A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Ante a situación que nos toca vivir neste ano 2020, a compañía mago Teto creamos o espectáculo “ Unha noite no Castelo” para realizar en espazos en exterior nos que sexa fácil controlar o aforo de público e cumprir cos protocolos de seguridade. Con este espectáculo intentamos levar as nosas maxias a espacios do patrimonio cultural que apenas se usan para as artes escénicas ( castelos, claustros,..)
Soul&Roll propón un espectáculo musical acústico innovador que marca a diferenza co seu repertorio do mais completo e variado cuns arranxos músicales-vocais adaptados e traballados minuciosamente, unha voz, coros vocais, guitarras acústicas, baixo, ukelele, percusión menor, bombo e un "Loop Station" que permite tocar todos estes instrumentos e facelos soar á vez creando os bucles musicais máis espectaculares e sorprendentes que, peza a peza, constrúen os grandes éxitos que todo o mundo desexa escoitar en VIVO E RIGOROSO DIRECTO.
Rogelio, leva pechado na casa 20 años, no instituto facíanlle Bullin. Despois de ler a Paulo Coelho e seguir unha terapia de 12 pasos está no último chanzo.
Paso número 12: facer en público o que máis lle gusta, a máxia. Se hoxe sae todo ben, danlle o alta médica e mañá vai a ter a cita máis importante da súa vida.
Riscando o ceo lévanos a un mundo onde o circo aparece en forma de humor, maxia, risco, malabar, acrobacias, e equilibrios imposibles. Un ton absurdo e reflexivo que fai que nos reformulemos o esencial das cousas.
Porque "o esencial é invisible aos ollos. Só se ve ben co corazón" (Antoine de Saint-Exupery, O principiño).
Riscando o ceo é un espectáculo próximo e moi visual que fai que o público viaxe no risco e no humor. Un espectáculo de circo que emocionará a todos os públicos a través dun clown que nos fará ver as cousas do revés
Un galego recoñecido, ou recoñecible segundo se mire, atrévese a analizar unha realidade tan próxima e tan afastada como a que conforma España. Destripa os seus tópicos, as súas mentiras piadosas e as súas medias verdades coa ironía como único bisturí. E sempre coa percepción dun tipo que sae da súa terra para traballar. Como tantos outros. No fondo, é o que di Serxio :“hai máis galegos fóra que dentro”.
Falou Pazos e falou ben.
Puño puñete é unha peza teatral, musical e visual na que a tenrura é a protagonista, un espectáculo onde os máis pequenos da casa (1-6 anos) vivirán unha experiencia entrañable para espertar os seus cinco sentidos e terán as súas primeiras sensacións a través da oralidade, a música e os contos.
Puño puñete é unha experiencia máxica para gozar cos máis pequenos e familia, onde poderán disfrutar de preciosas cancións e divertidas historias, todo aderezado con música en directo.
Elenco: Andrea Bayer, Óscar Ferreira e Davide González
A festa chega á rúa!, ao ritmo da música “psicodélica”, as diferentes personaxes invitarán a todos a participar da troula. Alegría e diversión nun pasarrúas cheo de cor.
A música envolve o teu corpo, a cor anega as rúas, espirais, círculos, e formas interminables enredan o teu pensamento…, non podes máis que deixarte levar pola algarabía, pola troula, polas redes de… Psychodelia.
Concerto de Paloma Suanzes cos seus arranxos de música folk, guitarra e voz en acústico que non deixarán indiferentes ao público.
A banda folk Os d'Abaixo, formada no 2010 por músicos de dous dos grandes referentes da música en Galicia: Berrogüetto e Fía na Roca, entre outros, celebra neste 2020 o seu 10º aniversario. Nesta xira presentan novo repertorio, adianto do que será o seu vindeiro disco, pero tamén farán un percorrido polas músicas coas que levamos desfrutando estes dez anos.
Tras anos coincidindo e compartindo experiencias musiales, estes tres grandes músicos deciden iniciar o seu propio proxecto artístico, motivado pola súa recíproca admiración e amizade. Unidos ademais pola madeira dos seus instrumentos e cunha concepción musical común, funden conceptos diversos na súa viaxe musical: acústico, de raíz, improvisación, atemporal, aventura, surrealismo...
