Rede galega de teatros e auditorios

Sinopse: O punto de partida de A filla de Woody Allen é o inicio dunha viaxe da protagonista na procura de seu pai, do cal só sabe que vive en Nova Iorque e que lle manda un agasallo cada ano polo seu aniversario. Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital. Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria. Ela loita. É incansable. É vitalista.

Goldi libre é un traballo de teatro documento sobre o movemento de insubmisión, un dos primeiros e máis fortes movementos de desobediencia civil xurdidos despois da Transición en España, que levou a centos de persoas novas ao cárcere como presos de conciencia e que tivo como consecuencia inmediata a suspensión do servizo militar obrigatorio despois de máis de 150 anos de vixencia.

Elenco : Pepablo Patinho, Montse Piñón e Jorge Casas

Tódalas noites Rubicundo sae na súa bicicleta enriba da arbore do seu xardín rumbo á noite pecha. Semella que ninguén repara nesta personaxe enfundada nun gabán e sombreiro de copa. Ninguén agás Erea, unha nena mooi curiosa e soñadora disposta a chegar ate o fin daquel misterio…Rubicundo cóntanos unha fermosa historia sobre a amizade, a constancia e a poesía, abríndonos a posibilidade de perseguir os nosos soños sen sentir limites nin distancias…

Sinopse: na terra algo acontece. Hai moito ruído, berros e enfados. A lúa está preocupada porque con tanto ruído as estrelas asústanse e non queren achegarse, así que decide baixar á terra e saber o porqué de tanto barullo.

Lúa trata dunha analoxía entre o fantástico e o máxico á relación que temos as persoas no noso mundo que nos levan a non entendernos e provocar medos e violencia. Da man dunha nena chamada Lúa, percorreremos o mundo da xente adulta cos ollos da infancia.

Dirección: Pepablo Patiño

Que é EntreSoños?

"Ese soño que me invade cada noite facéndome crer algo que non son, pero que podería chegar a ser, e á vez o medo e a incerteza que me dominan e fanme volver a ese estado de consciencia que me di que non é máis que un soño e que non deixará de ser nunca máis que iso.

Dentro do meu soño teño ledicia, total liberdade de expresión e movemento. Non importa con quen, para quen, de que xeito e onde. Só importa a música e o movemento que o meu corpo xera ao sentila.

Os golfiños e o xigante é o nome do texto teatral co que Inacio Vilariño resultou gañador do Premio Barriga Verde para textos de teatro de títeres para público infantil.

Fani Triana ofrece un espectáculo de maxia no que propón unha viaxe fabulosa a través dos sentidos.

Ilusións con cordas, cadeiras, xornais, líquidos, mentalismo, participacións dos espectadores, humor e moito máis.

Trátase dun espectáculo cun guión cargado de situacións inesperadas e unha montaña de sorpresas imprevisibles. Un espectáculo para ollar e gozar.

Sinopse: Que pasa cando chamamos a unha empresa de reformas para que nos pinten a casa? Estamos seguros de a quen contratamos? Dous pintores que entre brocha e rodillo dedícanse a facer algo máis que pintar.

Historias divertidas e moita maxia!

Entremáns presenta unha peza didáctica para público familiar, Gaia. Realiza así o seu segundo espectáculo infantil, logo da boa acollida que tivo a nivel nacional o seu anterior espectáculo, Xoga.

Gaia afonda nun tema de suma importancia hoxe en día: o noso planeta.

Un proxecto no que a idea fundamental é achegar coñecementos desde unha óptica visual e imaxinativa.

O espectáculo vai dirixido a un público infantil e familiar, a partir de 3 anos, cunha linguaxe moi atractiva e sumamente coidada.

Elenco:

María Vázquez
Antonio Durán "Morris"
Federico Pérez
José Barato
Mercedes Castro

Cinco familiares, tres irmáns e as parellas de dous deles, reúnense na casa da irmá maior para celebrar o aniversario do pai, que se atopa en estado de coma desde hai nove anos. O que de primeiras semella unha sinxela celebración, convértese nunha encarnizada poxa por ver quen se responsabiliza dos coidados do pai.