Cultura no Camiño

Este é o maior espectáculo de maxia cómica de tódolos tempos: Le Cirque, de François Lafayette. Un espectáculo inspirado tanto nas liñas de teatro clásico coma as correntes actuais, pero cun enfoque innovador e característico.

Durante milleiros de anos, os alquimistas, nómades con grandes coñecementos nas matemáticas, na física, na química, na astroloxía e incluso no ocultismo, viaxaron cos seus laboratorios ambulantes por todos os lugares do mundo cun obxectivo concreto. Ese obxectivo era atopar a Pedra Filosofal.

O soño dos alquimistas era dominar a natureza , o lume, e finalmente o tempo.

Marcos Pereiro é todo un camaleón do humor e do audiovisual en Galicia.

Novo traballo do contrabaixista galego, neste caso en formación de trío, articulado sobre composicións orixinais de Xacobe. Todas as composicións, así como a produción, corren a conta de Martínez Antelo, que controla todos os cabos. O que noutras formacións, como Sumrrá, se adiviña que pode vir da súa achega, aquí queda perfectamente definido. Ten Martínez unha pulsación potente que lle gusta coordinar perfectamente coa batería, que produce continuamente unha sección rítmica implacable, denominador común do chamado jazz nórdico (non de España senón de Europa). 

Elenco: Lines González e Lara Manzano

Así é como transcorre un día na vida dun can, pero non dun can calquera. Trátase dun can moi especial que pertence a esa raza mítica, lendaria e con máis prestixio de todas, a de Palleiro.

Este can é Duncan de Palleiro, o príncipe das corredoiras.

Duncan leva unha vida sinxela ao carón do seu amo Aurelio e dos seus amigos, veciñas de sempre, nunha vila pequeniña e fermosa no medio das montañas chamada Óubidos, da cal se sente moi fachendoso.

A proposta de Contos e historias das árbores do Camiño Portugués busca poñer en valor a través dunha sesión de narración oral e unha animación de rúa a importancia de protexer o patrimonio forestal e natural desta contorna afectada por graves riscos como poden ser os incendios forestais ou as pragas, tentando que o público, dun xeito lúdico e pedagóxico, coñeza algunha das historias que gardan freixos e bidueiras, carballos e castiñeiros, nogueiras e sobreiras.

O contacontos Anxo Moure levará a batuta, e Servando Barreiro porá a música.

Fernando  Esclusa á voz e á guitarra, (ex Guru Deva), Jose Juan Romeu “Xota”, voz e baixo eléctrico (ex Os Satélites) e Adrián Seijas (Misteriosa Viaxe a Holanda, Pardo, Carlos  Childe) á batería, proxectaron as súas obsesións musicais cara á década dos sesenta. Con todo, e ante as múltiples peticións doutros repertorios para infinidade de veladas e festas de gardar decidiron sacar este coidado setlist, eminentemente rockeiro, para os amantes do legado do rock hispano dos anos 80.

Pepe Vaamonde Trío, como o seu nome indica, é o formato reducido da banda Pepe Vaamonde Grupo, mais nace tamén cunha clara idea musical.
O seu repertorio nútrese dos catro traballos discográficos da banda, inda que facendo unha escolla de temas fondamente encamiñados ao baile tradicional. Son músicas, polo tanto orixinais pensadas para ser bailadas nun claro entorno foliadeiro.

PVTrío está composto por Miryam González ao acordeón, Pipo Alvariño á guitarra e voz e Pepe Vaamonde na gaita, frauta e voz.

Ola, chámome Alberto, son buhonero, mercachife, ou quincalleiro, comunmente coñecido como vendedor ambulante, e veño de terras moi lonxanas a ofrecerlles os meus productos, todos de primeirisima calidade: cordas , sedas, coladores , calcetins,...etc    e sobre todo moita ilusión.

Así comeza este    espectáculo baseado no gremio dos vendedores ambulantes, pódese adaptar a toda clase de festivais, sexan medievais , artesanos , festas patronais,...etc  e sobre todo con moita maxia.

CAMIÑOS é a nova aventura de Magín Blanco, un dos mellores músicos e compositores de Galicia adicados ao publico infantil e xuvenil.

Neste fermoso e completo traballo, Magin xunto ao ilustrador Leandro Lamas, presenta un libro-disco e un espectáculo musical, no que inicia un novo camiño cheo de aventuras e misterios.

CAMIÑOS convértese nunha viaxe e un lugar de encontro e descubrimento para os nenos e as nenas.