No noso poboado indio reina a alegría. Un día as vidas de Jon Braun e a súa irmá Malintxe sepáranse. A valente irmá é capturada; pero ela nunca se esquecerá de Jon Braun e as súas orixes.
O pequeno indio decidirá ir buscar á súa irmá.
Unha emocionante historia que conta como o amor pode vencer á adversidade.
Elenco: Miren Larrea e Valentina Raposo
Dramaturxia a partir da transcrición do xuízo realizado á Manada, construída con fragmentos das declaracións de acusados e denunciante.
Unha ficción documental a partir dun material moi real, demasiado real, que nos permite viaxar dentro da mente de vítima e victimarios. Un xuízo no que a denunciante é obrigada a dar máis detalles da súa intimidade persoal que os denunciados. Un caso que remove de novo o concepto de masculinidade e a súa relación co sexo da nosa sociedade. Un xuízo que marca un antes e un despois.
The Show Moscón é un circo ambulante de varietés, presentado por un moscón gordo e rollizo. Un maravilloso circo, representado por un armario que abre as súas portas para mostrar os diferentes números que se encontran no seu interior.
SEN TITULO é un dúo creado en 1997 a partir da invitación do grupo Artistes Face au SIDA, para participar nunha gala na Sala Patiño en Xenebra, nunha época durante a cal as asociacións de loita contra a enfermidade comezaban a facerse visibles na paisaxe europea.
Sexo Seguro. Seguro? Seguro!" é un monólogo, pero tamén é burlesque, pero también é un espectáculo con globos.. .pero tamén ten maxia.
Que é o sexo? Que é o Amor? É o sexo mellor con Amor? Por onde comeza o Amor? Pódese amar a alguén se non te amas a ti mesmo?
Segundo Caviloso é especialista en artes marciais.
Dende a súa máis tenra infancia sentíuse atraído polos números e non pode deixar de contalo todo. A máxima na vida e Segundo é resolver grandes enigmas coma pode ser calcular as raíces cadradas das prantas que se atopan fóra de macetas.
Segundo pasa os minutos e as horas coma verdadeiramente lle gusta, cavilando. Iso significa que mentres reflexiona profunda e minuciosamente sobre os seus asuntos é capaz de voar entre ecuacións e fórmulas imaxinarias con solucións improbables.
O punto de partida da obra constitúeo unha curiosa entrevista entre dous peculiares personaxes: Tirso de Molina, que con 19 anos atópase nos comezos da súa carreira dramatúrgica, e a xa anciá Francisca Pizarro Yupanqui, primeira mestiza do Perú, filla de Francisco Pizarro e da princesa inca Quispe Sisa, que vive como dama española no Madrid de finais do século XVI. Co pretexto da escritura dunha futura Triloxía dos Pizarro, Tirso trata de convencer a Dona Francisca, que leva un ano recluída no seu estraño xardín, de que dea renda solta aos seus recordos e experiencias.
Elenco: Raquel Queizás / María Roja / Chisco Casteleiro / Marcos Correa / Ivan Oubiña / Suso Fernández.
Obra multipremiada a nivel nacional e emblemática do selo característico de Galitoon, caracterizado por unha plasticidade televisiva e cinematográfica propia da escola norteamericana de Jim Henson.
Premio ao Mellor espectáculo Infantil na 10ª Feria de Teatro de Castilla y León / Espectáculo mellor valorado na 9ª edición Domingos do Principal (Pontevedra) / Premio ao mellor espectáculo Innovador na 24ª MIT de Ribadavia.
Furia necesaria de Aldaolado, conta cunha parte importante de narración oral, durante a cal as dúas poetas presentan o tema central baseándose en historias propias e alleas. Outra parte fundamental da función é a musical, na que Lucía Aldao interpreta en directo cancións que adoitan levar aparellado o recitado de textos propios na voz de María Lado. A poesía ten tamén o seu espazo no tempo que ambas poetas dedican a recitar.
Nana está preñada e pouco a pouco decátase de como o seu corpo comeza a cambiar para xa nunca máis volver a ser un, senon dous. Nana ten a sensación de ter subido a un globo aerostático e camiñar polo aire durante nove meses. E máis. O seu bebé nacerá, farase neno, xoven, adulto e pai.
A inesquecible viaxe de Nana, unha viaxe en globo que sobrevoa o terreo insondable do ciclo da vida.
Interpretación: Alicia Trueba
