Visita guiada/Roteiro

Polo Día do Libro, este ano vamos percorrer Ourense á par da historia da escritura e do libro. Ao longo do paseo descubriremos os distintos “libros” que foron aparecendo ao longo da Historia, como e onde podemos hoxe encontralos, porémoslle cara a esas persoas que fixeron dos libros a súa forma de vida, e coñeceremos a historia libreira de Ourense, incluída a primeira imprenta de la ciudad.

Para asistir a esta actividade é necesaria a inscrición previa que pode facerse a partir do venres anterior ben presencialmente ou chamando aos números de teléfono 988 788385/ 386.

Un percorrido pola Ourense do cambio de século, do XIX para o XX, a través do seu desenvolvemento urbanístico coa incorporación das novas formas arquitectónicas. Desde as últimas obras asinadas por Queralt até a década de 1930. No percorrido descubriremos algunhas das referencias da arquitectura  modernista en Ourense, con especial mención, entre outros, aos deseños de Daniel Vázquez-Gulías e Manuel Conde Fidalgo.

Este mes descubriremos Ourense a través das páxinas da Esmorga a obra mestra de Eduardo Blanco Amor.

Nesta ruta literaria mergullámonos nos escenarios da novela, recreando a viaxe nocturna de Cibrán, Bocas e Milhomes polas rúas e recunchos da cidade. Un percorrido que conecta a ficción coa realidade, desvelando as claves culturais, sociais e urbanísticas do Ourense que inspirou ao autor.

Únete a este percorrido para experimentar Ourense como nunca: entre a realidade e a ficción de A Esmorga.

Visita aberta ó público na que se amosará a organización da comicteca e se introducirá na historia do cómic.

Inscricións na biblioteca e no 988788385 ou no 988788386.

O Museo de Belas Artes da Coruña inicia unha serie de visitas didácticas tituladas ‘O museo a fondo’ coas que propoñen deternos nunha obra procedente dos fondos do museo para descubrila cunha mirada atenta. 
  
Nesta ocasión escóllese “A artista”, do pintor palentino Serafín Martínez del Rincón y Trives. Unha pintura do século XIX que recentemente se incorporou ao Museo de Belas Artes como depósito do Museo del Prado e que pode verse na Sala 4.

Xoves e sábados ás 18:30 horas
Inscrición previa

Paseo que celebra a Concha Castroviejo, a máis grande escritora que deu Compostela no S.XX, segundo o xornalista Borobó. Concha Castroviejo foi unha muller pioneira no xornalismo compostelán e na crítica literaria a nivel estatal, alén de exiliada do franquismo, defensora da regulación do divorcio, narradora das atrocidades das que é capaz o ser humano, animalista e pensadora de utopías.

Este segundo roteiro do mes céntrse nas figuras das mulleres de Nós. En 1920 nace na cidade unha revista cuxa cabeceira dará nome a toda unha xeración de intelectuais, Nós. Nesta ocasión imos poñer en valor ás mulleres que, aínda que en menor medida, fixeron a súa contribución a esta publicación e estiveron esquecidas por moito tempo. 

Inscricións dende o venres 20 de marzo ben presencialmente ou chamando aos números de teléfono 988 788 386/386.

O punto de encontro será a Biblioteca Pública de Ourense Nós

Este xoves, e no mes do Día da muller traballadora, os roteiros guiados están centrados nas figuras das mulleres. Nesta tarde veremos a historia da cidade a través das mulleres que poboaron e construiron o Ourense actual.

Inscricións dende o venres 20 de marzo ben presencialmente ou chamando aos números de teléfono 988 788 386/386.

O punto de encontro será a Praza de Saco e Arce.

O urbanismo e a arquitectura contemporánea seguen sendo os grandes descoñecidos da cidade de Santiago de Compostela. O obxectivo desta actividade é animar á cidadanía para ir máis aló da Compostela monumental para pasear, descubrir e gozar tamén dunha paisaxe arquitectónica actual e en constante cambio.
Nesta ocasión e, respondendo á demanda do público, reeditamos varios roteiros de arquitectura realizadas nos últimos anos.

Percorreremos lugares emblemáticos de Ourense e coñeceremos máis da súa historia: As Mercedes, Praza de liberdade e lembraremos a figura de Concepción Arenal (Ferrol, 31 de xaneiro de 1820 – Vigo, 4 de febreiro de 1893).

O punto de encontro para este roteiro será a Fonte de Bispo Cesáreo na Alameda de arriba ás 11.30h

As inscricións poden facerse dende o venres 20 de febreiro ben presencialmente ou chamando aos números de teléfono 988 788385/386