Cultura no Camiño

A Maxia do Mago Rafa afástase da maxia máis convencional. En todos os seus espectáculos hai varios denominadores en común: humor, tenrura, unha excelente técnica interpretativa, unha fantástica selección musical, unha escenografía moderna e espectacular e maxia moi orixinal e impactante que comunica a través do absurdo e do cotián.

Moitos definen os seus espectáculos como "A Maxia diferente, a próxima e a de verdade".

Este espectáculo realízase en formato Gala e Rafa conta coa colaboracion de magos de recoñecido prestixio Internacional.

“Empanadilla da casa” é un espectáculo onde se combina a música ao vivo do álbum “Zaragallada”, de “Banda Migallas” con sketchs humorísitcos a cargo da actriz María Campos, de “Migallas Teatro”. http://migallas.gal/o_cantante_e_as_mulleres

Dirixida por Avelino González, a partir de textos de Roi Vidal e Xurxo Barcala, e cos cómicos Fran Rei e Isabel Risco á fronte, Dous no Camiño foi creada especificamente para a programación do Xacobeo  Vive o Camiño 2017.

A proposta para este concerto é un interesante programa de Música Latinoamericana ou con influenzas da mesma, e está composto por diversas pezas orixinais e tamén adaptacións para a

formación.

Programa moi recomendable tanto para espazos pechados como ó aire libre, e para todo tipo de público. Os ritmos das danzas populares como o tango ou o danzón mestúranse con outros estilos

e épocas (impresionismo, jazz, etc.), resultando un programa con música moi sinxela de escoitar pero á vez extremadamente variada e rica.

O grupo A Quenlla créase no ano de 1984 por dous membros fundadores e escindidos do grupo Fuxan os ventos que deixaran no ano 82. Ao longo da súa traxectoria de concertos e gravacións, con distintas formacións evolutivas, contan con traballos e proxectos levados a cabo para a dinamización da cultura tradicional e de autor dentro dos vieiros da nosa música. Ao longo dos anos foron moitos os concertos, charlas didácticas e encontros levados adiante por un grupo de mulleres e homes que tiñan a teima da concienciación social na honra e orgullos do Noso.

Elenco: Patricia Vázquez e Rebeca Montero

Sharon, unha ama de casa de cincuenta e pico anos e recentemente divorciada, publica un anuncio para compartir a súa casa no corazón do rural de Iowa.

Gaela de Breana anda pensativa e silenciosa. O druida da aldea de Altair logra que a nena lle conte a súa preocupación: Ela tamén quere ser druida!

O mestre négase en rotundo: "As nenas non poden ser druidas. Iso é cousa de homes"

Esta resposta, lonxe de calmar as ansias da nena, convencea para seguir o seu fado. Terá que demostrar que ela pode ser o que desexe se pon empeño, superando divertidas e emocionantes probas para conseguir a súa capa branca.

Existiu hai moito tempo, en Galicia, unha aldea chamada Veromundo, estaba chea de lendas que se escondían nas covas e mámoas de pedra. Este lugar desapareceu co paso do tempo, ninguén se lembra xa do seu nome.

Pero, de cando en vez, sen previo aviso “aparece” diante dos nosos ollos un cova de Veromundo, na que habita unha moura, unha sabia, unha encantada que conta o que non está escrito empregando para iso os petróglifos que rodean a súa morada.

Monólogo "Made in Galicia" no que nos embarcaremos nunha viaxe ao pasado para lembrar as desventuras dun galego calquera que nos traerá á memoria un bo feixe de costumes, ditos, xogos, cantigas e outras lerias que nos farán matinar no moito que cambiaron as cousas dende aquela... do moito que cambiaron ou no.

O lume e maxia combínanse neste espectáculo para achegarnos un pouco máis ós misterios da nosa Galicia máxica. Ó rematar recitarase o conxuro da queimada facéndonos viaxar no tempo cun ambiente cheo de intriga e misterio.

(15 LITROS DE AUGARDENTE)

MISTERIO

LUME

MAXIA

Elenco: Manuel Castro e Fausto Domínguez