Cultura no Camiño

Chega o novo disco do dúo galego.

Neste traballo, que celebra o seu 10 aniversario como dúo, a fusión segue caracterizando as súas composicións. Temas de diversos lugares do mundo con algún ingrediente celta. Daniel Bellón e Diego Maceiras rodéanse dun grupo de colaboradores excepcionais, logrando unha singular mestura con músicos de Gales (o violinista Oliver Wilson-Dickson), Rusia (a organista María Moiseeva) e Galicia (o guitarrista Juan Cabe, o batería Miguel Lamas, o contrabaixista Juan Tinaquero, o trompetista Rafael Carracedo e a zanfonista María López).

Esta é a viaxe iniciática dunha cabra chamada Nina.
Chegada ao mundo nunha illa esquecida no medio do mar, un bo día decide marchar na procura dunha vida máis próspera e amable.
Nina é así, independente, inconformista e impaciente.
Tamén é descarada, sorprendente, fresca, fogosa, temeraria, insolente e insolvente per se.
Non acerta a comprender o xeito en que se relacionan e desenvolven os seus novos veciños de dúas patas.

  Elenco: Lines González e Lara Manzano

  Así é como transcorre un día na vida dun can, pero non dun can calquera. Trátase dun can moi especial que pertence a esa raza mítica, lendaria e con máis prestixio de todas, a de Palleiro.

   Este can é Duncan de Palleiro, o príncipe das corredoiras.

   Duncan leva unha vida sinxela ao carón do seu amo Aurelio e dos seus amigos, veciñas de sempre, nunha vila pequeniña e fermosa no medio das montañas chamada Óubidos, da cal se sente moi fachendoso.

Asesoramento escénico: Idoia Zabaleta

Voz en off: Jas Processor

Visuais: Félix Fernández

Carapuchiña é unha nena duns 9 anos. Certo día, a súa nai encárgalle ir á casa da súa avoa para levarlle unha cesta con froita, un tarro de mel e unha botella de viño doce. Na súa viaxe atoparase con un leñador, unhas árbores bailarinas e cun lobo... que fará das súas para intentar papala.

Toda a historia está narrada por Prácido, un escritor de contos que, axudado pola súa vella máquina de escribir traballará arreo para escribir o conto máis bonito do mundo: Carapuchiña Vermella.

Monólogo cómico onde se analiza a vida dos galegos, en canto á súa cultura, o seu idioma, as súas expresións e a familia. Abórdase o carácter morriñento das galegas e galegos, a través das súas expresións, do seu humor, das súas costumes, das súas festas, etc.

Desde o “guapo, guapo non é, pero ten un pelaso”, ata o “ghastas pista", pasando polas manías dos pais e as obsesións das avoas, ata chegar aos chistes mais galegos.

Autores: Alex Sampayo e Borja F. Caamaño
Elenco:
Guillermo Carbajo - Peludiño, o hámster
Sheyla Fariña - Munda, a rata
Carlos Álvarez-Ossoiro - Gato

A raposa é moi lista e é moi curiosa. Gústalle vivir libre no monte pero tamén achegarse á aldea para ver xogar ás nenas e aos nenos e escoitar os contos que lles contan na lareira.

Canta o galo, sae o sol. A raposa feliz achégase á aldea cantaruxando unha melodía. Vai visitar á galiña para que lle ensine adiviñas, vai escoitar os contos da señora Lela que vive preto da escola. Agarda polas nenas e nenos para xogar con carozos de millo, con paus e con pedras. Vaille botar unha carreira ao sapo e aprender con el traballos do campo.

Autor, director e elenco: Antón Rodríguez

Despois de doce anos nos que mantivo unha actividade intensa de produción de eventos e espectáculos máxicos, facendo só puntuais intervencións nos escenarios, o Mago Antón volve á primeira liña da escena para presentar, en tres formatos diferentes e pensados para distintos espazos de intervención, o seu novo espectáculo Onde está o Mago Antón?

O 'O' está agochada detrás do 'Q', os 'R' andan a rir e rir cos 'I' mentres o 'C' e o 'G' axudan o 'H' a facer barullo...

Todas as letras xuntiñas viaxan e xogan dentro da Maleta. E cando se abre para coller as cousas todas as letras saen para fóra bailando e formando palabras que xogan á roda e contan fermosas historias.

Historias que levan moito tempo andando polo mundo, de boca en boca, de soño a soño.

Esta actuación forma parte de Cultura no Camiño, que leva teatro, música, danza e novo circo polos concellos onde discorren as rutas xacobeas.