Teatro

O proxecto cultural que desenvolve Microefectos Dramatúrxicos parte da creación e representación de breves pezas dramáticas orixinais. Os microefectos son obras curtas, de duración inferior aos 15 minutos, que varían considerablemente no número de personaxes implicados e no espazo escénico, polo que poden representarse en moi diferentes espazos. Actualmente o grupo de Microefectos Dramatúrxicos está a estrear catro pezas orixinais cada tres meses no Club Clavicémbalo de Lugo.

Unha historia en catro voces; as voces de catro mulleres que incapaces de enfrontarse aos seus problemas cara a cara, prefiren confesarse a través dun contestador automático. Mariña, Carmela, Sara e Viviana utilizarán unha caixa de correo de voz como terapia para tentar entenderse a si mesmas e, sobre todo, conseguir que as comprendan os demais.

Teatro visual para bebés.

Un cociñeiro e a súa pinche pretenden cociñar con todo o seu sentimento, pero ás veces o sentimento desaparece e non poden cociñar.

Farán falta ingredientes, unha culler para remexer e moita paciencia para facer a comida con agarimo e amor.

Debido ás condicións especiais xeradas polo COVID-19, esta actividade cumprirá coa normativa vixente no momento da súa realización. Tomaranse as medidas necesarias para o desenvolvemento dunha actividade segura e sen riscos, no marco da biblioteca.

Aforo limitado.

Adaptación libre da obra de por Pepablo Patinho
Teatro Ghazafelhos xunto con Paty Lesta e Cristian Leggiero deciden contarnos a historia de Pinocchio. Este títere universal que nos enche de risa e emoción e agacha un segredo no seu corazón de bidueiro.
Cunha posta en escena que combina os títeres, teatro actoral e música en directo abriremos unha porta a unha emocionante aventura que nos amosará un camiño cheo de humor e sensibilidade.

Elenco: Cristian Leggiero, Paty Lesta, Montse Piñón, Jorge Casas e Pepablo Patinho

Con motivo da conmemoración do Día das Letras Galegas (dedicadas este ano a Carballo Calero), a Subdirección Xeral de Bibliotecas e do Libro organiza esta actividade.

Sinopse:

Ludivina e Tereija son dúas pitas que viven no curral da Barreira. Están agardando a visita de Ricardiño, un neno que ás veces vén xogar con elas. Pero teñen medo de que ese día chova, pois cando isto sucede, Ricardiño tolea e perségueas ata pechalas no curral. Coa axuda do Galo Chafarís e o rapouso Rosende, tentarán que o neno deixe de tolear coa choiva e continúe a xogar con elas.

Culturactiva SCG é unha cooperativa de xestión cultural con máis de quince anos de experiencia. Un dos principais distribuidores de teatro e música no país.

Ademais, Culturactiva SCG non só é un distribuidor, senón que tamén traballa como empresa produtora para levar un completo programa de actividades ás rúas, prazas e teatros de Galicia.

Sinopse: Dous expertos operarios da limpeza descobren por casualidade as posibilidades que poden dar as súas ferramentas de traballo, combiadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas de xabón.

O público sorprenderase e gozará con estas máxicas burbullas; pompas transparentes, con fume, con vapor, pequenas, grandes, estáticas ou voando polo escenario. O espectador camiñará da man destas personaxes por un mundo máxico, cheo de cor e de moito, moito humor.

Sinopse: O Consello Municipal está reunido para determiñar se o pago do rescate da bibliotecaria municipal debería figurar como gasto de persoal ou  como un gasto do fondo de Cultura... Un brote de varicela entre a banda de secuestradores complica ainda máis as cousas: poucas persoas quedan ben con granos na cara pero para uns ladróns resulta desastroso. O inxenio   e o corazón da bibliotecaria raptada fará virar os acontecementos e traerá novidades importantes para a Biblioteca Municipal e para as vidas dos terribles secuestradores.

A cargo de Baobab Teatro

Data: 10 de outubro

Público: Familiar (a partir de 4 anos)

Horario: 17:00 a 18:00 h

Duración: 60 minutos

Prazas: 43

De balde, precisa inscrición na web

O camiño de Santiago é a historia de Santiago e Mariña, dous irmáns que non xogan xuntos, pero que aprenderán a facelo.

Como cada noite, Santiago emprende o seu camiño acompañado de Blanco, o seu cabalo inseparable. O que non espera é que hoxe se atopará no seu soño con Mariña e o seu gatita Lupe. Vivirán aventuras e cantarán cancións para chegar ao Castelo Máxico (A Catedral de Santiago) para atopar o tesouro escondido.