A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Sinopse: Cinco minutos sen respirar retrata os anhelos, o medo e a escuridade que pode albergar unha persoa a través de dous personaxes: Margarita, unha (ex)empregada de banca, e Víctor, supervisor nun supermercado.
A montaxe é unha proposta baseada no traballo de interpretación e cunha dirección escénica que incide nos delirios e nas dualidades propias do mundo de hoxe.
A maquina do tempo è unha peza de teatro que ilustra dun xeito ameno e pedagóxico a historia das civilizacións apoiado cunha escenografía Pepablo Patinho e Montse Piñón farán un recorrido pola historia do mundo.
Sinopse: A doutora Mon e o seu axudante Pe, logran construír unha máquina do tempo coa que nos amosaran a verdadeira historia das civilizacións mandando a Pe e a “algún voluntario ou voluntaria” a distintas épocas da nosa historia.
O dúo, compuesto por piano e voz, ten unha ampla traxectoria en concertos. Neste espectáculo, queren render unha homenaxe á muller, para iso realizarán cancións con nome de muller, cantadas por unha muller, escritas por unha muller ou que trata temas como o maltrato
Os Piñeiros é o nome artístico dos xemelgos Iván e Diego, que desde nenos xogaban á música xuntos.
Festicultores Troupe os auténticos cultivadores de festas celebrarán no 2020 por todo o alto o seu 15º aniversario.
Para este gran acontecemento “mundial” estánse a preparar física e mentalmente, coma nunca antes o habían realizado. Levando o seu corpo ,mente, e fígado a límites nunca antes explorados por un ser humano.
Durmindo en camas hipobáricas, depuracións de fígado e riñóns, tratamentos detox , esfoliacións e tratamento capilar son algúns dos entrenamentos extremos, cos que están a preparar o seu gran aniversario.
Atopámonos no ano 107 d.CE. (despois de Celso Emilio) ou ano 2019 nalgunhas civilizacións.
Unha viaxe escénica, máxica e lingüística percorre cada recanto do país, amosando as anormalidades decotío no uso do galego, a realidade laboral do idioma e a marabilla de posuír un “Monte Pindo” de fala propia, nun espectáculo de ilusionismo máis sorprendente que atopar un programa cultural na televisión.
Un camión escenario "aparcará máxicamente" na praza da vila, e tanto el coma 200 cadeiras, completarán o espazo escénico ao aire libre.
Un teatro móbil con toda a produción técnica, cheo de asombros, ilusións, humor, participación dos espectadores, cordas, panos
Elefante Elegante presenta un novo espectáculo na liña do seu traballo xestual e cunha forte compoñente plástica e musical. Patapatúm propón unha reflexión sobre a presenza dos bens materiais nas relacións entre pais e fillos.
Víctor Grande presenta A Vida pasa voando, un espectáculo de monólogos de humor e cancións satíricas na que o cómico fala das súas experiencias vitáis axudado pola súa guitarra e a interacción co público. Humor intelixente, monólogos, parodias de cancións coñecidas e outras de colleita propia.
Dende os problemas que teñen os nenos pequenos para facerlle caso aos seus páis ata as novas tecnoloxías, pasando pola comparación entre Galicia en Estados Unidos. Estes son só algún dos temas dos que se fala neste show fresco e cheo de retranca.
Elenco: Josi Lage e Stephy Llaryora
Margot, a nai de Loló, queda non paro e decide instalarse na casa da súa filla, a un océano de distancia. Pero o que semellaba unha idea xenial que axudaría a xuntar a unha familia desestructurada dende sempre, pronto se transforma en desastre. Como acolle unha filla o retorno da nai? Quen é a nai e quen é a filla cando é esta última a que ofrece casa e sustento? Canto tempo pode pasar ata que esta bomba de reloxería estoupe definitivamente?
