Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música.
Un espectáculo interactivo, onde as figuras feitas en cartón cobran vida e onde os cativos poden entrar na casa da avoa dos contos para escoitar as súas historias.
Elenco artístico: Kevin Stewart e Estibaliz Veiga
Unha interpretación chaplinesca cun toque dos anos 20.
Mancharse con chocolate pode ser divertido e a hora do baño selo aínda máis.
Dous amigos, chocolate, unha bañeira y musica orixinal, son os ingredentes desta posta en escea.
STRPTS: Fin de tempada é un espectáculo de cine ao vivo, ou tamén teatro multimedia, ou tamén teatro transmedia que combina diferentes técnicas teatrais como obxectos, monicreques, sombras e actores coa creación, manipulación e proxección en vivo de imaxe e son.
Un home e unha muller foxen perseguidos por unha mentira, mais non poden fuxir eternamente. Chegou a hora de afrontar o engano, a manipulación. Agora ben, con que armas? Coa verdade, con outra mentira. Serán quen de manterse no mesmo bando?
Dirección: Gustavo del Río
Elenco: Gustavo del Río e Alumudena del Río
Martín non encontra máis recurso que pedir nas rúas. Martina, a súa filla non entende o que pasa, sofre a vida do seu pai e éntranlle os medos, a tristeza e a desolación. Martín non sabe que facer, espera unha chamada, algo que cambie o rumbo dos acontecementos. Cando todo parece que non ten solución, unha árbore vermella aparece na vida de ambos.
Elenco artístico: Nuria Sanz e Chiqui Pereira
Nalgún lugar, lonxe de todo, ao caer a noite, unha muller le un libro que parece conter as historias do mundo enteiro. A música acompáñaa na soidade. Soan badaladas. Anuncian un baile?
Un lobo ouvea. Está a porta pechada con chave? Leva tantos anos ás costas, esa muller, que xa non lembra quen é. Precisamente por iso pode xogar a ser quen ela queira.
Deixa de tocala, Sam nace dunha curta representada na parte de atrás do Salón Teatro, dentro do ciclo Teatro obsceno.
O pianista Velpister e a actriz AveLina Pérez, elaboran un anti/poema que berra a necesidade de entender onde está o brillo neste mundo posmoderno.
O diálogo establécese entre a voz falada e o piano, creando un concerto teatral na procura do ENCONTRO.
Elenco: Laura Villaverde
Chola, mecánica de coches, blogueira e youtuber galega é contratada por un teatro para presentar o seu monólogo ao máis puro estilo de show escénico youtuber. A través da presenza no escenario do seu coche Opel Calibra do 2000 transmitirá, con exemplos prácticos e didácticos, estratexias para poder descubrir quen somos, que nos gusta, que nos divirte... e sobre todo, saber recoñecer de onde vimos.
Don Quixote é unha comedia que mestura narración oral, manipulación de obxectos e cociña en directo para dar lugar a unha versión gastronómica da obra de Cervantes.
Un espectáculo de Limiar Teatro. Consultar na biblioteca o público ao que vai dirixido.
A representación forma parte do ciclo Ler conta moito
De pé crebado é unha antoloxïa a partir dunha proposta seleccionada por Antón Lopo das últimas voces da poesía galega da actualidade.
O movemento de Olga Cameselle, a voz de Alfredo Rodríguez e as imaxes de Mirian Rodríguez propoñen unha viaxe sensorial.
Sarabela Teatro estrea un novo espectáculo dirixido por Dani Salgado e baseado non texto de Fernando Dacosta.
A obra transcorre durante unha festa de luxo onde o máis importante é saír na foto oficial dá festa, como xustificante de que estiveches alí. Sarabela Teatro ten como obxectivo representar a idea do luxo e da diferenciación de clases a través desta obra de teatro.
Elenco:
Fina Calleja
Nate Borrajo
Sabela Gago
Elena Seijo
Fernando Dacosta
