A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Mesturando a tradición do títere galego coa europea, Viravolta Títeres recolle cinco situacións que resolve dun xeito que incomoda ao Demo ao ver o seu inferno cheo de personaxes que non lle son gratos
Espectáculo baseado na investigación que a compañía fixo sobre a figura de Barriga Verde e o títere tradicional galego.
Preséntase como unha homenaxe ao Barriga Verde que a familia Silvent representou por Galicia na primeira metade do século XX.
Espectáculo cunha selección de poemas musicados de escritores galegos, entre os que se encontran Rosalía de Castro, Castelao, Manuel María ou Uxío Novoneyra.
Uxía: voz.
Sérgio Tannus: guitarra e viola caipira.
Santi Cribeiro: acordeón.
Isaac Palacín: percusión.
Esta banda de música infantil recolle os clásicos populares galegos dándolle o seu toque particular, dende A Carolina “rapeada” ata O Jato “rockeiro”,…pasando por outros moitos temas tradicionais, todos eles moi dinámicos, facendo que todos os nenos e nenas presentes sexan partícipes deste “des-concerto”, cheo de bailes, xogos, coreografías e algunha que outra sorpresa!
Elenco: Pedro Brandariz Gómez
Familia? Non grazas é un espectáculo no que o monologuista, Pedro Brandariz, analiza dunha maneira cómica as relacións familiares que se dan entre as fillas e fillos e as nais e os pais, e tamén coas avoas e avós, as irmáns, os curmáns, a familia de lonxe, a familia de cerca … Todo esto dende un punto de vista humorístico e teatral que provocará as gargalladas do público.
Todas as persoas vivimos no seo dunha familia, máis grande ou máis pequena, polo cal a identificación coas historias que narra o "noso contador de historias" será total.
Pablo Trasno é un dos maiores referentes do Novo Circo Galego e un dos seus artistas máis completos e aclamados. Con máis de mil funcións nas súas costas e experiencias en escenarios de España, Portugal, Reino Unido, India, Rusia, Cuba, Arxentina, Francia, Bélxica e Brasil.
Show de rúa para o programa Cultura no Camiño.
Un espectáculo para público infantil e familiar no que a parella de clowns Pedro Brandariz e Fran Rei recrean números cómicos a través das ferramentas habituais de Os Sete Magníficos máis Un: a improvisación, a actitude de risco, a sinceridade do pallaso, a humildade do comediante e, sobre todo, a dignidade clown para saír das situacións máis complicadas.
A danza dos Paxaros é un espectáculo de animación de rúa formado por seis actores e actrices e un actor principal,
Luchi Iglesias, o ornitólogo que dirixe a esta particular bandada no seu danzar. Acompañados da música,
das súas vistosas vestimentas e sobre todo de moito humor e moito ritmo, os paxaros percorrerán as rúas, a
praza ou o espazo que se lles dispoña facendo bailar a todos e todas as presentes.
Brinca Vai! 2.0 é un espectáculo musical e audiovisual baseado no libro-cd-dvd “Brinca Vai!”,editado por Kalandraka Editora, no que se combinan cancións, imaxes, videos, animacións,
retransmisións en directo e interpretacións cos ritmos e rexistros máis divertidos.
Despois de máis de 100 representacións coas súas dúas anteriores pezas (A Historia de Brancaflor e O Conto de Barriga Verde), o cómico Fran Rei presenta neste 2017 A Galiña Azul, un espectáculo creado a partir da popular obra infantil de Carlos Casares (Letras Galegas 2017), publicada en 1968, despois de gañar o 1º premio do Concurso nacional de Contos Infantís O Facho.
Sinopse: Simbad retirouse do mar vendo a imposibilidade de seguir vivindo da pesca. Leva tempo pensando que facer e realizando no seu taller maquetas de barcos onde bota de menos o mar. Venadita, a súa veciña e amiga, é unha mariscadora que sae ao mar todos os días e tenta convencelo sen éxito.É unha muller disposta, forte e que non pensa renegar do seu medio de vida. A pesar da súa insistencia non conseguiu convencer ao seu veciño e amigo Simbad. Un día Venadita aparece no taller de Simbad convertida en serea.
