As visitas guiadas ao xacemento articúlanse ao redor dos puntos de maior interese para a comprensión desta cultura e, en concreto, deste poboado: murallas e sistemas defensivos, área de vivendas e organización urbana, espazos públicos e ámbito doméstico, etc.
Horarios de martes a venres:
Mañá 12: 00h
Tarde 16: 00h
Horarios da fin de semana:
Mañá 12: 30h
Tarde 17: 30h
A Cidade da Cultura convida a descubrir unha nova cara da exposición Camiño. A orixe ao caer o sol a través das Nocturnas, visitas nas que aprezar outros matices e riquezas da arte xacobea.
A luz inflúe nas pezas e nunha montaxe contemporánea que ao solpor se volve máis atractiva e acentúa a súa cara máis misteriosa. Nun percorrido guiado directamente por responsables do proxecto expositivo, recrearase a noite na que o eremita Paio atopou no Libredón os restos do Apóstolo e emprendarase unha viaxe a través de séculos de Historia e Arte.
Descobre a maxia das estrelas e as noites de Compostela na Cidade da Cultura. O complexo do Gaiás acollerá un ano máis as sesións de observacións astronómicas, nas que poder poderá gozar das estrelas e da arquitectura do complexo a un mesmo tempo.
Arte, Historia, Natureza e un estilo de vida saúdable. Estas son as catro claves do Camiño ao Gaiás 2015, co que a Cidade da Cultura e a Fundación USC Deportiva convidan a todos os composteláns e a todos os visitantes a descubrir unha nova cidade.
Profesionais procedentes de diversos ámbitos da cultura e a arte dan a súa visión de cada unha das exposicións temporais que se presentan no CGAC.
Ramiro Ledo. Montador, cineasta e socio traballador de NUMAX, S. Coop. Galega, onde dirixe a programación e a xestión do cinema NUMAX guiará ao público pola exposición Val del Omar. La mecamística del cine.
Visita guiada ás instalacións do arquivo e a exposición "Pontes, pontigos e pasares", unha escolma de fotografías dos fondos do arquivo.
Visitas guiadas ás instalacións do arquivo e á mostra sobre o legado franciscano que se conserva no arquivo, co gallo da celebracion durante toda esta semana do Día Internacional dos Arquivos (9 de xuño).
Máximo: 20 persoas.
Xornada de portas abertas e visitas guiadas ás instalacións do arquivo e á mostra: "Documentación sobre a industria da pesca, salgado e conserveira" escolma de documentos que sobre o tema se conservan no arquivo, co gallo do Día Internacional dos Arquivos, que se festexa o 9 de xuño.
Inscrición previa. Máximo 20 persoas.
Visitas guiadas ás instalacións do arquivo e a mostra dunha selección de documentos de interese, co gallo do Día Internacional dos Arquivos, o 9 de xuño.
Todos os sábados estades convidados a subir ao Gaiás e contribuír á construción do Bosque de Galicia, a nova zona verde de Santiago de Compostela. En dúas quendas -10 e 11:30 horas- e organizados en grupos de 25 persoas, os participantes farán un percorrido polo Bosque de Galicia e coñecerán de primeira man todos os aspectos ambientais e paisaxísticos do proxecto, para logo poñer o seu grao de area e contribuír á súa construción coa plantación simbólica dunha árbore.
