O Proxecto Territorio de Liberdade é unha coprodución entre a Companhia Certa da Varazim Teatro, o Centro Dramático Galego e Tanxarina Títeres. Coa idea de celebrar os 50 anos da Revolución dos Caraveis en Portugal, e partindo da palabra liberdade, a través dunha serie de preguntas formuladas á comunidade en accións participativas e/ou de escoita, explorarase o concepto de liberdade para diferentes persoas. en diferentes tempos e diferentes territorios.
Corre o ano 1962 en Las Palmas de Gran Canaria. O novo Capitán Xeral Don Pedro e a súa esposa María Luisa Fernández do Campo, a nova responsable da Sección Feminina, chegan a unha Canarias que deben manter baixo control #ante o fervente cristianismo e as normas da ditadura.
Mentres tanto, no recoñecido cabaré Fígaro están a piques de estrear o seu próximo espectáculo: A Voda; unha sátira mordaz contra o réxime franquista interpretada pola exitosa compañía Os Cancán.
Inspirada nos clásicos contos de bruxas e no folclore, esta produción da compañía Katua&Galea Teatro achégache a un mundo misterioso e cheo de perigos, no que tres valentes irmáns desatenden as advertencias da súa nai e penétranse nun bosque escuro onde descobren unha casa na que vive unha bruxa. Alí os tres protagonistas terán que enfrontarse aos seus medos para poder escapar
Frágua de amor, do dramaturgo portugués Gil Vicente, está coproducida polo Centro Dramático Galego xunto a seis estruturas culturais lusas: Escola da Noite-Grupo de Teatro de Coímbra, O Bando de Surunyo, Artway, Cendrev-Teatro García de Resende, Teatro Académico de Gil Vicente e Teatro Nacional São João.
O novo show de ROBERTO VILAR para volver a xirar polos teatros galegos chega despois do éxito conseguido con CELEBREIXON.
Comprar, regalar, enfermar, relaxarse... Todo isto pode ser en grao sumo complexo se ves a vida desde os ollos de alguén, que moitas veces por descoido e outras por curiosidade, fan da súa vida unha autentica traxicomedia.
Todo no código máis honesto e puro, tocando temas de actualidade e cotiáns, no que desde o humor máis sincero e inofensivo buscará crear unha complicidade co público, facéndolles partícipes das súas aventuras e desventuras.
Un espectáculo que non deixará indiferente a ninguén, facendo máis dunha hora de espectáculo agradable e desternillante.
"Probando bien" é o novo espectáculo de comedia en vivo de David Puerto, onde a frescura e a espontaneidade se mesturan para ofrecer unha experiencia única.En "Probando bien", o crowdwork e aimprovisación mestúranse perfectamente coa música e o stand-up clásico creando un ambiente onde o ritmo e as risas van da man. As luces, os espazos e a música convertense en parte do espectáculo, envolvendo ao público nunha viaxe chea de humor, ritmo e enerxía.
Os ratos de Lonxedetodo teñen un xardín, turelí. No xardín hai un niño, tureló. No niño hai un ovo, turelí. Esperan que dese ovo enorme que nos amosan naza un paxariño. E fan tódolos preparativos necesarios para recibilo da mellor maneira posible. O conto de Turelí Tureló desenvólvese en nove capítulos ou escenas. O seu texto lembra as cantarelas dos xogos infantís. É un conto poético moi sinxelo e apropiado para nenas e nenos de tres anos.
Salón de actos.
Publico familiar a partir de 4 anos.
Entrada libre ata completar a capacidade da sala.
Nas festas de Lonxedetodo os ratos comen, cantan, bailan e por suposto contan contos; algúns de autores da nosa época e outros de tradición oral, que son aqueles que foron pasando de pais a fillos durantes séculos. Nunca falla un conto do autor homenaxeado no Día das Letras Galegas.
Salón de actos.
Publico familiar a partir de 3 anos.
Entrada libre ata completar a capacidade da sala.
Esta sesión é un eloxio da imaxinación. Usándoa e aplicando un sinxelo método que a ratiña Carolina nos explicará, podemos chegar a crear contos. A sesión de hoxe dános a coñecer a dous escritores referentes da Literatura Infantil (mais non só) do século XX: Rodari e Ionesco.
Salón de actos.
Publico familiar a partir de 3 anos.
Entrada libre ata completar a capacidade da sala.
