A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Un espectáculo máxico-lingüístico para lembrarlle ó google que aquí non sabemos onde están: Arteijo, Mugía, Rianjo nin Sangenjo.
Un espectáculo máxico-lingüistico para lembrar que á doutora, ó avogado ou á xuíza, pódeselles falar en galego nos seus postos de traballo, xa que seguiremos tendo o mesmo problema de saúde, de preitos ou do que sexa, digámosllo en galego ou noutra lingua.
Sinopse: O profesor Rockenstein é un brillante científico que pasa a súa vida metido no laboratorio investigando novas fórmulas para beneficio da humanidade. Pasa os seus días entre probetas, computadores, tubos de ensaio e microscopios, mentres goza da súa gran paixón: O rock&roll. Pero Rockenstein está triste, sente só. E de súpeto xorde a gran idea da súa vida: crear unha criatura! Un fillo con quen poder compartir o amor pola ciencia e polo rock&roll.
Sinopse: Dous expertos operarios da limpeza descobren por casualidade as posibilidades que poden dar as súas ferramentas de traballo, combiadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas de xabón.
O público sorprenderase e gozará con estas máxicas burbullas; pompas transparentes, con fume, con vapor, pequenas, grandes, estáticas ou voando polo escenario. O espectador camiñará da man destas personaxes por un mundo máxico, cheo de cor e de moito, moito humor.
Un espectáculo de maxia de cerca que sorprende tanto a grandes como a pequenos.
Historias Máxicas que nos conta O Mago Romarís a través dunha baralla de cartas.
----
Tres músicos versionan contos clásicos reconvertidos en divertidas cancións cun aire de rock e blues en lingua galega para que os máis cativos as canten con eles, gozando de momentos moi especiais.
Cantarase e bailase con "Xan sen Medo", "Os Tres Porquiños", "O gato Kiriko" e algún outro entre xogos musicais e moitas sorpresas.
Destripan boleros, tangos e outras delicias fundindo as súas voces entre guitarra, vasoiriñas, melódica e un fagot atopado. Introdúcennos con histriónico pracer no seu mundo Antoñil para facernos sentir e saber que todos somos Antonias e Antonios. Comulgando sen reparos, transmitindo nutrientes, filtrando substancias nocivas e fabricando hormonas a ritmo dunha escena obscenamente risueña.
Monólogo de Oswaldo Digón distribuído por Ainé Producións
Adrián Vigo presenta este 2018 o seu segundo disco. Baixo o título de “Reflejos”, Adrián Vigo reúne 12 cancións vestidas coas mellores galas.
No concerto tamén haberá momentos para recordar temas do seu primerio disco "Profunda amistad" e algunha versión galega.
Atopámonos cunha variedade musical difícil de ver nestes tempos: dende o pop máis comercial ata os sons latinos, coqueteando polo camiño coa canción galega, o rock, ou a música de raíz...
“Maxia Espectacular” é o espectáculo de gran formato de Dani Polo, xoven mago galego, finalista do programa “Pura Magia” de TVE e premiado en diferentes puntos de Europa.
