Aquí en la tierra é unha traxicomedia do outro mundo. Unha distopía na que a xente sen futuro dá renda solta aos seus instintos máis básicos. O espectador vai descubrindo, en clave policíaca, que se esconde baixo a aparente sensibilidade de quen mantén as tradicións, tras as bondades do bo salvaxe. Descubrilo pode ferir a nosa sensibilidade.
Teatro poético, contemporáneo e clásico a un tempo.
A protagonista é Lisis, quen interpela ás sombras das esfinxes na evocación da infancia perdida e da emoción inocente do primeiro amor. Ela rebélase diante do destino que lle agarda e que lle deseñaron.
A flauta de pan e outros contos son unha serie de narracións teatralizadas que teñen esta personaxe coma eixo.
Pan namórase dunha das ninfas que habitan os bosques.
Ela é unha ninfa do rio, unha naiade. Chamase Siringe.
El, un deus exiliado do Olimpo, un lambón. O seu nome é Pan.
Carente da arte da sedución, Pan bótase a ela, que fuxe coma unha tola. Prodúcese unha persecución ata que, de súpeto, intervén o rei Midas.
Un achegamento aos nosos instintos primarios e aos nosos medos, da man dos relatos mitolóxicos gregos.
O Souto dos Prodixios conta a historia de Curuxiño: O gardián do Souto dos Prodixios. O Souto é un lugar no que todo pode suceder. Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz e os xirasois dormen de día.
Unha obra de Producións Dispersas para público de 3 a 10 anos.
Contos de María Victoria Moreno forman gran parte do repertorio deste Babacontos. Utilizando as ferramentas da narración oral tradicionais, coñeceremos algunhas das historias do libro Mar adiante, así coma contos/poemas de Eu conto, ti contas, e o amor que a autora tiña aos canciños e tantos outros animais, da man da actriz Larraitz Urruzola.
Autor: José Luís Prieto
Dirección: Marcos Orsi
Elenco: Jouse García e Xoque Carbajal
Espectáculo de Jose Luis Prieto producido por Malasombra producións S.L dentro da programación Cultura no Camiño.
Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea.
Dirección: Gloria Rico
Texto: Alfonso Becerra de Becerreá
Dúas persoas. Unha situación cotiá dentro do cuarto de baño. Ou non, depende de para quen. Queredes acompañarnos?
Ficha artística
Elenco: Xosé Luis Bernal "Farruco" e Roberto Leal
Escenografía e vestiario: Teatro en Punto
Duración: 15 minutos
Autor: Daniel Maclvor
Dirección: Kevin Orr
House desaforado é unha comedia, un monólogo creado polo multipremiado dramaturgo canadense Daniel Maclvor, traducido ao galego pola escritora María Reimóndez e dirixido neste caso polo director tamén canadense Kevin Orr, convidado expresamente pola compañía Teatro do Morcego.
Dirección: Tatiana Likhacheva
Elenco: Genma Ulloa e Fran Martín
Esta é a historia de Lola, unha nena de 4 aniños. Este parece un día coma outro... pero non será así. Lola vai almorzar, pero hoxe o seu día será moi diferente, vai quedar ao coidado do seu avó, que fará que a súa neta pase un rato máxico cheo de momentos divertidos e ilusións.
O dragón deste espectáculo non é un dragón do común, trátase do derradeiro da súa especie.
Baixo unha estrutura clásica, relendo e inspirándose en autores como E. Nesbit ou Kenneth Grahame, constrúese unha brincadeira na que nada é o que parece. En tempos de cabaleiros, a princesa Celia, o seu amigo Telmo, príncipe interino, e o dragón protagonizan unha historia de amizade, reivindicando o pacifismo e a tenrura como fómula ideal para relacionarse.
Autora e directora: Fina Calleja
Fernando Dacosta como chambelán e o neno Telmo
