanos a penetrar na vida da protagonista, a través da interpretación das diferentes etapas vitáis e emocións da súa existencia, a través da poesía, da música e da danza, elementos que enfatízan a expresión das diferentes realidades polas que transita a nosa protagonista.
Elenco: Sofia Espiñeira, Roberto Casal e Fredi Muíño
Dirección: José Luis Baños de Cos
Sinopse: Vera, Roi e Anxo son tres irmáns con xeitos moi diferentes de ver o mundo. Tras un acontecemento familiar que pode cambiar o curso das súas vidas vense na necesidade de chegar a un acordo para o cal terán que confrontar os seus idearios. A trama desenvólvese no faiado da casa do seu avó, onde medraron, xogaron e soñaron, alimentados polas moitas historias que este lles contou na sua infancia.
Esta é unha farsa que trata dos amores de tres vellos imprudentes, D. Saturio, D. Ramón e o señor Fuco, que teñen a desgracia de poñer os seus ollos na mocedade garrida de tres rapazas novas: Lela, Micaela e Pimpinela. Como consecuencia desa imprudencia, os tres rematan morrendo. D. Saturio, envelenado cun solimán da propia botica. D. Ramón, que por un bico entrega a alma deitado no esterco; e o vinculeiro señor Fuco, que remata por casar coa namorada e morrendo de felicidade.
Espectáculo da Rede galega de teatros e auditorios da Agadic.
Autor e director: José Prieto
Actores: Celso Parada, Merce Castro, Avelino González, Iolanda Muíños, Federico Pérez
Sinopse: En plena campaña electoral, coas enquisas vaticinando a derrota electoral do seu partido, o presidente do goberno e os seus asesores deciden tomar unha iniciativa desesperada: o presidente visitará persoalmente ós votantes nas súas casas para convencelos de que o voten.
Elenco: Celso Parada, Josi Lage, Mundo Villalustres, Pablo Costas.
Nosa Señora das Nubes, escrita por Arístides Vargas, céntrase no encontro de dous personaxes expatriados nun espazo e tempo indeterminado. Por medio de lembranzas confusas e memorias fragmentadas os personaxes buscan recuperar as historias vividas na súa patria, a lonxana Nosa Señora das Nubes. Un texto poético e cheo de humor que nos fai reflexionar sobre as ditaduras, as guerras , o exilio e o desarraigo tan presentes no noso tempo.
Sobre a peza
