Lo que se permite se repite é unha experiencia colectiva de reflexión que permite detectar a importancia extrema que lle damos ao insignificante e o pouco valor que lle outorgamos ao verdadeiramente importante.
A través da proximidade, da sinceridade, de argumentos contundentes e do seu enxeño, Alejandra consegue mergullarse na intimidade das persoas asistentes, creando unha poderosa conexión de reflexión e humor que che permitirá saír da rutina.
Érase una vez los 80 é un monólogo no que Jorge Santini repasará como se viviu esa década máxica, desde a infancia ata a adolescencia. Jorge tocará temas moi variados: como se vivía en familia, os xogos da época, a televisión, a tecnoloxía, a moda, saír de troula, o primeiro bico... así como algúns momentos históricos dos oitenta.
Un monólogo no que rirás e emocionaraste, cheo de bo rollo e cun punto de nostalxia.
Cleptómago é un espectáculo de maxia extremadamente divertido no que o público será partícipe en todo momento.
Shado é un mago cunha personalidade canalla que fará que o público se sinta como nunha xuntanza entre amigos no Teatro, igual que cando conquistou ao xurado de Got Talent, sendo recordado como o mago máis mítico e cunha traxectoria máis longa desde a súa aparición no programa de Mediaset.
Un home, catro fillos e todo por facer. Andrés non entende por que precisou tantos trebellos para criar os seus fillos cando eran pequenos e por que agora, adolescentes, ningún lle serve... Porque os fillos son para toda a vida, teñen cambios, etapas e estados de ánimo que dan lugar a situacións surrealistas.
Dous matrimonios, adultos e civilizados, atópanse para resolver un incidente protagonizado polos seus fillos pequenos: un deles partiulle dous dentes ao outro nunha pelexa no parque. Nada que uns pais civilizados non poidan resolver. Con este sinxelo argumento, Yasmina Reza compón unha sátira da sociedade contemporánea e fai unha disección, con moito sentido do humor, das relacións de parella, da educación, da competitividade... pero, sobre todo, do exceso de corrección política.
Espectáculo subvencionado pola Axencia Galega das Industrias Culturais
Da man de Mariña coñeceremos a María Visitación Consolación Amadora. Diante de nós, anacos da súa memoria, coma se se tratase de traxes, padróns, arranxos que fixo ao longo da súa vida. Con ela coñeceremos o mundo das costureiras, o que as rodeaba social e economicamente, como foi a súa transformación. Axiña descubriremos que detrás está Lola.
Premio ao mellor espectáculo de monicreques nos XXIX Premios de Teatro María Casares e gañador do XV Premio Barriga Verde de textos para teatro de monicreques 2022, Os contos do Lobicán é un espectáculo de monicreques musical, en verso, áxil e atrevido, destinado a nenos e nenas de entre 3 e 8 anos, que busca darlle a volta aos contos clásicos, ao tempo que transmite unha mensaxe educativa e valores universais como a amizade, a cooperación, o respecto pola natureza, o pensamento crítico e a importancia da imaxinación.
Espectáculo de gran formato para público adulto, con oito actores-músicos que forman unha charanga e interpretan a banda sonora en directo.
Entre o íntimo e o político, a montaxe é un exercicio de memoria histórica arredor da reconversión naval na ría de Vigo. A obra céntrase na peripecia vital do pai do autor, un home que traballou no estaleiro Ascón durante 30 anos. Esta figura sintetiza as vivencias de toda unha xeración, que sufriu o paro polo peche da factoría en 1984 e viviu as mobilizacións históricas que tiveron lugar nos anos 70 e 80.
O humilde piso de Rosa, nun edificio vello no corazón dun barrio popular dunha vila obreira, é o refuxio dunha tribo de catro mulleres maiores organizadas. Rosa, que está nunha cadeira de rodas, e as súas compañeiras Ana, Marga e Susana son operarias xubiladas da industria téxtil e están decididas a preservar a súa independencia. Cando a filla de Rosa, Vitoria, propón trasladala a unha institución médica e vender o apartamento, comeza unha loita entre dúas visións do envellecer ben.
En 1880, o bispo de Ourense denuncia a Curros Enríquez por uns poemas do seu libro Aires da miña terra, un dos piares do Rexurdimento galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
