Teatro

En 1977, a NASA realiza un exercicio artístico de síntese e perdurabilidad: enviar ao espazo un vinilo e materiais extra que pretendían definir á humanidade no seu conxunto. Unha selección musical que poderiamos entender como un ?Best of? dunha comunidade orgullosa, confeccionado para sobrevivir ao Planeta Terra. A medio camiño entre a Caixa Negra e o popurrí dunha especie tragicómica.

Corenta e dous anos máis tarde, a obra revisa eses materiais que nos contan moito máis sobre nós mesmos do que a axencia espacial nunca puido imaxinar.

Redondo é un espectáculo mellor valorado polo público na programación Vigo Cultura 2018 Selección para Galicia Escena PROL Compañía seleccionada en FETEN 2018.

Unha obra que xoga coas formas. A Mr. Round fascínanlle todos aqueles obxectos redondos, os máis curiosos obxectos con forma de circunferencia. Un día na súa incesante procura atopará unha asombrosa esfera que esconde historias sorprendentes. Unha proposta visual case sen palabras para gozar en familia.

Unha xograresa chega co seu pandeiro coma unha ilusionista de verbas e cántigas, para contar historias de lumes pequenos e grandes, de fragas e paxaros, de serpes e mulleres. É unha obra de formato moi lixeiro, comprendido pola actriz e tres obxectos da súa personaxe. A forma do teatro é popular e pode lembrar á idea da xograría nas prazas, máis popular hai uns séculos. Os contos están alternados con cantos populares e máis cun instrumento, tamén da tradición galega, menos habitual; o pandeiro redondo.

E poñerán esposas ás flores, esta obra de Arrabalde moi poucas veces representada nas táboas dun teatro profesional, preséntanos unha montaxe que narra a memoria histórica, pero dunha forma cálida e entretida. O autor introduce na peza a historia do caso real de Julian Grimau, que foi condenado á morte na ditadura franquista. Aparecen reflectidos os feitos verídicos que lle sucederon durante o seu xuízo por un tribunal militar.

Fábulas da montaña, unha montaxe teatral con monicreques da compañía Larraitz Producións Artísticas para render homenaxe neste ano 2021 ao aniversario da ferrolá Concepción Arenal.

Unha estraña parella de dous amigos, case irmáns, que mentres están a esperar, falan, discuten, xogan, desafíanse, reconcílianse, ámanse, repélense. Chega outra estraña parella, aínda máis estraña, e o xogo diversifícase. Godot non chega, pero chega o seu emisario.

Cheas de humanidade en personaxes desamparados, errantes, desacoplados, que nos lembran que o ser humano, aínda en situacións moi difíciles, é quen de erguerse ou, canto menos, como fai Estragón no final da obra, de volver poñer os pantalóns, que a falta de cinto átanse cunha corda.

O irmán pequeno da familia Aumont, Toni, vive illado no seu cuarto trala dura separación coa súa muller Beatriz. 

A chegada dunha carta dos servizos sociais coa noticia de que a súa irmá, Magda, morta fai dez anos está viva, enfrontará á familia e a súa ex-muller a un pasado que semellaba esquecido.

Compañía: Abismo Caracol

Director: Xosé Leis

Guión: Darío Autrán

Intérpretes: Darío Autrán, Nerea Brey, Sabela Hermida

Luis é propietario dunha editorial de libro spara nenos en horas baixas. O seu socio e amigo Álvaro, co que comparte oficina, pídelle que lle preste o seu apartamento pola noite para "entreter" á súa última conquista.

Peor ao mesmo tempo Rocío , a muller de Álvaro , tamén solicitou o apartamento par esa mesma noite a Bea, muller de Luis. Vaia lea de saias e pantalóns!

Arre ru é unha palabra que vive na boca. Non quere dicir nada, pero a ábrea o asombro, o RRE a repetición, e o RU a delicadeza.

Ao finalizar as festas, sempre queda ese momento difícil de describir no que o mundo entristece, cando baixa esa adrenalina.

Esta conversación entre Thomas Noone e a súa alter ego, no que un home reflexiona sobre as conversacións e encontros pasados, un diálogo tan intenso como absurdo, no que as verdades, soños e mentiras son expresadas con danza e un monicreque rebelde.

Thomas Noone Dance é unha compañía de danza de Barcelona creada polo bailarín británico coa intención de transmitir emocións a partir dunha forte