Como muller de teatro, que leu e releu aos teóricos - incluídos conceptuais, dogmáticos e intransixentes - decidín asumir a fatalidade e o encadeamento de sucesos como o elemento substancial dos meus actos pasados e presentes e concluín en verificar o sensentido de manuais e doutrinas á hora de comprender o funcionamento das cousas en xeral e das persoas en particular.
O colectivo Can Cun Quinqué é un colectivo dinámico e implicado no tecido sociocultural da cidade que presenta a súa nova montaxe profesional. A peza constrúese mediante un proceso de investigación e residencias artísticas. Espazo inhóspito, onde nos sentimos sós e observados. Quen está alén, non estamos sós, acompaña aos intérpretes constantemente.
Un pintor, con moitos anos no oficio, leva tempo sumido nunha crise creativa. Desde que faleceu de forma imprevista a súa muller, que era todo para el, practicamente non puido volver pintar. Estamos no verán e outono de 1975. A filla maior de ambos está no cárcere polas súas actividades políticas, e é nesa datas cando xorden os primeiros síntomas da enfermidade de súa nai que a filla vivirá desde dentro da prisión.
Tomando como punto de partida Tristana de Benito Pérez Galdós, Irma Correa constrúe un texto sobre a resistencia feminina contra o poder masculino franquista. Reutiliza as chaves que Galdós con Tristana e Ibsen con Nora abriran na creación de personaxes femininos oprimidos no seu contexto que buscan a liberdade.Ana é unha ama de casa convencional da España dos anos 60 casada con Lope, avogado que vai ser nomeado cun posto no Ministerio. A obra arrinca coa noticia e as repercusións que ten no matrimonio.
Medida x Medida, das pezas máis complexas e ricas de Shakespeare, chega por fin ao galego da man de Quico Cadaval, gran amigo do bardo de Avon. A historia acontece nunha Viena surrealista inventada por Shakespeare. O mandatario Duque Vincenzo pasa á clandestinidade e manda aplicar con todo rigor a lei contra os comportamentos inmorais. Cae a lei por igual sobre o negocio do sexo e sobre a xuventude hedonista. Un mozo de boa familia é condenado a morte.
Claudio é un estudante de dezasete anos que senta na última fila. Non fala, non participa, non é problemático, non destaca, salvo en Matemáticas. Cada clase faíselle máis insorportable ata que Xermán, o profesor de Lingua e Literatura, manda escribir unha redacción sobre a fin de semana. A partir deste intre, Claudio empeza a transformarse en alguén que observa, imaxina e escribe a vida doutros nun relato por entregas para un só lector. Ese relato compartido polo discípulo e o mestre convértese nun xogo cada vez máis perigoso para eles e para quen os rodea.
O espectáculo trasládanos a Rosalía de Castro na súa nenez, a unha Rosalía atrevida, máxica, activa que nos amosa o porque da súa obra dun xeito realmente ameno e divertido.
María Rosalía Rita agóchase no faiado, pechando a porta tras ela, facéndose forte nese lugar máxico que ben coñece, que habitou en segredo e que está ateigado de tesouros. Hoxe mesmo veñen buscala, xa lle puxeron o seu traxe de fidalguiña e uns zapatiños que non lle acaban de acaer ben. Debe abandonar a aldea para ir vivir coa súa nai despois de anos baixo a tutela das súas tías paternas.
Helena Varela recompón a historia da súa avoa Angelines, figura repudiada na súa familia, mais tamén enigmática. Pide axuda aos seus sete irmáns, que lle dan cadansúa versión.
Nunha viaxe a Londres Helena visita o psiquiátrico onde traballara a súa avoa durante moito tempo. Alí lle falan da existencia dunha película desaparecida que abrirá novos interrogantes sobre a vida da avóa
Angelines e a súa relación cunha misteriosa muller chamada “a vasca”.
Spoken-Word-Spoken-War.
Cando a ameaza da bomba atómica inspira a Neal Cassady a fusionar seus propios átomos, e Christine Jorgesen troca o corpo dos Marines por unha vaxina transexual, o Dharma da guerra dos sexos maniféstase en Rock Hudson e Doris Day a través de Gila e Mari Carmen y sus muñecos. Xa o Donald Trans, urde na sombra un plano reptiliano que nen o Super man - ese E.T- encomendado aos Upanishads parece poder paliar. Urxe auxda B-UFA.
Elenco: Paula Sanmartín
O noso espectáculo baséase nun proceso de exploración sobre a prostitución. Un tema que nos fai expoñernos a moitas preguntas, e en diferentes planos, sobre a nosa visión como cidadáns, como seres humanos e como artistas coa vontade de reflectir a nosa sociedade. E farémolo dando voz aos seus protagonistas, ás prostitutas. Falamos con elas, entramos nos seus clubs, acompañámolas nas súas rúas. Trátase dunha investigación documental da que beberá un grupo de artistas/actrices, co propósito de comprender esta realidade e facela obra de teatro.
