A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Un espectáculo para público infantil e familiar no que a parella de clowns Pedro Brandariz e Fran Rei recrean números cómicos a través das ferramentas habituais de Os Sete Magníficos máis Un: a improvisación, a actitude de risco, a sinceridade do pallaso, a humildade do comediante e, sobre todo, a dignidade clown para saír das situacións máis complicadas.
A danza dos Paxaros é un espectáculo de animación de rúa formado por seis actores e actrices e un actor principal,
Luchi Iglesias, o ornitólogo que dirixe a esta particular bandada no seu danzar. Acompañados da música,
das súas vistosas vestimentas e sobre todo de moito humor e moito ritmo, os paxaros percorrerán as rúas, a
praza ou o espazo que se lles dispoña facendo bailar a todos e todas as presentes.
Brinca Vai! 2.0 é un espectáculo musical e audiovisual baseado no libro-cd-dvd “Brinca Vai!”,editado por Kalandraka Editora, no que se combinan cancións, imaxes, videos, animacións,
retransmisións en directo e interpretacións cos ritmos e rexistros máis divertidos.
Despois de máis de 100 representacións coas súas dúas anteriores pezas (A Historia de Brancaflor e O Conto de Barriga Verde), o cómico Fran Rei presenta neste 2017 A Galiña Azul, un espectáculo creado a partir da popular obra infantil de Carlos Casares (Letras Galegas 2017), publicada en 1968, despois de gañar o 1º premio do Concurso nacional de Contos Infantís O Facho.
Sinopse: Simbad retirouse do mar vendo a imposibilidade de seguir vivindo da pesca. Leva tempo pensando que facer e realizando no seu taller maquetas de barcos onde bota de menos o mar. Venadita, a súa veciña e amiga, é unha mariscadora que sae ao mar todos os días e tenta convencelo sen éxito.É unha muller disposta, forte e que non pensa renegar do seu medio de vida. A pesar da súa insistencia non conseguiu convencer ao seu veciño e amigo Simbad. Un día Venadita aparece no taller de Simbad convertida en serea.
Por fin descubriremos o verdadeiro misteiro. Por que a auga do mar é salgada? Foi un fenómeno natural ? Será porque alguén fixo algo extraordinario?
Grazas a LUÍS e ANTÍA descubrirémolo porque eles foron os que viviron o momento directamente.
Eles tamén nos levarán polo fondo mariño para ver como están as especies .
Os monifates son un dúo cunha ampla experiencia musical, formado por un músico e un artesán de instrumentos tradicionais que se encarga da confección dos instrumentos utilizados nas actuacións. Nacen cunha filosofía de transmitir un son diverso e dinámico.
Marcelino de Santiago, Miguel Cabaleiro e Isabel Rey.
O espectáculo O Encoro enmeigado (nas fragas do Eume) ten a intención de espertar entre os espectadores, sobre todo os máis novos, o respecto polo medio ambiente, a valoración da Natureza, e o compromiso co coidado do noso entorno e a fauna que vive nel e dunha maneira moi especial coa conservación dos nosos ríos e bosques. E ó mesmo tempo recuperar e por en valor aos personaxes míticos da nosa cultura popular que van a servirnos a nivel narrativo de enlace entre o mundo dos humanos e o dos animais e as plantas.
Concerto de música tradicional onde este grupo repasa os éxitos de todos os discos publicados ata a data
Brinca Vai! De aquí a acolá é un espectáculo baseado no libro-cd-dvd “Brinca Vai!”, editado por Kalandraka Editora, no que se combinan cancións, animacións e interpretacións cos ritmos e rexistros máis divertidos.
O músico e actor Paco Nogueiras vai nos seus espectáculos cos seus instrumentos e a súa querida “Máquina” nunha divertidísima viaxe chea de humor, baile e cancións. As alegrías, as amizades, os libros, a
