Malala quere loitar a favor da educación, unha educación dominada por persoas que se cren ter o dereito de decidir.
Eu tamén son Malala e quero ler libros, quero ter un bolígrafo nas mans para escribir contos, quero estudar para saber cada día máis, quero ter un pupitre e unha aula, quero que todo o mundo teña este privilexio e este dereito, non teño medo, quero que o soño de Malala fágase realidade. As palabras e a cultura poden cambiar o mundo.
Clotaldo e Clarín vense sorprendidos polo público mentres botaban unha cabezadiña agardando a hora da función. Rapidamente dispostos e armados dos seus monicreques, estes cómicos e anciáns narradores, irannos contado a historia de Sexismundo, pechado nunha torre porque as estrelas predixeron que sería un rei malvado e cruel. Pero seica é xusto pechar a un home polo que ditan as estrelas? Pola súa lingua, a súa cor, pola súa raza, polo que pode chegar a facer sen ter feito nada? Por iso, o seu pai, o rei Basilio, decide sacalo da torre e poñelo a proba.
O venres 20 é a quenda de Noviembre Teatro e a Compañía Nacional de Teatro Clásico, con Arturo Querejeta, Isabel Rodes, José Ramón Iglesias, Rafael Ortiz, Manuel Pico, José Vicente Ramos, Elena Rayos, Antonio de Cos e Francisco Rojas, dirixidos por Eduardo Vasco, que interpretarán Entre Bobos Anda el Juego, versión de Yolanda Pallín da obra de Rojas Zorrilla. Don Lucas del Cigarral é un cabaleiro podente, ridículo e desmedido que pretende casar con dona Isabel de Peralta, que así e todo quedou prendada de don Pedro, curmán de don Lucas e tan aposto como pobre.
Manolo Rei, vello e enfermo, prepara un cocido e reúne a familia. A comida sempre é unha escusa. Desta vez para repartir a Casa entre as súas tres fillas. Pero o cocido sáelle cargado de traizón e desprezo, intragable polo amargor dun mundo novo, acedo e descoñecido, que trae do estranxeiro unha morte preconxelada e adobiada con fel.
O venres 13 ás 18:30 terá lugar a primeira representación para público familiar. Pedras de cartón, baixo a dirección de Pablo Sánchez e Laura Sarasola, e coa interpretación de Xosé Manuel Esperante, Xosé Vilarelle e Juan Rodríguez mostrarán o Lázaro de Tormes, un espectáculo baseado no coñecido clásico da literatura, por primeira vez contado case sen palabras. Un espectáculo para toda a familia narrado en clave de comedia a través dun coidado traballo de máscaras. No espectáculo dáse forma a cada unha das pasaxes máis coñecidas desta universal historia da picaresca española.
Unha noite na praia é unha comedia de dous personaxes. Dous tipos moi distintos que coinciden á tardiña nunha praia fronte o mar. Klaus e Manuel, un sueco e un galego, que se parecen o mesmo que o restaurante do Ikea a un Furancho da aldea.
A acción:
A Plasmatoria, comedia en tres actos, estréase en 1935, froito da colaboración de Pedro Muñoz Seca e Pedro Pérez Fernández, e aínda hoxe segue vixente a súa graza e a súa frescura.
A adaptación que presentamos, Plasmatoria (A verdadeira historia de D. Juan Tenorio), non perde en ningún momento o sinal que os autores lle daban ás súas obras, chegando a ser un estilo dentro da comedia: a astracanada, unha serie de disparates cómicos cunha crítica á sociedade da época.
A historia fala dunha familia na que atopamos a Electra, que é abandonada cando é pequena pola súa nai para que non sexa a herdeira ao trono. Doutra banda, o seu irmán descubre de que a súa nai abandonou a irmá e tamén asasinou ao seu pai e agora quere vinganza. Para conseguilo, pide axuda a Electra.
Cinco vendedoras ambulantes do Salvador expoñen as súas vidas nun taller de teatro. Alá falan sobre as súas vivencias nos mercados e nos seus fogares, feito que lles permite revivir os traumas que sufriron ao longo da súa vida.
A través deste experimento liderado pola profesora Egly Larreynaga, estas mulleres -Magaly, Magda, Ruth, Chileno e Wendy- viven unha transformación profunda que lles permitirá descubrir a súa propia voz e darse conta dos efectos que provocou nelas e nos seus fillos a realidade violenta e machista que as rodea.
