Cultura no Camiño

Sumrrá son Manuel Gutiérrez ao piano, Xacobe Martínez Antelo ao contrabaixo e LAR Legido á batería. Nos algo máis de 18 anos que levan xuntos, deixan atrás concertos por cinco continentes, posicionándose coma un dos tríos de jazz estatal máis importante.

Neste 2018 están presentando o seu sexto disco, 6 Mulleres, adicado a seis mulleres referentes da loita feminista en todo o mundo.

Sen dúbida o seu disco máis internacional (lanzado e producido polo selo neoiorquino Clermont Music) chega no momento de maior visibilidade e recoñecemento da banda

O espectáculo é un divertido concerto de pop electrónico infantil con vontade didáctica no ámbito da gastronomía e da alimentación.

En Cociñando Música un particular Capitán Garfo prepara un nutritivo e divertido menú musical co que @s nen@s aprenden de forma sinxela e motivadora uns bos hábitos alimentarios, a importancia dun almorzo saudable, a poñer unha mesa ou a facerse amig@s das verduras e das ensaladas.

O dragón deste espectáculo non é un dragón do común, trátase do derradeiro da súa especie.

Baixo unha estrutura clásica, relendo e inspirándose en autores como E. Nesbit ou Kenneth Grahame, constrúese unha brincadeira na que nada é o que parece. En tempos de cabaleiros, a princesa Celia, o seu amigo Telmo, príncipe interino, e o dragón protagonizan unha historia de amizade, reivindicando o pacifismo e a tenrura como fómula ideal para relacionarse.

Autora e directora: Fina Calleja

Fernando Dacosta como chambelán e o neno Telmo  

Uxía é unha boneca abandoada nun faiado. Un día Gato despértaa e Uxía proponlle xogar. Pero Gato é un gato de faiado e non sabe xogar.  Gato e Uxía comezan a xogar, a compartir, a inventar un mundo novo. A esa festa súmanse os ratos e máis os pardais.

Cecilia recibe unha carta moi especial dende o país dos bonecos. Ingrid, a súa boneca, está atrapada e precisa axuda para convertese en humana.... "Só por amor doutra humana conseguirás abrir as portas que te conducirán á liberdade..."

Mestura Máxica é unha proposta de diferentes tipos de maxia deseñado e pensado para levar diferentes tipos de espectáculos a diferentes  lugares do concello como  poden ser auditorios, casas da cultura, bibliotecas,  colexios ou incluso prazas e rúas.

Un total de  catro actividades compoñen esta mestura que encherá de maxia a vila.

Paco Cerdeira vén de lanzar en decembro de 2017 o seu primeiro libro-disco en solitario Pakolas, nome co que se presenta ante o público infantil, eido no que o músico conta con longa traxectoria. Este novo traballo musical para os mais peques é no que se basea este espectáculo, editado pola Editorial Galaxia, na súa colección Sonárbore, en colaboración co Colexio Profesional de Logopedas de Galicia, e conta na edición coas ilustración de Laura Romero.
 

Trátase dunha comedia musical na que se revisa o conto tradicional de O gato con botas.

Recuperando a figura orixinal da gata, o Herdeiro recibe do seu finado pai un circo en bancarrota. Os artistas e músicos abandonana ao Herdeiro porque non lles paga. Don Casio reclama tamén a hipoteca do circo.

A gata, máxica por calzaren uns zocos, converterá ó Herdeiro no Marqués de Carabás...así será como os músicos e artistas, enfeitizados, regresan ó circo e a débeda ficará anulada. MIAU!

Mari Gesta, é un personaxe inspirado en Mary Poppins.

As súas estravagancias fan rir aos nenos, mais tamén aos maiores. Vive no monte, adora os toxos e as xestas e posúe unha maxia especial que a leva a sacar cousas máxicas da súa sacola.

Un espectáculo a medio camiño entre o musical e o contacontos, tinguido de seres marabillosos que acompaña a esta peculiar muller.

A banda da loba está integrada por cinco mulleres que decidiron unir as súas traxectorias individuais para dar voz a este novo proxecto: Xiana Lastra (voz), Marcela Porto (percusión), Andrea Porto (baixo e guitarra), Inés Mirás (guitarra e teclado) e Estela Rodríguez (violín).

Destaca a creación dun repertorio propio baseado en cancións da súa autoría como en musicalizacións de poetas como Celso Emilio ou Manuel María ou outros textos tomados dos poemarios de poetas máis novas como Rosalía Fernández Rial ou Celia Parra.