A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
O grupo Galego ASTAROT (Cangas do Morrazo) fúndase no ano 1983 por catro rapaces dispostos a tocar versions heavys nos locales que daquela eran a cuna do rock na comarca do Morrazo, esa formación durou uns meses quedando só o fundador Carlos Gandón.
En decembro de 2017 o grupo lanza o seu novo traballo discográfico: UNA VIDA EN UN SEGUNDO. Para esta ocasión conta con colaboracións estelares, como a de Alberto Cereijo (Los Suaves).
Elenco: Jorge Casas, Montse Piñón, Pepablo Patinho
Tres Chefs amosan unhas sinxelas receitas de cociña ao público. Pero o sinxelo pode ser tremendamente dificil; e o divertido, pode ser moi perigoso... Explosións, tortazos, persecucións, sustos, malos entendidos... ingredentes para unha comedia tola!
Ghazafelhos propón este ano en clave de clown Bon Apetitt para escachar coa risa de principio a fin.
Un pirata, un xogador de futbolín, unha bailarina de caixiña de música e un único desexo: xogar sen límites para medrar sen "medidas".
Ghazafelhos e María Canosa propóñennos reflexionar sobre a igualdade de xénero, o cambio de roles ou os estereotipos sociais.
A cabalo do conto Iriña Bailarina de Cristina e Paloma publicado dentro da colección "A Igualdade conta" por Edicións Embora, Teatro dos Ghazafelhos leva a cabo un contacontos dramatizado onde o público ten a última palabra.
Un espectáculo a medio camiño entre a maxia e o contacontos dirixido polo Premio María Casares Avelino González. A través da maxia e do clown cóntase a lenda de Brancaflor. Os 11 pretendentes de Brancaflor asócianse con cadanseu xogo de maxia e ela terá que seleccionar ao seu namorado ao longo dunha hora de maxia, contos e humor para grandes e pequenos. Os Sete Magníficos máis Un propoñen un espectáculo de animación á lectura dun xeito distinto: a partir de sinxelos xogos de maxia, do clown, da participación do público e da marabillosa tradición narrativa galega.
A actriz Saleta Fernández, protagonista de montaxes como Supergalácticos ou O Valo, convértese en Eva, a rapaza protagonista destas historias, para narrarnos unha serie de marabillosas aventuras xurdidas do maxín de Mª Victoria Moreno. Contos que, aínda que escritos para rapaces e rapazas, a miúdo acaban sendo historias para todos os públicos, xa que amosan as cousas tal e como son e, en moitas ocasións, conseguen expresar o máis agochado de nós.
Unha creación máxica, surrelista e con ilusións en "modo individual e a dúo".
Xornais que cobran vida, cordas sorprendentes, froitas, cabinas espiritistas doutra época e moito máis xeran a trama dun acto cheo de gags visuais, diálogos apegados ó sorriso e prestidixitacións sorprendentes.
Espectáculo de maxia, humor e participación dos espectadores, composto para ollar outras realidades.
Fani Triana ofrece un espectáculo de maxia no que propón unha viaxe fabulosa a través dos sentidos.
Ilusións con cordas, cadeiras, xornais, líquidos, mentalismo, participacións dos espectadores, humor e moito máis.
Trátase dun espectáculo cun guión cargado de situacións inesperadas e unha montaña de sorpresas imprevisibles. Un espectáculo para ollar e gozar.
Despois dun longo silencio trala publicación de Entre dous mares, Rosa retorna con Nada que perder. Nel experimenta cos lindes da world music sen clixés nin estereotipos que a deteñan, logrando un disco cheo de luz onde as súas propias composicións son a mellor mostra da atmósfera persoalísima que só Rosa pode chegar a crear
Actuación dentro do ciclo de programación Cultura no Camiño.
Vero Rilo presenta a súa nova compañía de contos para público infantil. Acompañada da acordeonista Sonsoles Penadique faránnos chegar fermosas historias contadas coa incrible capacidade de narrar de Vero e a dozura musical de Sonsoles.
No Pozo das Señoras falaremos de historias ben sorprendentes protagonizadas por mulleres e fiadas por pequenas correntes de auga e emocións.
O grupo fórmase a principios do ano 1996 e ten como obxectivo facer un especial de AC/ DC.
Despois todos os integrantes seguirían cos seus respectivos grupos.
Esta primeira actuación deu que falar no ambiente rockeiro ferrolán, e o teléfono empezou a soar de diferentes locais da zona, para ver se podían repetir o devandito concerto.
