O tío Ramón de Reborneda ten a mellor figueira da aldea pero deron con ela os merlos e decide facer un espantallo. Desde aquela MERLA VELLA, O GRILO, CAN PENEXO e GATO XIRIMÍA van ter unha relación moi especial co ESPANTALLO AMIGO
Os Quinquilláns adapta esta obra de Xosé Neira Vilas, que é un dos fitos da literatura infantil galega .
Europa, verán do 2001. A cidade de Ragazzo vive a restricción de dereitos sociais máis grande que recorda o continente dende a Segunda Guerra Mundial: fronteiras pechadas, rexistros, detencións… 30 000 axentes recorren as rúas e protexen aos líderes do G8 na súa xuntanza.
Elena (Eva Iglesias) e Carla (Inma Morandeira) son as protagonistas desta comedia de enredo chea de situacións disparatadas. Ambas coñécense por casualidade na sala de espera do xinecólogo. Elena é tradicional e non concibe a maternidade sen a existencia dun pai. Carla, pola contra, é unha executiva á que lle preocupa máis a súa carreira profesional. Entre elas saltan chispas pero o karma é caprichoso e non será, nin moito menos, a última vez que se atopen.
O grupo PatakaMacabra da escola de teatro Airiños presenta Reset. Historia dun futuro roubado, a función terá lugar na sala Arcos Moldes do Auditorio de Rianxo o sábado 11 de xuño, ás 20.30 horas.
A obra é unha creación colectiva dirixida por Amantia Coello.
O elenco artístico está formado por Sara Rial, Irene Ordóñez, Mateo Figueiro, María Alcalde, Celia Blanco, Estefanía Moares, Álvaro García, Katia Lojo, Noelia Fernández, Lara Lapa e Laura González. Coa participación de Teatrinclis.
O grupo de teatro Airiños organiza unha función de teatro na sala Arcos Moldes do Auditorio de Rianxo. Nesta ocasión convidan ao grupo Andaravía teatro a representar a obra Xacovedra o sábado 4 de xuño ás 21.00 horas.
A proposta forma parte da programación da Rede Cultural da Deputación da Coruña.
Xacovedra foi escrita e dirixida por Manuel Cortés. É un espectáculo de variedades onde hai cancións e sketches. Nesta obra reflíctese, desde o humor, o presente e futuro do fenómeno socioeconómico que se produce con motivo do(s) Ano(s) Santo(s).
Ano 1982. Un funeral, unha noite, un pazo nun lugar indefinido de Galicia e unha historia con segredos familiares coa que case todo o mundo podería sentirse identificado dalgunha maneira. Ai Mamá! é un musical con texto orixinal de Rock School Coruña construído por docentes e alumnas do curso de Teatro Musical avanzado e dirixido por Bea García (dirección escénica e dramaturxia) xunto a Carla de Andrés (dirección coreogáfica) e Daniel G. Artés (dirección musical).
Este venres 03 e sábado 04 tedes unha cita no Clube Clavicémbalo. Catro micropezas novas e tres días para gozalas. En pases de 20:30 e 22:30.
Para realizar reservas tedes este correo: club@clavicembalo.com. Tedes que indicar o voso nome e a hora á que queredes acudir. Máximo tres persoas por reserva.
Lugar: salón de actos
Idade: de 4 a 12 anos
Teatro, ciencia e títeres.
A Toupiña que quería saber quen lle fixera aquilo na cabeza e máis o seu axudante Protonio andan a buscar ás persoas científicas do futuro. Para iso exploran facendo divertidos e dinámicos experimentos, utilizando o método científico, promovendo a curiosidade e mostrando a gran importancia que ten o facer preguntas para aprender e avanzar.
Colección de notas ao pé de páxina ou a pé de foto ou anotacións á marxe. Propostas fóra de carta. Presenzas por omisión.
Encha a casa de saída, quebra de páxina, unha viaxe a ningunha parte.
Dar voltas de campá mentres soa unha cinta de varios.
Un índice de capitulacións, o listín telefónico do cemiterio.
Suxerencias obrigadas, desculpas imperativas e intencións desinteresadas.
Presentarse co posto.
Unha vez aquí,
o absurdo sería chegar e cantar unha canción.
Un grupo de amigas e amigos reúnense para celebrar. E ben sabemos que nas celebracións, entre cantar e beber, xorden as conversas. Esta peza fala de comunidade pasada e presente. Das diferenzas entre espazo rural, onde o común está máis presente, e o individualista espazo urbana. A dramaturxia constrúese a partir da memoria sensorial e afectiva individual para chegar á memoria colectiva.
