Continente María é un canto á vida e ao teatro a través do diálogo coa extraordinaria figura de María Casares.Mediante as múltiples posibilidades que nos ofrece o teatro, evocamos a María non só como a inesquecible actriz que foi, senón tamén como o ser humano que se entregou con absoluta intensidade á vida e á escena para vencer o medo e sobrepoñerse ao exilio, descubrindo nas táboas a súa verdadeira patria.
Explosións, tortazos, persecucións, sustos, malos entendidos. Todos eles ingredientes para unha comedia total en clave de clown.
Un espectáculo de narración oral coa misión de transmitir as historias de confusión, segredo, amor, picaresca e sexualidade (a máis cruel e a máis desexada) das mulleres que son os cimentos da nosa terra, que poden explicar o que agora somos: fillas do Tabú. Un toldo para despexar toda a intimidade.
A compañía teatral Cal y Canto fai un traballo de recuperación de espazos públicos a través da danza, o xesto e unha coidada ambientación musical e a manipulación de grandes obxectos voadores.
Celébrase a gala de clausura e entrega de premios do XXIII Certame de Teatro Escolar e Afeccionado da Deputación da Coruña, que ten como obxectivo ser unha festa de homenaxe á cultura teatral da nosa provincia e, ademais, ser o acto de entrega de premios ás obras, actores e actrices participantes con mellor valoración por parte do xurado.
O espectador terá unha invitación para coñecer a Miss Beige e deitarse con ela compartindo así secretos de alcoba.
?O mirón?, que debe entrar en solitario, dúos ou tríos, convértese en protagonista, tendo que interpretar a insinuación. A vulnerabilidade do artista fronte á vulnerabilidade do espectador. Pero quen mira a quen? Miss Beige, en Segredos de alcoba, non nos instrúe, non nos pide, de maneira implícita ou explícita, que sexamos obedientes. Déixanos libres e aí, quizais, é onde radica a vertixe fascinante desta performance.
O diaño na praia. Lucifer, o portador da luz. O anxo máis belo do ceo que, por desafiar o poder creador de Deus, é condenado. O anxo caído.
O paraugas de Deleuze. A loita contra o caos. Ante o que a ciencia e a filosofía crean un paraugas protector, mentres que a arte abre gretas, fisuras polas que se filtran o caos e a luz.
A habitación de Tarkovski. A luz como espazo, creadora de atmosferas, temperaturas, aparicións ou distancia. A luz para habitar ou esvaecer. As relacións fantasmales.
Un teatro innovador, participativo, divertido, sorprendente, fresco, vivo, popular, enxeñoso, irreverente, en auxe en España e no resto do mundo. A compañía Jamming é garantía de calidade, humor intelixente, madurez, artística e diversión. 18 tempadas en cartel, máis de 2.000.000 de espectadores e máis de 3.000 funcións, en Madrid e nas máis de 24 cidades de España na súa xira e tamén en Europa e Latinoamérica, así o avalan.
Na década dos 60, logo duns días exercendo de visitador farmacéutico pola contorna de Guadalaxara, Florencio D. Gurriarán chega á casa canso, cheo de sede e cargado co seu maletín de visitador. Ante a presenza inesperada dos espectadores, describe o seu día a día de axente comercial pola rexión, véndose a si mesmo como unha especie de Ulises. Pouco a pouco, axudándose dos elementos que leva no maletín e, embargado pola saudade, van aflorando as lembranzas do seu Córgomo natal, a guerra, a chegada ao seu país de acollida e algúns momentos festivos.
Durante os meses de Maio e Xuño celebrarase a Primavera Teatral 2022. Unha programación de obras de teatro en diferentes asociacións de veciños da área metropolitana de Vigo. Durante estes meses terán lugar as representacións de seis obras teatrais. O horario para todas elas será a partir das 19:30 horas.
A programación empezou o pasado sábado 7 de maio coa actuación do grupo Teatro Tarantela e a súa obra Retais teatrais en épocas virais. A próxima actuación programada terá lugar o sábado 21, Agarimo Teatro presentará a obra teatral Microcomedias 2, no CSCR de Beade.
