Cultura no Camiño

Este amplamente recoñecido guitarrista, arreglista e compositor galego conta cunha impecable traxectoría artística e representa un gran valor da música da nosa terra . Os seus primeiros estudos céntranse na guitarra clásica, con José María Fiúncho en Lugo e máis tarde no Conservatorio de Vigo onde cursa 3 anos de guitarra con Tomás Camacho.

Chungo Ke te Kagas é  o primeiro espectáculo no que Peter Punk comeza a súa andaina como pallaso. E no que se perfila a súa personalidade divertida e irreverente, que fará as delicias d@s cativ@s e tamén dos maiores, creando un universo propio.
 
Mostrará a súa destreza (ou non) con elementos que van aparecendo da súa maleta: pelotas, un prato chinés, fachos de lume e o clásico tartazo reinventado ao máis puro estilo deste irreverente pallaso internacional.

Xoán Curiel e Sergio Tannus presentan esta proposta a dúo con cancións do vindeiro proxecto de Xoán Curiel, Estou lá. 

Dúas voces e por outra banda: guitarras españolas, unha guitarra eléctrica, viola caipira ou cavaquinho, son os instrumentos desta proposta acústica.

Espectáculo musical dentro da programación de Cultura no Camiño. Confirmar datas e horas nos concellos onde se representa.

Xoán Curiel e a banda Son+d2 presentan o seu novo traballo. Un espectáculo moi completo con danza, música en directo e elementos de teatro.

Trátase dun disco-libro editado pola editorial Galaxia que narra as aventuras duns rapaces que na época estival atopan unha creativa maneira de pasar o tempo formando un grupo musical. 

Xoán Curiel presenta un espectáculo, no que as cantigas de Martín Códax, e outras poesías de autores galegos clásicos e contemporáneos, son musicadas e cantadas polo artista, facendo un percorrido dende estas cantigas ata chegar ao cantautor ou trobador contemporáneo.

Este concerto forma parte da programación de Cultura no Camiño que leva música, teatro, maxia, danza e novo circo polos concellos onde discorren as rutas xacobeas.

Contan as avoas, sabedoras do marmurio, que as bestas muxían abondo, bruaban seguido e mesmo miañaban cando quedaban sen sentido. Rinchar non escoitaran, ruxir nunca ouviran porque naquel territorio poucas feras viviran. Sen embargo, miña tía, que fora viaxada dicía que de nova bruídos escoitara.

Entre sons e ruídos pasabamos a tarde. Contabamos historias e riamos en balde.

Sinopse: Alicia collera por costume, escorregar por calquera buraco, sen importarlle o profundo, escuro ou sinuoso que fose. A Henry, daráselle por beliscar nos libros, como si non houbera mañá. A avoa e papá dicían que os meus amigos eran raros. Mais eu sempre pensei que iso de ser raro é moi relativo. Que dis, apetéceche escoitar as nosas rarezas?

O segundo traballo de Xardín Desordenado titúlase “Aprendendo a ladrar” (Sul 2015) e está adicado exclusivamente a mulleres.

Desde a máis veterana Rosalía ata a benxamina Lucía Aldao, os textos das 17 poetas reflicten a evolución (non só poética) da muller nas últimas décadas; unha aventura histórica que nárrase neste traballo discográfico e nos concertos que o presentarán ao público.

Monólogo "Made in Galicia" no que nos embarcaremos nunha viaxe ao pasado para lembrar as desventuras dun galego calquera que nos traerá á memoria un bo feixe de costumes, ditos, xogos, cantigas e outras lerias que nos farán matinar no moito que cambiaron as cousas dende aquela... do moito que cambiaron ou no.

Das cabeciñas de Marcelo Dobode e Bea Martínez, e das súas experiencias no mundo da educación musical dirixida á infancia, nace este obradoiro-espectáculo no que miud@s e maiores aprenden, gozan e descubren o mundo das percusións e da arpa neste fermosísimo proxecto.