Rede galega de teatros e auditorios

Un amago de atleta polipatético se verá involucrado en multitude de problemas para lograr a ansiada medalla olímpica. A cerimonia de apertura remata sendo un desastre, tenta acadar o éxito nos deportes máis coñecidose o único que logra é o fracaso máis absoluto.

Logrará acadar a ansiada medalla?

Clown, mimo, pantomima e slapstick mestúranse neste tolo espectáculo no que o seu protagonista sae dun problema para entrar noutro e para rematar coa vitoria máis ridícula xamáis vista na historia.

A animación, o clown e a música toman as rúas con Trío Refugallo, unha nova proposta da man de grandes músicos e actores con experiencia en compañías e grupos como Odaiko, A Magnifique Bande dos Homes sen Medo, Os Tres Trebóns... Coa dirección de Fran Rei, esta mestura de clown, música sobre instrumentos feitos a partir de materiais de refugallo, participación e interacción co público crean un novo concepto de pasarrúas que espalla risa e ritmo.

TITANIC é un espectáculo de teatro con comedia, maxia e moito humor. Un show de Cayetano Lledó para público familiar.

O espectáculo narra os preliminares e a viaxe do barco, que aínda que a historia oficial non o recolle, fixo escala en Galicia.

Os espectadores serán pasaxeiros dunha viaxe de 70 minutos, chea de incidentes, sorpresas e situacións inesperadas.

A eterna pregunta que nos facemos tódalas persoas algunha vez ... Unha casa, 910 metros de corda e catro mulleres, cada unha nun momento vital distinto.

Paula, de volátil personalidade; Susana, cadriculada ata a loucura e, Eva, desesperada por ter un bebé. Elas tres conviven con Magda, unha pintora de maior idade, da que a súa experiencia serviralles as outras compañeiras de gran utilidade.

Con esta mestura, ¡todo pode pasar!

Humor surrealista, con un toque poético e esperanzador.

O famoso arqueólogo Florentino Amechuino descubre a Dino, un dinosauro do Xurásico moi peculiar que mantívose oculto aos ollos do mundo a través dun curioso dispositivo evolutivo antropolóxico.

Ante o asombro de Florentino, Dino revive e o transporta a un mundo fascinante.

Manipulador: Jorge Rey

Logo de trinta anos de traxectoria Treixadura continúa a reinventarse e seguir andando camiños musicais, sempre a carón da nosa tradición.

Treixadura constitúe dende 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.

Durante ese tempo o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, tentando  elevar a interpretación da música tradicional ao máximo nivel artístico e escénico.

Siglo veintiún 

Queremos facer un Tesau   do corpo

Necesitamosv s para remata o  

Imos facelo de de o corpo

Temos q   decidir cómo mapear un cor o

Anan é  é o sistema opera ivo

Ónde está aloxad  ?

Como se insta a?

Est mos entre a tecn loxía e o art 

Orfeo, help

Non hai cobertura

Elenco: Mónica de Nut, Inma Vilanova e Anxela Blanco

Tabú é o novo espectáculo de Carmen Conde, que nace froito das conversas recollidas con mulleres de entre 70 e 95 anos no Valmiñor, o Morrazo, o Courel, a Mariña Lucense, a Costa da Morte e o Couto Mixto sobre a súa vida erótica e sexual de xuventude.

Un show de narración oral coa misión de transmitir as historias de confusión, segredismo, amor, picaresca e sexualidade (a máis cruel e a máis desexada) das mulleres que son cimento da nosa terra, as que poden explicar o que somos agora nós: fillas do Tabú.

Elenco: Carmen Conde, Nastasia Zürcher e Susana Garrido

Como muller de teatro, que leu e releu aos teóricos - incluídos conceptuais, dogmáticos e intransixentes - decidín asumir a fatalidade e o encadeamento de sucesos como o elemento substancial dos meus actos pasados e presentes e concluín en verificar o sensentido de manuais e doutrinas á hora de comprender o funcionamento das cousas en xeral e das persoas en particular.

SOMA é unha experimentación escénica e matérica que se concentra no estudo do corpo e do movemento como sombra e fragmento. A medida e o peso son expresión da súa potencia e desaparición, a súa necesaria grieta e abismo. Un saír do rito.

Instalación e performance que bailarín, escultor e iluminador comparten, transitando por diferentes estados físicos, conceptos estéticos e calidades de movemento, relacionándose e difuminando roles mediante esculturas, materiais, ambientes, obxectos e coreografías que se van despregando nun espazo conformado ante o espectador.