Visita guiada/Roteiro

Co gallo da celebración do Día Internacional dos Arquivos, organízanse xornadas de portas abertas co obxectivo de dar a coñecer o Arquivo de Galicia á cidadanía mediante un percorrido polas súas instalacións e unha explicación dos documentos que nel se conservan co apoio dunha representativa mostra documental do arquivo da Real Sociedade Económica de Amigos do País de Compostela.

Mais información no teléfono 881 999 665 ou no enderezo electrónico do arquivo: arquivogalicia.cultura@xunta.gal

A sede do Centro Dramático Galego (CDG) no Salón Teatro de Santiago acolle unha xornada especial de portas abertas co gallo da conmemoración do Día das Letras Galegas, que este ano se lle dedica a Manuel María. Con tal motivo, a carteleira do edificio lucirá ademais unha cita do escritor chairego, xunto coa información práctica da actividade.

O COAG (Colexio de Arquitectos de Galicia) de Santiago de Compostela, colabora cos oito museos no DIM dirixindo unha ruta arquitectónica que percorrerá desde o barrio de San Lázaro até a zona vella de Santiago.

A Cidade da Cultura convídavos a descubrir o Bosque de Galicia a través duns percorridos guiados que permitan coñecer máis polo miúdo a nova área verde de Compostela.

Partindo dun dos accesos situados na Avenida Diego Bernal, os visitantes percorrerán parte das 24 hectáreas do Bosque de Galicia a través da rede de sendas creadas para gozar da contorna e descubrirán a nova cara de Santiago de Compostela. Con zonas de descanso e un fermoso mirador no alto, o Bosque de Galicia ofrécese como unha nova área na que gozar da natureza e dos hábitos de vida saudables.

Podemos ler na biblioteca, na casa, na escola, no campo ou na praia; podemos ler sentados/as, deitados/as e mesmo atrevérmonos a ler facendo o pino. Pero nós leremos de pé e camiñando. Unha ruta literaria para coñecer a vila e gozar con fermosos versos mentres paseamos. Poemas de escritores e escritoras galegas, dende Rosalía de Castro ata a actualidade, pasando por Miguel González Garcés, María Mariño, Avelina Valladares, entre outros. Unha ollada histórica á poesía galega, pero tamén unha ollada diferente ás rúas polas que pasamos todos os días e, como non, un momento lúdico.

Hai moitas formas diferentes de pasear por unha cidade. Nesta ocasión, e na Coruña, siguen a facelo a través de paseos pola Coruña da man das propias escritoras e escritores que elaboraron obras ambientadas na cidade herculina: Manuel Rivas, Estíbaliz Espinosa, Yolanda Castaño e Pedro Feijoo.

O sábado 2 de abril, en colaboración coa AELG (Asociación de Escritoras-es en Lingua Galega), retómanse estes paseos que xa se iniciaron en 2014 e que tanta demanda tiveron entre a cidadanía.

Calendario:

O Parque Arqueolóxico da Cultura Castrexa alberga un dos xacementos castrexos máis impoñentes do noroeste peninsular: o castro de San Cibrao de Las, o cal sorprende pola súa monumentalidade así como polo seu excelente estado de conservación. 

A visita guiada é de de aproximadamente 70 minutos de duración. Con ela percórrense o Castro de San Cibrao de Las acompañados e acompañadas de guías especializados, parando naqueles puntos de maior interese para a comprensión deste xacemento.

Horario de visitas:

TEMPADA BAIXA

Co fin de lles render homenaxe aos usuarios e usuarias, parte imprescindible deste servizo a prol da extensión da lectura e da información, a biblioteca organizar visitas guiadas para quen desexe coñecer os servizos, espazos e coleccións das bibliotecas. Estas visitas prolongaranse durante toda a semana, ás 10:00 e ás 16:00 horas, previa inscrición.

Co fin de lles render homenaxe aos usuarios e usuarias, parte imprescindible deste servizo a prol da extensión da lectura e da información, a biblioteca organiza visitas guiadas para quen desexe coñecer os servizos, espazos e coleccións da biblioteca, no Día do usuario/a. 

Con motivo do Día do usuario*a, a Biblioteca Pública de Santiago convida a todos os seus lectores e lectoras a participar nas actividades conmemorativas previstas nas bibliotecas públicas da Xunta de Galicia: 

- Nomeamento de Socios de Honra
- Incremento do número de obras que se poden levar en préstamo durante este día
- Visita guiada ás 12:00 h, aberta a todo o público que desexe coñecer os servizos, espazos e coleccións que ofrece a biblioteca.