Pedras de Cartón presenta "LÁZARO de Tormes", un espectáculo baseado no coñecido clásico da literatura, por primeira vez contado case sen palabras. Un espectáculo para toda a familia narrado en clave de comedia a través dun coidado traballo de máscaras dirixido por Pablo Sánchez e unha banda sonora orixinal creada por Davide González.
Cronopios é un divertimento reflexivo dirixido a pùblico infantil e xuvenil cunha versión para institutos. Baseado nos personaxes dos relatos de Cronopios e Famas de Julio Cortázar creamos unha comedia de enrredo que nos introduce no mundo do surrealismo do entramado social. Así da man destes curiosos seres, asistimos a creación dun mundo máxico, paralelo a sociedade actual onde conviven Cronopios, Famas e Esperanzas. Un espectáculo con mais de 40 monicreques que faran as delicias de espectador.
QUICO CADAVAL Conta... VACAS, GUERRAS, PORCOS E CREGOS: Quico Cadaval desenvolve dende os anos 90 do pasado século unha actividade como contador de historia e sucedidos. Este tipo de espectáculos, considerados a forma mais diminuta de teatro, son unha das mais poderosas chamadas á imaxinación do público, que ten que construir co narrador as imaxes da historia.Na actualidade a narración escénica ten un amplo circuito internacional ao que son convocados, con frecuencia representantes da arte de contar contos na Galiza.
Acontece nunha Viena surrealista inventada por Shakespeare. O mandatario Duque Vincenzo pasa á clandestinidade e manda aplicar con todo rigor a lei contra os comportamentos inmorais. Cai a lei por igual sobre o negocio do sexo e sobre a xuventude hedonista. Un xoven de boa familia é condenado a morte. Isto obriga a Isabella, a sua irmá monxa, a abandonar o convento por tres dias coa tentativa de salvar a vida do seu pecadento irmán. Un mundo de vicio, perversidade e corrupción tentarán lixar a sua brancura virxinal.
Unha creación máxica, surrealista e con ilusións a "xeito individual e a dúo". Xornais que cobran vida, cordas sorprendentes, froitas “sen frutosa”, recreacións doutra época e moito máis, xeran a trama dun acto cheo de gags, diálogos apegados ó sorriso e prestidixitacións sorprendentes. 2 ilusionistas ao vivo nun espectáculo de maxia, humor e participación do público composto para ollar outras realidades coas orellas moi abertas.
“Maxia Espectacular” é o espectáculo de gran formato de Dani Polo, xoven mago galego, finalista do programa “Pura Magia” de TVE e premiado en diferentes puntos de Europa.
Ula Lúa? é un espectáculo dirixido a un público familiar, onde valores como a tenrura, o respecto oua solidariedade cobran importancia para levarnos a un mundo ondea violencia non ten cabida e a ilusión fai dos soños unha realidade.
A gatiña Lúa non ten irmáns e a avoa non lle deixa saír fóra, mais ela soña con viaxar, coñecer novos lugares e ter amigas para xogar. Cando logra saír atópase cun gato que tamén intenta impedirlle que realice os seus soños, pero Lúa di NON, porque ninguén ten dereito a destruír os seus soños e ilusións.
Elenco: Melania Cruz
O EMPAPELADO AMARELO É...
- Unha posta en valor do papel das mulleres como creadoras ao longo da historia, invisibilizadas por un sistema que condena á metade da humanidade ao esquecemento.
- Unha experiencia teatral que afonda na crise actual dos modelos de relacións amorosas baseadas nunha serie de valores que debemos poñer en cuestión.
Premio Martín Codax da música 2018 a mellor grupo infantil
A gramola Gominola é un grupo de música rock para o público familiar, que presenta o novo libro/cd editado por Galaxia, na súa colección sonárbore Bravas. o rexurdir da luz.
No novo disco o grupo sigue apostando polo rock e se posiciona como o grupo de rock en galego para público infantil e familiar. grandes temas que a partir de agora poderedes escoitar nas voces dos vosos fillos, como xa fixeran con a fábrica de carmela, pita récords, e moitos máis.
Mari Gésta, é un personaxe inspirado en Mary Poppins. AS súas estravagancias fan rir ás crianzas, mais tamén ás maiores. Vive no monte, adora os toxos e as xestas e posúe unha maxia especial que a leva a sacar cousas máxicas da súa sacola. Un espectáculo a medio camiño entre o musical e o contacontos, tinguido de seres marabillosos que acompaña a esta peculiar muller.
