Cultura no Camiño

Mercedes e Montse son as “Armadanzas", dúas compañeiras que gozan poñendo a bailar a todo o mundo.

A súa nova proposta é levar o público, sen límite de idade, ata o mundo do baile tradicional galego- portugués. A viaxe que vos propomos inclúe contos e historias que nos envolverán e sen decatármonos, estaremos divertíndonos cos bailes e cos novos compañeiros que imos atopando. O mellor é deixar a vergoña na casa e deshinibirse pois non importa bailar ben, senón deixarse levar pola maxia do baile e coñecer novos compañeiros nesta viaxe.

A Musicleta transfórmase nun escenario a pedais adicado aos músicos, unha plataforma sobre rodas en movemento, onde poder presentar espectáculos musicais variados dende outra perspectiva, coa idea de chegar a moitos recunchos e satisfacer a público de todas as idades.

Interpretarán pezas populares nun pasarrúas inesquecible, animando aos presentes a cantar e dar uns paseos. Un home orquestra con percusión, acordeón, serrucho e game boy fan dá Musicleta unha festa na rúa animando as vilas con música e humor.

Pesdelán volve a sorpréndenos cun novo espectáculo: Na Palma da Man.

Tras o éxito de "Na Punta do Pé", o redor do baile de Galicia e Portugal, e "Entroidanzas", cunha escolma de bailes de Entroido do mundo, Pesdelán quere agasallarnos nesta nova proposta, cos bailes e danzas máis divertidos da Península Ibérica. Pai Paulino (Galicia), Galandún (Portugal) o Txulalai (País Vasco) son algúns dos nomes dos bailes que conforman este espectáculo, que como non podía ser doutro xeito, vai dirixido ao público familiar.

Autoría e adaptación: Laura Sarasola e Juan Rodríguez

Elenco: Suso Jalda e Juan Rodríguez

Caramuxo teatro presenta unha adaptación do conto clásico Xan e as fabas máxicas nunha clave máis contemporanea, misturando o teatro de actor e monicreques. 

Xan e a súa avoa vivian nunha pequena casa co único que tiñan, unha vella vaca chamada Flora que xa non daba leite. Un día Xan cambiará a súa amiga Flora por unha fabas moi especiais e ahí comezará unha fantástica aventura...

"Nono", un inocente clown que fará viaxar ao público polo seu mundo de fantasía, un mundo no que tentará mostrar os seus mellores trucos de malabares aínda que os problemas aparezan en cada esquina, aínda que ao final, sempre se acaban resolvendo con moito humor.  Podendo gozar de incríbles malabares, unha pelexa encarnizada cun mosquito, a aparición do seu inseparable amigo o mono, un combate de boxeo, e moito máis.
Todo isto, nunha combinación de mimo, malabares, manipulación de marionetas, clown e un mundo sen palabras.

Presentación do disco Xanelas

Músicos: Iria Estévez (Voz), Gonzo Piña (Guitarra), Paco Dicenta (Contrabaixo), Isaac Garabatos ( Bouzouki, Viola e Caipira)

Unha proposta innovadora en formato acústico e minimalista que recorre o repertorio tradicional de A Roda, ao tempo que achega as novidades que musicais do grupo no 2021.

Este é un espectáculo de A Roda en solitario para presentar o novo disco "Camiño da Igualdade"

Suso Vaamonde e Xosé Lois Romero presentan unha completa viaxe a través das ferramentas da tradición musical de Galicia: os instrumentos populares galegos.

Iago e Peregrina teñen unha misión...Protexer o Camiño de Santiago.

A ela gústalle a fotografía a el debuxar. Xuntos percorrerán os camiños de Santiago para contar e dar conta do seu estado. Debuxaremos, contaremos e musicaremos esta historia de amor , aventuras e amor pola nosa cultura.

Elenco: Polo Correo do Vento , Enrique Mauricio e Carlos Taboada, e Antón Ke.

Iago e Peregrina teñen unha misión...Protexer o Camiño de Santiago.

A ela gústalle a fotografía a el debuxar. Xuntos percorrerán os camiños de Santiago para contar e dar conta do seu estado. Debuxaremos, contaremos e musicaremos esta historia de amor , aventuras e amor pola nosa cultura.

Elenco: Polo Correo do Vento , Enrique Mauricio e Carlos Taboada, e Antón Ke.