A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Un espectáculo que nos leva a vivir unha experiencia única. A maxia e o fio conductor desta viaxe, que nos fai dubidar da realidade, das propias leis físicas que rixen o noso mundo,… entramos entón, da man do ilusionista, no mundo do maxín, onde todo, ou case todo é posible .
Cóntanse historias e lendas que, vindo da tradición, seguen vivas no contar e no anecdotario da xente
A tradición oral sempre foi dinámica e adaptouse ós tempos, fosen cal fosen eses tempos. Foi o tempo quen peneirou as historias e as lendas que nos chegaron e non sabemos das que non chegaron. Así, coñecemos historias que non sabiamos que veñen da tradición, e protagonizamos historias que, seguramente, cheguen a formar parte da tradición futura.
Ian e Elisa crearon un novo concepto en mentalismo, "o mentaliso visual". Combinando ilusións máxicas visuais con mentalismo conseguiron crear unha experiencia única e entretida.
Os seus clientes ata a data inclúen Princess Cruises, Celebrity Cruises, Seabourne, Skoda Auto, Thompson First Choice, Warners etc
Ian e Elisa combinan maxia, mentalismo, técnica de pintura rápida e sombras chinescas creando un espectaculo asombroso que engade un toque de enigma a calquera evento.
Dous tipos abandonados nas marxes.
A xa tradicional Xira Lugares Máxicos de Carlos Núñez, que percorre lugares emblemáticos de Galicia cada verán facendo concertos inesquecibles para aforos reducidos, poñendo en valor o noso patrimonio musical, arquitectónico e natural, celebrará os 25 anos do seu primeiro disco, A Irmandade das Estrelas!
Cantando os Cantares tenta achegar unha das obras máis importantes da literatura galega ós máis pequenos. "Cantares Gallegos", é sen dúbida unha das xoias da nosa literatura, non somentes pola súa calidade literaria, senón polo trasfondo que existe detrás dela.
Baila un vestido verde é un espectáculo interactivo de danza que xoga e convida a xogar ao espectador.
O corpo, a danza e o xesto son os códigos que se manexan para establecer un diálogo constante co público.
“O vestido verde” é o punto de encontro inicial que activa a interacción entre os presentes.
Baila un vestido verde é un espectáculo de danza simpática.
Gale conducirá ás nenas e nenos a través da súa historia para que lle axunden a repartir ese gran tesouro que protexe con tanto con mimo: palabras, expresións, dicires e unha maneira única de ser e de descubrir o mundo.
Unha historia chea de aventuras e desventurasque nos axudarán a comprender as circunstancias que rodean a Gale no día de hoxe, pero tamén a gran riqueza que supón contar con música, poemas, libros e canta cultura se creou e creará en galego.
Este paiaso pasará por varias emocións ao longo do seu espectáculo, desde a serenidade absoluta ata o máis puro nerviosismo. Iso si, case nunca, repito, case nunca ... perde o control.
A naturalidade do personaxe fai que conecte rápidamente co espectador e como bo amante da improvisación encántalle verse en problemas, conseguindo facer destes os momentos triunfantes da velada
Xirafa de globos de 4 metros de longo e 5 metros de alto, levado por 4 animadores caracterizados de safari.
Elenco: Manuel Castro, Fco. Javier Fenández, Fausto Domínguez e Nair Romero
