Este vindeiro Domingo 2 de Outubro ás 20H comeza o Circuíto Galego de Teatro Amador xestionado pola Federación Galega de Teatro Afeccionado. Inauguran este ciclo a compañía coruñesa "Ateaco" coa súa obra de comedia "Refacho" que esta recomendada para todos os públicos. Todas as obras de este ciclo terán unha entrada inversa.
Adictos xorde da necesidade de abordar unha problemática que nos afecta a todos: ata que punto estamos sometidos pola tecnoloxía? somos realmente libres? que tipo de sociedade construímos? que panorama exponnos o futuro máis próximo? realmente merecémonos o cualificativo de seres humanos?.
Carmela volve unha e outra vez. Volve o seu recordo contra o esquecemento. Evocámola para que o seu espírito non se perda no cómodo mundo da indiferenza. Volve alertarnos, a gritarnos coa súa presenza que o ovo da serpe, que sempre estivo aí, está a romperse O noso soño dun mundo de tolerancia, de comprensión, de permisividade cara ao diferente, de igualdade, de solidariedade, de xustiza social vaise rachando e o mundo fascista de intransixencia, terquedad, obstinación, testarudez avanza tan incompresible como imparablemente.
Recortes, caneos e outras formas de driblar recrea un dos tantos partidos de fútbol do século a través do comportamento de xogadores, adestradores, xornalistas, directivos, árbitros, afeccionados e demais personaxes principais, secundarios ou extras que compoñen o espectáculo futbolístico.
Margot, nai de Loló, queda no paro e decide instalarse na casa da súa filla. Pero o que parecía unha idea xenial que axudaría a xuntar a unha familia desestructurada desde sempre, enseguida transfórmase en desastre. Como recibe unha filla a volta da súa nai?
Trátase de unir o título de Buero co cadro de Goya no que se inspirou: O soño da razón produce monstros. Pode haber algo, desgraciadamente, máis actual nestes momentos?. Contemplamos atónitos; avergoñados ante unha perda da razón; un desenfoque do pensamento; do pensamento racional; que fai da nosa sociedade un ser colectivo emboubado e soñoliento. Buero escribiuna no ano 1970.
O reencontro de dous amigos da infancia convértese nunha disputa permanente entre os seus egos, pretensións pasadas e frustracións presentes. A oportunidade de que afloren traumas, pensamentos e emocións acumulados durante anos.
Competencias, amores e odios nunha hora de humor escandaloso e absurdo. Volverse a ver remove todo o pasado e saca á luz as máis profundas manipulacións e miserias do seu vínculo. O que foi e xa non é, o que volve ser diferente.
Os artefactos da epopea funcionan como pretexto dramatúrgico á investigación histórica, etnográfica e performática, nun proceso de relectura en paralelo ás realidades contemporáneas.
O´Péndulo achega a historia colectiva desde o persoal, mergullándose nas vivencias do bisavó da propia autora; Tirso Gómez Freijido, un membro do Partido Socialista Gallego e republicano. Foi por esta razón pola que o capturaron e fusilaron xunto ás súas demais camaradas no golpe de estado do 18 de xullo de 1936; Xusto Moure, Jesús Pérez e Antonio Mouteira. Outro veciño da localidade, Benjamín Malvar, apareceu asasinado no monte. Xunto a eles capturouse tamén a María Gómez, a alcaldesa da Cañiza e a única muller que exerceu ese cargo en Galicia durante a Segunda República.
En agosto de 2014, a londiniense Anna Jordan, unha das dramaturgas e directoras escénicas europeas máis importantes dos últimos tempos, estreaba a súa obra Freak no prestixioso Festival de Edimburgo. Seis anos despois, esta peza de teatro social sobre a feminidade e a autoimagen, que bebe directamente do teatro social, converteuse nun texto de referencia internacional pola súa maneira de abordar a sexualidade, entre o humor e a desesperanza.
