Rede galega de teatros e auditorios

Que un desexo pareza posible ou imposible non é garantía de que se cumpra. Os nosos desexos conviven cos desexos dos demais, como nós convivimos con amigos, familiares, coñecidos, descoñecidos. A convivencia modifica as nosas vidas. Non somos donos dos nosos desexos.

1 DESEO. Un espectáculo que fala das relacións, do cotián, do amor, do desamor, do medo, da alegría. Un espectáculo que se desprende do romanticismo da frase pide un desexo!, a través de historias e vidas que coinciden por un tempo nunha sala de espera. A sala de espera dos desexos.

Elenco: Laura Barba, David Tornadijo e Miguel Molinero

Cando o circo é protagonista no salón de calquera fogar, todo pode escapar da normalidade e converterse en excepcional.

Circk About It presenta unha situación cotiá como pode ser a convivencia nun apartamento para explicar como a rutina pode romper con facilidade, simplemente engandindo unhas pingas do mellor circo.

Espectáculo fundamentado principalmente nos equilibrios e saltos acrobáticos, con pinceladas de humor, mostra un traballo corporal moi visual que atraerá a todos os públicos.

Elenco: Andrea Bayer e Davide González

Marieta é unha nena coma calquera nena de 5 anos, ela está rodeada de portas, portas que se abren e contan historias. Historias que teñen música e cantan cando Marieta quere,  pero Marieta ten unha porta que garda un segredo. Un segredo, que nunca contou e ninguén escoitou, por iso Marieta ás veces non fala e queda calada, por iso Marieta sempre se enfada, por iso dende hai tempo ten pesadelos e máis pesadelos.

Teatro do Noroeste
Luma Gómez
Imma António
Manuela Varela
Mimi True

Redondo é un espectáculo para a primeira infancia que xoga coas formas.

Sinopse: A Mr. Round encántanlle todos os obxectos redondos, cada día sae á rúa en busca dos máis curiosos obxectos con forma esférica, obxectos que agochan dentro un feixe de historias por descubrir.

Elenco: Juan Rodríguez

Dirección: Gloria Rico
Texto: Alfonso Becerra de Becerreá

Dúas persoas. Unha situación cotiá dentro do cuarto de baño. Ou non, depende de para quen. Queredes acompañarnos?

Ficha artísitica
Elenco: Xosé Luis Bernal "Farruco" e Roberto Leal
Escenografía e vestiario: Teatro en Punto
Duración: 15 minutos
 

Música infantil para compartir en familia. As Parábolas de Pakolas chega da man de Paco Cerdeira como espectáculo de pequeno formato no  que Pakolas, interpreta en directo unha escolla dos seus temas propios para público infantil, con música xirando en torno ao rock e outros estilos que entusiasman aos cativos e cativas, e con letras sempre axeitadas para os mais pequenos.

Dous viaxeiros coinciden nunha estación de tren durante a súa viaxe. As súas vidas están condicionadas polas historias que atopan alí onde  descubrirán que coinciden en moitas facetas da súa misión polo mundo: recoller historias.
 
Nunha realidade confusa coa fantasía, estes personaxes comparten algúns destes contos mentres agardan a que chegue o próximo tren:
 
- O círculo do 99. Conto que fala sobre a avaricia e o valor das cousas. Cando temos suficiente e canto precisamos para ser felices?
 

Sheila Patricia é unha destacada cantante e compositora galega que conquistou miles de ouvintes tanto en España coma en Latinoamérica e o norte de Portugal coa súa fermosa voz.

Actualmente percorre diferentes e variadas cidades presentando o seu disco "El camino de los sueños" e o adianto do seu próximo traballo íntegramente en galego.

Monólogo cómico onde se analiza a vida dos galegos, en canto á súa cultura, o seu idioma, as súas expresións e… a familia.
 
Abórdase o carácter morriñento das galegas e galegos, a través das súas expresións, do seu humor, das súas costumes, das súas festas, etc.
 
Dende o “guapo, guapo non é, pero ten un pelaso”, ata o “ghastas pista?", pasando polas manías dos pais e as obsesións das avoas, ata chegar aos chistes mais galegos.