Mediante percorridos temáticos búscase achegar o patrimonio cultural e natural de Ourense dunha forma innovadora e inclusiva, presentando a importancia de investigalo, conservalo e coñecelo como testemuño do pasado, materialidade do presente e garantía do futuro.
Coñecer a biblioteca, os seus recusos e servizos. É preciso a inscrición previa na biblioteca ou chamar por teléfono. Martes e xoves ás 16:00 horas.
Antes do concerto de Xoán Curiel, que clausura o ciclo Espazos Sonoros faise unha visita ao poboado mineiro de Fontao da man da historiadora Encarna Otero Cepeda, directora do documental A luz do negro. O volframio da Brea e o poboado do Fontao, producido polo Consello da Cultura Galega, e coñecedora, en profundidade, da memoria do que foi a vida arredor das minas da Brea.
Lugar: na praza, xunto ao cine do poboado.
Para os participantes ao obradoiro de achegamento á música antiga, co que finalizan estes talleres de Espazos Sonoros está prevista unha visita na que teñen a oportunidade de percorrer as diferentes salas e dependencias do pazo, os xardíns e as construcións adxectivas que completan este singular conxunto.
A Visita, guiada pola Asociación Santa Mariña de Augas Santas para Espazos Sonoros, comeza no exterior da cabeceira do templo románico cunha contextualización histórica e artística da antiga igrexa colexial, e continúa polo interior do templo románico onde, segundo a tradición, repousa o corpo de santa Mariña. A continuación, os participantes camiñan cara ao “forno da santa” e baixan polo camiño que leva á aldeíña de Armeá.
Durante o mes de agosto, os visitantes que se acheguen á Cidade da Cultura de Santiago de Compostela teñen a oportunidade de realizar unha visita guiada ao Arquivo de Galicia e á exposición O Arquivo de Galicia, o noso patrimonio.
Os arquivos son compoñentes insubstituíbles do Sistema de Información de calquera sociedade. Con estas visitas, preténdese que acceso aos arquivos promova o coñecemento e salvagarde valores democráticos como o libre acceso á información.
Para coñecer a biblioteca e os seus servizos. Os martes e os xoves.
Unha oportunidade excepcional para coñecer a cultura castrexa a través dunha actividade que combina arqueoloxía e astronomía, observando o ceo estrelado no entorno privilexiado do Castro, durante a chuvia de estrelas coñecida como bágoas de San Lourenzo.
Coa entrada ao Centro de Interpretación de Campo Lameiro, os visitantes poden gozar dos petróglifos en compaña de profesionais, que lles facilitan información sobre o que están a ver neste espazo arqueolóxico.
Para participar nesta visita guiada é necesario reservar previamente. Ademais das 12:30 horas, ao longo do día organízanse outras dúas sesións máis: ás 17:00 h e ás 18:00 h.
O complexo do Gaiás acolle un ano máis as sesións de observacións astronómicas, nas que poder gozar das estrelas e da arquitectura do complexo a un mesmo tempo.
A través de telescopios e prismáticos, e seguindo as explicacións técnicas dos monitores do Observatorio Astronómico Ramón María Aller, os participantes observan a lúa, planetas, estrelas dobres, nebulosas… Ademais, coa axuda dun planisferio, aprenden a identificar as constelacións a simple vista. Unha oportunidade única de coñecer a cara quizais menos coñecida e máis misteriosa da Cidade da Cultura.
