A Lingua na boca, letras riscos e pensamentos de CASTELAO é unha rompedora comedia musical sobre a figura do polifacético Alfonso Daniel Rodríguez Castelao. Un espectáculo áxil e divertido sobre o home, sobre o debuxante, sobre o médico, sobre o político, sobre o escritor. Un espectáculo sobre Galicia e a súa lingua a través dunha achega contemporánea á obra de Castelao.
San Andrés de Teixido é un dos santuarios máis importantes de Galicia pola súa riqueza ritual é folclórica e é por iso que lle prestaron atención moitos etnógrafos e estudosos recoñecidos como Xoana Torres, Fernández del Riego e o homenaxeado no 2019 co día das Letras Galegas Antonio Fraguas Fraguas. Na súa monumental obra Romarías e Santuarios de Galicia Fraguas dedica o capítulo máis extenso a describir, con pormenor, a peregrinación a Santo Andrés de Teixido: os ritos, as cancións, as lendas e o santuario.
Nun hipotético tempo, nunha suposta situación, por un deses azares da aritmética parlamentaria e das conxunturas políticas... un candidato a Presidente da Xunta conseguiu o seu propósito, a grande meta da súa vida. O día da toma de posesión, a piques de dar o discurso de investidura, aparece un atranco inesperado: un estraño e choqueiro tic nervioso ameaza con ridiculizar, ou mesmo arruinar, tan solemne e esperado momento. Alarmado, reclama asistencia médica.
‘La Strada’ conta a historia de tres personaxes que se atopan no camiño durante a postguerra. Tres personaxes atrapados nunha vida á que están condenados polo seu propio carácter a un destino tráxico que resulta inevitable. A través de tres personaxes case sen artificio, ‘Lastrada’ fala de todos nós, da nosa dificultade para cambiar, para loitar contra as ideas preestablecidas que moldean o noso pensamento deforma invisible, da nosa cegueira para romper as cadeas que nos impiden saír da caverna e coñecer...para ser máis libres.
NO HAY PAPEL, é unha historia de vida. Unha historia de dúas mulleres, dúas irmás, dous xornalistas, dúas actrices en realidade que plasman as súas vivencias e as da sociedade na que viven, no escenario.
NO HAY PAPEL foi seleccionada para participar na XXV Mostra de Autores Españois contemporáneos, o festival de máis prestixio de teatro de texto en nuesro país. Representarase o 4 de novembro no Teatro Arniches de Alicante.
Obras para violín a piano de Mozart, Beethoven, Paganini, Sarasate, Saint-Saens e outros autores.
Tamén temas galegos en versións propias.
Comer é un pracer, mais antes hai que cociñar e escoller os mellores productos: porque as mazás poden ser verdes ou vermellas, as galletas grandes ou pequenas, os tomates da casa ou do outro lado do mundo.¡A mín encántame o doce!¡Pois eu prefiro o salgado!
Facer unha receta e facela ben, non é tan doado como parece. Hai que ter bos ingredientes, misturalos na orde precisa e con cariño. Dúas persoas ás que lles encanta comer e unha receita. ¿Como saberán esas novas galletas?
O galán don Daniel e o seu criado Pico, perseguidos polo corrixidor tras fuxir da casa da moza Aurora, atopan no bosque a unha bruxa que lles salva cos seus feitizos para viaxar polo tempo. Ao longo das súas viaxes temporais tentarán namorar a Aurora, que garda un secreto: é unha dama lectora cunha biblioteca enterrada no seu xardín. E errando o seu camiño máxico, criado e cabaleiro chegarán ao século XXI, onde unha misteriosa profesora axudaralles na súa aventura amorosa.
Nos últimos anos Chévere realizou unha serie de traballos que exploraron as posibilidades do teatro-documento e a memoria colectiva como desencadeantes dunha ficción teatral, como foi o caso de Eroski Paraíso. Esta nova obra é un paso máis para afondar en mecanismos narrativos que xogan coa ficción e a realidade, fusionando elementos propios do xénero documental e da ficción policial.
Producións Dispersas ten o pracer de presentar o seu próximo espectáculo familiar que será estreado o 20 de outubro no Auditorio Municipal de Ourense.
