A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
A festa galópalles polas veas. En cada un dos seus concertos, estoupa a Galicia tropical. Eles son o Sonoro Maxín e ningunha outra banda en Galicia pode berrar A festa son eu!! con semellante contundencia e cun son tan incontestable.
O espectáculo é un divertido concerto de pop electrónico infantil con vontade didáctica no ámbito da gastronomía e da alimentación.
Animación para adultos onde a gaita presenta unha historia sobre o rito da queimada dende a simboloxía e as crenzas populares. Unha voz narra o que se anda a ver para que sexa facilmente comprensible.
Aparecen as meigas e interaccionan co público.
Por último o Druída e quen manterá a raia as forzas do mal grazas a súa frauta, para poder conxurar e cociñar este brebaxe máxico, co que se convida os presentes.
Actividade de Cultura no Camiño. Confirmar datas e horas nos concellos onde se representa.
COCOROCÓ é un espectáculo de narración oral no que se empregan obxectos, monicreques, debuxos e interación co público.
Pero...quen canta COCOROCÓ? Unha galiña, pero non unha galiña calquera, non, unha galiña azul. Sí, azul como o ceo, coma o noso mar, unha galiña diferente a todas as demáis. Por iso é perseguida e quere matala Manolito Listón porque él di que unha galiña que en vez de dicir cacaracá di cocorocó, que pon ovos de cores e ten cinco plumas vermellas na á dereita , non é unha galiña como debe ser pero...
Neste novo espectáculo, a pallasa Mandarina recibe clases do seu avó, o grande ilusionista e prestidixitador Evaristo Poncio.
Na sala de ensaios está todo preparado, só falta que chegue el. Mentres agarda, a curiosa Mandarina aproveita para atusmar nos obxectos máxicos do avó e facerlles maxia aos pequenos voluntarios do público. Ademais de aprender a facer maxia, Mandarina terá que aprender que o avó non vai vir máis.
CHUPADESKAY presenta o seu disco grabado entre Amsterdam, Londres e Galicia en formato acústico. Concerto de 50 minutos aproximadamente cos 14 temas do disco e co n coñecidas versións do pop rock anglosaxón. No seu directo, CHUPADESKAY tamén nos ofrece varios temas en galego, entre os que destacan "Chundadance" ou "La chupa de skay".
Pablo Balseiro á guitarra e á voz únese a Jose Salgado ao baixo, Lito Martínez á guitarra e á trompeta e David Barajas "tarteiras" ás congas e á percusión, para crear un proxecto musical, RADIOSON, que está a asentarse no panorama musical galego e que veñen avalados por músicos que discurren paralelamente con proxectos xa asentados no panorama galego. Bandas como Duplo Son, Los Guacamola, Los Muchachicha ou Delito Jazz Trío. Uns rexistros que deambulan entre a sensualidade e ritmo do son cubano, a alegría da rumba e a tribalidade sonora das congas....
"Tecendo coas agullas máxicas do amor, dos bicos, aloumiños e fermosas primeiras experiencias compartidas e celebradas foi medrando FÍOS DO QUERER, resultando envoltorio agarimoso para xogar, cantar e bailar cos nenos de colo".
Estas verbas serven para presentar o traballo en formato de concerto participativo acompañado dun Libro-cd de Cé orquestra pantasma, vintecatro sinxelas e agarimosas cancións para meniños e meniñas de 0 a 3 anos.
"Tecendo coas agullas máxicas do amor, dos bicos, aloumiños e fermosas primeiras experiencias compartidas e celebradas foi medrando FÍOS DO QUERER, resultando envoltorio agarimoso para xogar, cantar e bailar cos nenos de colo".
Estas verbas serven para presentar o traballo en formato de concerto participativo acompañado dun Libro-cd de Cé orquestra pantasma, vintecatro sinxelas e agarimosas cancións para meniños e meniñas de 0 a 3 anos.
Os Cabarés de PistaCatro inscríbense na mellor tradición dos espectáculos de variedades, tanto dos circos coma do music-hall, onde se poden mesturar os números de malabares, a canción, os sketchs de humor, os monólogos, as acrobacias e os pasos de claqué. Ofrécese así ó público un espectáculo multidisciplinar e variado a cargo dun determinado número de artistas que dan o mellor de si mesmos en pequenas pezas de cinco ou dez minutos.
